ଜିଓଫୋନ୍ ନେକ୍ସଟର ଦମଦାର ଅଫର; ଏକ୍ସଚେଞ୍ଜ ଟୁ ଅପଗ୍ରେଡ଼ରେ ମିଳିବ ନୂଆ ଫୋନ

ଜିଓଫୋନ୍ ନେକ୍ସଟ୍ ପାଇଁ ସୀମିତ ସମୟର ଏକ୍ସଚେଞ୍ଜ ଟୁ ଅପଗ୍ରେଡ଼ ଅଫରର ଶୁଭାରମ୍ଭ କରାଯାଇଛି । ଏହି ଅଫରରେ ଯେକୌଣସି ପୁରୁଣା ସକ୍ରିୟ ୪ଜି ଫୋନ୍ ବଦଳାଇ ଏକ ସମ୍ପୂର୍ଣ୍ଣ ନୂଆ ଜିଓଫୋନ୍ ନେକ୍ସଟ୍ ପାଇପାରିବେ ।

ଜିଓଫୋନ୍ ନେକ୍ସଟ୍ ପାଇଁ ଏକ୍ସଚେଞ୍ଜ ଟୁ ଅପ୍ଗ୍ରେଡ୍ ଅଫରର ଶୁଭାରମ୍ଭ କରାଯାଇଛି (ପ୍ରତୀକାତ୍ମକ ଛବି)

ଜିଓଫୋନ୍ ନେକ୍ସଟ୍ ପାଇଁ ଏକ୍ସଚେଞ୍ଜ ଟୁ ଅପ୍ଗ୍ରେଡ୍ ଅଫରର ଶୁଭାରମ୍ଭ କରାଯାଇଛି (ପ୍ରତୀକାତ୍ମକ ଛବି)

  • Share this:
News18 Odia Digital

ଭୁବନେଶ୍ୱର: ରିଲାଏନ୍ସ ରିଟେଲ୍ ପକ୍ଷରୁ ଜିଓଫୋନ୍ ନେକ୍ସଟ୍ ପାଇଁ ସୀମିତ ସମୟର ଏକ୍ସଚେଞ୍ଜ ଟୁ ଅପ୍‌ଗ୍ରେଡ୍ ଅଫରର ଶୁଭାରମ୍ଭ କରାଯାଇଛି । ଅଫର ଅନୁସାରେ ଗ୍ରାହକମାନେ ଯେକୌଣସି ପୁରୁଣା ସକ୍ରିୟ ୪ଜି ଫିଚରଫୋନ୍, ଜିଓଫୋନ୍ କିମ୍ବା ସ୍ମାର୍ଟଫୋନ୍‌କୁ ବଦଳାଇ ମାତ୍ର ୪,୪୯୯ ଟଙ୍କା ମୂଲ୍ୟରେ ଏକ ସମ୍ପୂର୍ଣ୍ଣ ନୂଆ ଜିଓଫୋନ୍ ନେକ୍ସଟ୍ ପାଇପାରିବେ ।

ଜିଓଫୋନ୍ ନେକ୍ସଟ୍ ଏକ୍ସଚେଞ୍ଜ ଟୁ ଅପ୍‌ଗ୍ରେଡ୍ ଅଫର ଅଧିକରୁ ଅଧିକ ଭାରତୀୟଙ୍କୁ ଏକ ବାସ୍ତବ ସ୍ମାର୍ଟ ଡିଜିଟାଲ୍ ଜୀବନକୁ ଗ୍ରହଣ କରିବାରେ ସହାୟକ ହେବ । ଏହି ଆକର୍ଷଣୀୟ ଅଫର ଜରିଆରେ ପୁରୁଣା ୪ଜି ଫିଚରଫୋନ୍ ଓ ସ୍ମାର୍ଟଫୋନ୍‌ର ଗ୍ରାହକମାନଙ୍କୁ ନିଜ ପୁରୁଣା ଡିଭାଇସ୍ ଅସୁବିଧାକୁ ଧରି ରଖିବାକୁ ପଡ଼ିବନି ଓ ସେମାନେ ବାସ୍ତବ ୪ଜି ଜିଓ ଡିଜିଟାଲ୍ ଜୀବନକୁ ସମ୍ପୂର୍ଣ୍ଣ ଉପଭୋଗ କରିପାରିବେ ।

ବର୍ତ୍ତମାନର ୪ଜି ଫିଚରଫୋନ୍ ବ୍ୟବହାରକାରୀମାନେ ଅତି ସହଜରେ ବିଶ୍ୱର ସବୁଠୁ ସୁଲଭ ସ୍ମାର୍ଟଫୋନ୍ ସହ ବଡ଼ ସ୍କ୍ରିନ୍ ଡିଜିଟାଲ୍ ଅନୁଭୂତି ପାଇପାରିବେ। ସେହିପରି, ସ୍ୱଳ୍ପ ମୂଲ୍ୟର ସ୍ମାର୍ଟଫୋନ୍ ବ୍ୟବହାରକାରୀମାନେ ମଧ୍ୟ ଜିଓଫୋନ୍ ନେକ୍ସଟ୍ ଯାହା ଆଣ୍ଡ୍ରଏଡ୍‌ର ଉନ୍ନତ ଭର୍ସନ ପ୍ରଗତି ଓଏସ୍ ପରିଚାଳିତ ତାହା ଜରିଆରେ ଏକ ନିରବଚ୍ଛିନ୍ନ ଓ ଉନ୍ନତ ଡିଜିଟାଲ୍ ଜୀବନକୁ ଉନ୍ନୀତ ହୋଇପାରିବେ। ଏହା ବ୍ୟବହାରକାରୀଙ୍କ ଅନୁଭୂତିରେ ସାଲିସ ନକରି ବ୍ୟାପକ ପରିମାଣର ଆପ୍ଲିକେସନ ଓ ଉପଯୋଗିତାକୁ ସମର୍ଥନ କରୁଛି ।

ଜିଓଫୋନ୍ ନେକ୍ସଟ୍‌କୁ ଜିଓ ଓ ଗୁଗୁଲ୍ ପକ୍ଷରୁ ମିଳିତ ଭାବେ ଡିଜାଇନ୍ କରାଯାଇଛି, ଏହା ବିଶ୍ୱର ସବୁଠୁ ସୁଲଭ ୪ଜି ସ୍ମାର୍ଟଫୋନ୍ ଯେଉଁଥିରେ ରହିଛି ୫.୪୫ ଇଂଚ୍‌ର ଏଚ୍‌ଡି ସ୍କ୍ରିନ୍ ସହିତ କର୍ଣ୍ଣିଂ ଗୋରିଲା ଗ୍ଲାସ୍ ୩ ଓ ଆଂଟି ଫିଙ୍ଗରପ୍ରିଂଟ୍ କୋଟିଂ, ୨ ଜିବି ରାମ୍‌, ୩୨ ଜିବି ଇନ୍‌-ବିଲ୍‌ଟ ଷ୍ଟୋରେଜ୍ (୫୧୨ ଜିବି ପର୍ଯ୍ୟନ୍ତ ସମ୍ପ୍ରସାରଣ କରାଯାଇପାରିବ), ୧୩ ମେଗାପିକ୍‌ସେଲ୍ ପଛ କ୍ୟାମେରା, ୮ ମେଗାପିକ୍‌ସେଲ୍ ସାମ୍ନା ସେଲ୍‌ଫି କ୍ୟାମେରା, ୩,୫୦୦ ଏମ୍‌ଏଏଚ୍ ବ୍ୟାଟେରି ଓ ବହୁ ଅତ୍ୟାଧୁନିକ ଫିଚର ଯେଉଁଥିରେ ସାମିଲ ରହିଛି ଭଏସ୍ ଫାଷ୍ଟ୍ ଦକ୍ଷତା, ରିଡ୍ ଆଲାଉଡ୍‌, ଟ୍ରାନ୍ସଲେଟ୍ ନାଓ, ସହଜ ଓ ସ୍ମାର୍ଟ କ୍ୟାମେରା, ସ୍ୱୟଂଚାଳିକ ଫିଚର ଅପ୍‌ଡେଟ୍‌, ସହଜ ମିଡ଼ିଆ ସେୟାର, ଓଟିଜି ସୁବିଧା ଇତ୍ୟାଦି ।

ଭଏସ୍ ପ୍ରଥମ ଦକ୍ଷତା: ଗୁଗୁଲ୍ ଆସିିଷ୍ଟାଣ୍ଟକୁ ବ୍ୟବହାର କରି ବ୍ୟବହାରକାରୀମାନେ ଡିଭାଇସ୍‌କୁ ପରିଚାଳନା କରିପାରିବେ ଓ ଭଏସ୍ କମାଣ୍ଡ୍‌କୁ ବ୍ୟବହାର କରି ଇଣ୍ଟରନେଟ୍ ପାଇପାରିବେ, ତାହା ପୁଣି ଏକାଧିକ ଭାଷାରେ।

ରିଡ୍ ଆଲାଉଡ୍‌: ବ୍ୟବହାରକାରୀଙ୍କ ସ୍କ୍ରିନ୍‌ରେ ଯାହା ଥିବ ଡିଜାଇସ୍ ତାହାକୁ ପଢ଼ି ଶୁଣାଇବ ।

ଟ୍ରାନ୍ସଲେଟ୍ ନାଓ: ବ୍ୟବହାରକାରୀଙ୍କ ସ୍କ୍ରିନ୍‌ରେ ଯେଉଁ ବିଷୟବସ୍ତୁ ଥିବ ତାହା ୧୦ଟି ଲୋକପ୍ରିୟ ଭାଷାରେ ଅନୁବାଦ ହୋଇପାରିବ ।

ଇଜି ଓ ସ୍ମାର୍ଟ କ୍ୟାମେରା: ଜିଓଫୋନ୍ ନେକ୍ସଟ୍ ସ୍ମାର୍ଟ ଓ ଶକ୍ତିଶାଳୀ କ୍ୟାମେରାକୁ ବ୍ୟବହାର କରି ବ୍ୟବହାରକାରୀମାନେ ପୋଟ୍ରେଟ୍ ମୋଡକୁ ବ୍ୟବହାର କରି ଫଟୋ ଉଠାଇ ପାରିବେ ଯେଉଁଥିରେ ଛବିର ପ୍ରଚ୍ଛଦ ସ୍ୱୟଂକ୍ରିୟ ଭାବେ ଝାପ୍‌ସା ହୋଇଯିବ, ନାଇଟ୍ ମୋଡ୍ ଯାହା ବ୍ୟବହାରକାରୀମାନଙ୍କୁ କମ୍ ଆଲୋକରେ ମଧ୍ୟ ଶ୍ରେଷ୍ଠ ଫଟୋ ଉଠାଇବାରେ ସହାୟକ ହେବ ଏବଂ ଛବିରେ ଅନେକୁ ଫିଲ୍‌ଟର ବ୍ୟବହାର କରାଯାଇପାରିବ । ଏହି କ୍ୟାମେରାରେ ଭାରତ ପରିପ୍ରେକ୍ଷୀରେ ଲେନ୍‌ସ ରହିଛି ଯାହା ଆବେଗ ଓ ଉଲ୍ଲାସ ସହ ସେଲ୍‌ଫିରେ ଉନ୍ନତି ଆଣିପାରିବ ।

ସ୍ୱୟଂଚାଳିକ ଫିଚର୍ ଅପ୍‌ଡେଟ୍‌: ନୂତନ ଫିଚର, କଷ୍ଟମାଇଜେସନ୍‌, ସିକ୍ୟୁରିଟି ଓ ଆହୁରି ବହୁତ କିଛି ପାଇଁ ଜିଓଫୋନ୍ ନେକ୍ସଟ୍‌ରେ ଓଭର ଦି ଏୟାର ଅପ୍‌ଡେଟ୍ ସୁବିଧା ରହିଛି ଯାହା ସମୟ ଅନୁସାରେ ଫୋନ୍ ଅନୁଭୂତିରେ ଉନ୍ନତି ଆଣିବା ଜାରି ରଖିବ ।

ଇଜି ମିଡିଆ ସେୟାର: ବ୍ୟବହାରକାରୀମାନେ ସନ୍ନିକଟ ସେୟାର ସୁବିଧାକୁ ବ୍ୟବହାର କରି ବନ୍ଧୁ ଓ ପରିଜନମାନଙ୍କ ସହ ତତ୍କାଳ ଆପ୍‌, ଫାଇଲ, ଫଟୋ, ଭିଡିଓ ଓ ମ୍ୟୁଜିକ୍ ସେୟାର କରିପାରିବେ ।

ଜିଓଫୋନ୍ ନେକ୍ସଟ୍‌ରେ ଆଣ୍ଡ୍ରଏଡ୍ ଅପରେଟିଂ ସିଷ୍ଟମ୍‌ର ଏକ ଅତ୍ୟନ୍ତ ଉନ୍ନତ ଭର୍ସନ ପ୍ରଗତି ଓଏସ୍‌ର ଶକ୍ତି ରହିଛି ଯାହା ଉଭୟ ଗୁଗୁଲ୍ ଓ ଜିଓର ବିବିଧ ଆପ୍ଲିକେସନକୁ ସମର୍ଥନ କରୁଛି । ଆଣ୍ଡ୍ରଏଡ୍ ଆପ୍‌ର ପ୍ରବେଶ ପଥ କୁହାଯାଉଥିବା ଆଣ୍ଡ୍ରଏଡ୍ ପ୍ଲେ ଷ୍ଟୋର୍‌କୁ ଏହା ସମର୍ଥନ କରୁଛି । ଜିଓମାର୍ଟ ଡିଜିଟାଲ୍‌, ରିଲାଏନ୍ସ ଡିଜିଟାଲ୍ ଓ ଅନ୍ୟ ଷ୍ଟୋର୍ ସମେତ ରିଲାଏନ୍ସ ରିଟେଲର ବ୍ୟାପକ ନେଟ୍‌ୱର୍କରେ ଜିଓଫୋନ୍ ନେକ୍ସଟ୍ ଉପଲବ୍ଧ ହେଉଛି ।
Published by:Soumya Das
First published: