Credit Card UPI : SBI, ICICI, Axis Bank ଗ୍ରାହକଙ୍କ ପାଇଁ ଖୁସି ଖବର !

News 18 Odia Digital

Credit Card UPI : ସର୍ବବୃହତ ବ୍ୟାଙ୍କ, ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (RBI), କେବଳ ଗତ ବର୍ଷ କ୍ରେଡିଟ୍ କାର୍ଡରେ UPI ସେବା ଆରମ୍ଭ କରିଥିଲା । ଅନେକ ବ୍ୟାଙ୍କ ଏହି ସେବାଗୁଡ଼ିକୁ ଗ୍ରାହକଙ୍କ ପାଇଁ ଉପଲବ୍ଧ କରିସାରିଛନ୍ତି । ପଞ୍ଜାବ ନ୍ୟାସନାଲ ବ୍ୟାଙ୍କ, HDFC ବ୍ୟାଙ୍କ, ୟୁନିଅନ ବ୍ୟାଙ୍କ ଅଫ ଇଣ୍ଡିଆ ପରି ଅନେକ ବ୍ୟାଙ୍କ ସେମାନଙ୍କ ଗ୍ରାହକଙ୍କୁ କ୍ରେଡିଟ୍‌ କାର୍ଡ UPI ସେବା ଯୋଗାଉଛନ୍ତି । ଏହାର ଅର୍ଥ ହେଉଛି, RuPay କ୍ରେଡିଟ୍ କାର୍ଡ ବ୍ୟବହାରକାରୀମାନେ ସେମାନଙ୍କର କାର୍ଡକୁ UPI ଆପରେ ଲିଙ୍କ୍ କରିପାରିବେ । ସିଧାସଳଖ UPI ଆପରୁ କ୍ରେଡିଟ୍ କାର୍ଡ କାରବାର କରିପାରିବେ ।

କିନ୍ତୁ ଅଦ୍ୟାବଧି ଏସ୍‌ବିଆଇ(SBI), ଆଇସିଆଇସିଆଇ ବ୍ୟାଙ୍କ(ICICI Bank), ଆକ୍ସିସ୍ ବ୍ୟାଙ୍କ (Axis Bank)ପରି ବଡ ବ୍ୟାଙ୍କଗୁଡିକ ସେମାନଙ୍କ ଗ୍ରାହକଙ୍କୁ ଏହି ସେବା ଉପଲବ୍ଧ କରାଇ ନାହାଁନ୍ତି । କିନ୍ତୁ ବର୍ତ୍ତମାନ ଦେଖାଯାଉଛି ଯେ ଏହି ବ୍ୟାଙ୍କଗୁଡିକ ମଧ୍ୟ କ୍ରେଡିଟ୍‌ କାର୍ଡ UPI ସେବାକୁ ବ୍ୟବହାରକାରୀଙ୍କ ନିକଟକୁ ଆଣିବେ । ରିପୋର୍ଟ ଅନୁସାରେ ଯେ ଜୁନ୍ ମାସ ସୁଦ୍ଧା ଏସ୍‌ବିଆଇ କ୍ରେଡିଟ୍ କାର୍ଡ, ଆଇସିଆଇସିଆଇ ବ୍ୟାଙ୍କ କ୍ରେଡିଟ୍ କାର୍ଡ ଏବଂ ଆକ୍ସିସ୍ ବ୍ୟାଙ୍କ କ୍ରେଡିଟ୍ କାର୍ଡ ବ୍ୟବହାରକାରୀଙ୍କ ପାଇଁ UPI ସେବା ଉପଲବ୍ଧ ହୋଇପାରେ ।

ଏହା ମନେ ରଖିବା ଉଚିତ୍‌ ଯେ ଏହି ସୁବିଧା କେବଳ RuPay କ୍ରେଡିଟ୍ କାର୍ଡ ବ୍ୟବହାରକାରୀଙ୍କ ପାଇଁ ଉପଲବ୍ଧ । ଏହି ସମୟରେ, ଏସ୍‌ବିଆଇ ଏବଂ ଆଇସିଆଇସିଆଇ ବ୍ୟାଙ୍କ୍‌ ମାର୍ଚ୍ଚ ଶେଷ ସୁଦ୍ଧା କ୍ରେଡିଟ କାର୍ଡରେ UPI ସେବା ଆରମ୍ଭ କରିବାକୁ ଲକ୍ଷ୍ୟ ଧାର୍ଯ୍ୟ କରିଛନ୍ତି । କିନ୍ତୁ ବର୍ତ୍ତମାନ ସେମାନେ ଏହି ସେବାଗୁଡ଼ିକୁ ଆଉ ତିନି ମାସ ମଧ୍ୟରେ ଉପଲବ୍ଧ କରାଇବାକୁ ଆଶା ରଖିଛନ୍ତି ।

UPI ସେବା ଉଭୟ କ୍ରେଡିଟ୍ କାର୍ଡ ବ୍ୟବହାରକାରୀ ଓ ବ୍ୟବସାୟୀ ମାନଙ୍କୁ ଖୁସି ଦେବ । କାରଣ କ୍ରେଡିଟ୍ କାର୍ଡ ବ୍ୟବହାରକାରୀମାନେ ଶୀଘ୍ର କାରବାର ସଂପୂର୍ଣ୍ଣ କରିପାରିବେ । ଆପଣଙ୍କ ପକେଟ୍‌ରେ କ୍ରେଡିଟ କାର୍ଡ ନଥିଲେ ମଧ୍ୟ ଆପଣ ପେମେଣ୍ଟ କରିପାରିବେ । ଆହୁରି ମଧ୍ୟ, ବ୍ୟବସାୟୀମାନେ ସ୍ୱିପିଂ ମେସିନ୍ ଭଳି କିଛି ଆବଶ୍ୟକ କରିବେ ନାହିଁ । ଗ୍ରାହକଙ୍କ ବ୍ୟାଙ୍କ ଆକାଉଣ୍ଟରେ ଟଙ୍କା ନଥିଲେ ମଧ୍ୟ କାର୍ଡ ମାଧ୍ୟମରେ ପେମେଣ୍ଟ ସହଜରେ ହୋଇପାରିବ । କିନ୍ତୁ ଏଠାରେ ଗୋଟିଏ କଥା ଧ୍ୟାନ ଦେବା ଉଚିତ୍ । କେବଳ ବ୍ୟବସାୟୀମାନେ UPI ଆପ୍ ମାଧ୍ୟମରେ ଦେୟ ପ୍ରଦାନ କରିପାରିବେ । ଏହା ବ୍ୟତୀତ UPIରୁ ବ୍ୟାଙ୍କ ଆକାଉଣ୍ଟକୁ ଟଙ୍କା ସ୍ଥାନାନ୍ତର କରିବା ସମ୍ଭବ ନୁହେଁ । ତେଣୁ, କ୍ରେଡିଟ୍ କାର୍ଡ ବ୍ୟବହାରକାରୀମାନେ ମଧ୍ୟ ଏଥିପ୍ରତି ସଚେତନ ହେବା ଉଚିତ୍ ।

ପଢନ୍ତୁ ଏହି ଖବର :  Grahan 2023 Date: ଭାରତରେ ସୂର୍ଯ୍ୟ ଓ ଚନ୍ଦ୍ରଗ୍ରହଣ କେବେ ? ଜାଣନ୍ତୁ ତାରିଖ ଓ ସମୟ...