- ହୋମ୍ »
- ଓଡ଼ିଶା ନ୍ୟୁଜ୍ »
- ଟେକ୍ »
- ଏକ ହଜାର ସହରରେ ୫ଜି ସେବା ଆରମ୍ଭ କରିବା ପାଇଁ ଯୋଜନା ପ୍ରସ୍ତୁତ କରିଛି ଜିଓ
ଏକ ହଜାର ସହରରେ ୫ଜି ସେବା ଆରମ୍ଭ କରିବା ପାଇଁ ଯୋଜନା ପ୍ରସ୍ତୁତ କରିଛି ଜିଓ
ଆର୍ଆଇଏଲ୍ର ବାର୍ଷିକ ରିପୋର୍ଟ ଅନୁଯାୟୀ, ଦେଶର ୧୦୦୦ ସହରରେ ୫ଜି ସେବା ପ୍ରଦାନ କରିବା ଲାଗି ଯୋଜନାକୁ ସମ୍ପୂର୍ଣ୍ଣ କରିଛି ଜିଓ । ଏହି ସମୟରେ ଆର୍ଟିଫିସିଆଲ ଇଟେଂଲିଜେନ୍ସ (ଏଆର୍), ଭର୍ଚୁଆଲ୍ ରିଅଲିଟି (ଭିଆର୍), କ୍ଲାଉଡ୍ ଗେମିଂ, ଟିଭି ଷ୍ଟ୍ରିମିଂ, ହସ୍ପିଟାଲ୍ ଓ ଉଦ୍ୟୋଗରେ ବ୍ୟବହାର ଲାଗି ଏହାକୁ କଂପାନି ପରଖି ସାରିଛି ।
ଏକ ହଜାର ସହରରେ ୫ଜି ସେବା ଆରମ୍ଭ କରିବା ପାଇଁ ଯୋଜନା ପ୍ରସ୍ତୁତ କରିଛି ଜିଓ
News 18 Odia Digital
ଭୁବନେଶ୍ୱର; ଦେଶର ସବୁଠୁ ବଡ଼ ଟେଲିକମ୍ କଂପାନି ରିଲାଏନ୍ସ ଜିଓ ଦେଶର ପ୍ରାୟ ୧,୦୦୦ ସହରରେ ୫ଜି ସେବା ଆରମ୍ଭ କରିବା ଲାଗି ଏହାର ଯୋଜନାକୁ ଚୂଡ଼ାନ୍ତ କରିଛି । ଏଥି ସହିତ କଂପାନି ସ୍ୱଦେଶରେ ବିକଶିତ ୫ଜି ଟେଲିକମ୍ ଉପକରଣର ପରୀକ୍ଷଣ ମଧ୍ୟ ଶେଷ କରିଛି । ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ (ଆର୍ଆଇଏଲ୍) ବାର୍ଷିକ ରିପୋର୍ଟ ୨୦୨୧-୨୨ରେ ଜଣାଇଛି ଯେ ଏହାର ଟେଲିକମ୍ କଂପାନି ଜିଓ ୨୦୨୧-୨୨ ଆର୍ଥିକ ବର୍ଷରେ ଶତ ପ୍ରତିଶତ ସ୍ୱଦେଶୀ ପ୍ରଯୁକ୍ତି ଜ୍ଞାନକୌଶଳ ସହିତ ୫ଜି ସେବା ଲାଗି ନିଜକୁ ପ୍ରସ୍ତୁତ କରିବା ପାଇଁ ଅନେକ ପଦକ୍ଷେପ ଗ୍ରହଣ କରିଛି । ନିକଟରେ ଶେଷ ହୋଇଥିବା ୫ଜି ସ୍ପେକ୍ଟ୍ରମ୍ ନିଲାମରେ କଂପାନି ସର୍ବାଧିକ ସ୍ପେକ୍ଟ୍ରମ କିଣିଛି । ମୋଟ ୧.୫୦ ଲକ୍ଷ କୋଟି ଟଙ୍କାର ସ୍ପେକ୍ଟ୍ରମ୍ ନିଲାମ କରାଯାଇଥିବା ବେଳେ ଜିଓ ଏକାକୀ ୮୮,୦୭୮ କୋଟି ଟଙ୍କାର ସ୍ପେକ୍ଟ୍ରମ୍ କିଣିବାକୁ ବିଡ୍ ଦାଖଲ କରିଥିଲା ।
ଆର୍ଆଇଏଲ୍ର ବାର୍ଷିକ ରିପୋର୍ଟ ଅନୁଯାୟୀ, ଦେଶର ୧୦୦୦ ସହରରେ ୫ଜି ସେବା ପ୍ରଦାନ କରିବା ଲାଗି ଯୋଜନାକୁ ସମ୍ପୂର୍ଣ୍ଣ କରିଛି ଜିଓ । ଏହି ସମୟରେ ଆର୍ଟିଫିସିଆଲ ଇଟେଂଲିଜେନ୍ସ (ଏଆର୍), ଭର୍ଚୁଆଲ୍ ରିଅଲିଟି (ଭିଆର୍), କ୍ଲାଉଡ୍ ଗେମିଂ, ଟିଭି ଷ୍ଟ୍ରିମିଂ, ହସ୍ପିଟାଲ୍ ଓ ଉଦ୍ୟୋଗରେ ବ୍ୟବହାର ଲାଗି ଏହାକୁ କଂପାନି ପରଖି ସାରିଛି । ଟେଲିକମ୍ ବିଭାଗ ଅନୁଯାୟୀ ୪ଜି ତୁଳନାରେ ୫ଜିରେ ଡାଉନ୍ଲୋଡ୍ ସ୍ପିଡ୍ ୧୦ ଗୁଣା ଅଧିକ ରହିଥାଏ ଏବଂ ସ୍ପେକ୍ଟ୍ରମ୍ର କ୍ଷମତା ମଧ୍ୟ ତିନି ଗୁଣା ବୃଦ୍ଧି ପାଇଥାଏ ।
ରିଲାଏନ୍ସ ଜିଓ ଅତି ଗୁରୁତ୍ୱପୂର୍ଣ୍ଣ ୭୦୦ ମେଗାହର୍ଜ ବ୍ୟାଣ୍ଡ୍ର ସ୍ପେକ୍ଟ୍ରମ୍ ହାସଲ କରିଛି ଯାହାର ଗୋଟିଏ ଟାୱାର ୬-୧୦ କିଲୋମିଟର ବ୍ୟାପୀ ଅଂଚଳକୁ ସିଗ୍ନାଲ୍ ପ୍ରଦାନ କରିଥାଏ । କଂପାନି ଦେଶର ସମସ୍ତ ୨୨ ଟେଲିକମ୍ ସର୍କଲ୍ ଓ ଜୋନ୍ରେ ୫ଜି ସେବା ପ୍ରଦାନ କରିବା ଲାଗି ଉତମ ଆଧାର ପ୍ରସ୍ତୁତ କରିପାରିଛି । ୬ଜି ସେବାର ଗବେଷଣାକୁ ତ୍ୱରାନ୍ୱିତ କରିବା ଲାଗି ବିଶ୍ୱର ପ୍ରଥମ ପ୍ରମୁଖ ୬ଜି ଗବେଷଣା କାର୍ଯ୍ୟକ୍ରମ ପାଇଁ ଫିନ୍ଲ୍ୟାଣ୍ଡ୍ର ୟୁନିଭର୍ସିଟି ଅଫ୍ ଓୟୁଲୁସହିତ ଜିଓ ହାତ ମିଳାଇଛି ।
ଭୁବନେଶ୍ୱର; ଦେଶର ସବୁଠୁ ବଡ଼ ଟେଲିକମ୍ କଂପାନି ରିଲାଏନ୍ସ ଜିଓ ଦେଶର ପ୍ରାୟ ୧,୦୦୦ ସହରରେ ୫ଜି ସେବା ଆରମ୍ଭ କରିବା ଲାଗି ଏହାର ଯୋଜନାକୁ ଚୂଡ଼ାନ୍ତ କରିଛି । ଏଥି ସହିତ କଂପାନି ସ୍ୱଦେଶରେ ବିକଶିତ ୫ଜି ଟେଲିକମ୍ ଉପକରଣର ପରୀକ୍ଷଣ ମଧ୍ୟ ଶେଷ କରିଛି । ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ (ଆର୍ଆଇଏଲ୍) ବାର୍ଷିକ ରିପୋର୍ଟ ୨୦୨୧-୨୨ରେ ଜଣାଇଛି ଯେ ଏହାର ଟେଲିକମ୍ କଂପାନି ଜିଓ ୨୦୨୧-୨୨ ଆର୍ଥିକ ବର୍ଷରେ ଶତ ପ୍ରତିଶତ ସ୍ୱଦେଶୀ ପ୍ରଯୁକ୍ତି ଜ୍ଞାନକୌଶଳ ସହିତ ୫ଜି ସେବା ଲାଗି ନିଜକୁ ପ୍ରସ୍ତୁତ କରିବା ପାଇଁ ଅନେକ ପଦକ୍ଷେପ ଗ୍ରହଣ କରିଛି । ନିକଟରେ ଶେଷ ହୋଇଥିବା ୫ଜି ସ୍ପେକ୍ଟ୍ରମ୍ ନିଲାମରେ କଂପାନି ସର୍ବାଧିକ ସ୍ପେକ୍ଟ୍ରମ କିଣିଛି । ମୋଟ ୧.୫୦ ଲକ୍ଷ କୋଟି ଟଙ୍କାର ସ୍ପେକ୍ଟ୍ରମ୍ ନିଲାମ କରାଯାଇଥିବା ବେଳେ ଜିଓ ଏକାକୀ ୮୮,୦୭୮ କୋଟି ଟଙ୍କାର ସ୍ପେକ୍ଟ୍ରମ୍ କିଣିବାକୁ ବିଡ୍ ଦାଖଲ କରିଥିଲା ।
ଆର୍ଆଇଏଲ୍ର ବାର୍ଷିକ ରିପୋର୍ଟ ଅନୁଯାୟୀ, ଦେଶର ୧୦୦୦ ସହରରେ ୫ଜି ସେବା ପ୍ରଦାନ କରିବା ଲାଗି ଯୋଜନାକୁ ସମ୍ପୂର୍ଣ୍ଣ କରିଛି ଜିଓ । ଏହି ସମୟରେ ଆର୍ଟିଫିସିଆଲ ଇଟେଂଲିଜେନ୍ସ (ଏଆର୍), ଭର୍ଚୁଆଲ୍ ରିଅଲିଟି (ଭିଆର୍), କ୍ଲାଉଡ୍ ଗେମିଂ, ଟିଭି ଷ୍ଟ୍ରିମିଂ, ହସ୍ପିଟାଲ୍ ଓ ଉଦ୍ୟୋଗରେ ବ୍ୟବହାର ଲାଗି ଏହାକୁ କଂପାନି ପରଖି ସାରିଛି । ଟେଲିକମ୍ ବିଭାଗ ଅନୁଯାୟୀ ୪ଜି ତୁଳନାରେ ୫ଜିରେ ଡାଉନ୍ଲୋଡ୍ ସ୍ପିଡ୍ ୧୦ ଗୁଣା ଅଧିକ ରହିଥାଏ ଏବଂ ସ୍ପେକ୍ଟ୍ରମ୍ର କ୍ଷମତା ମଧ୍ୟ ତିନି ଗୁଣା ବୃଦ୍ଧି ପାଇଥାଏ ।
ରିଲାଏନ୍ସ ଜିଓ ଅତି ଗୁରୁତ୍ୱପୂର୍ଣ୍ଣ ୭୦୦ ମେଗାହର୍ଜ ବ୍ୟାଣ୍ଡ୍ର ସ୍ପେକ୍ଟ୍ରମ୍ ହାସଲ କରିଛି ଯାହାର ଗୋଟିଏ ଟାୱାର ୬-୧୦ କିଲୋମିଟର ବ୍ୟାପୀ ଅଂଚଳକୁ ସିଗ୍ନାଲ୍ ପ୍ରଦାନ କରିଥାଏ । କଂପାନି ଦେଶର ସମସ୍ତ ୨୨ ଟେଲିକମ୍ ସର୍କଲ୍ ଓ ଜୋନ୍ରେ ୫ଜି ସେବା ପ୍ରଦାନ କରିବା ଲାଗି ଉତମ ଆଧାର ପ୍ରସ୍ତୁତ କରିପାରିଛି । ୬ଜି ସେବାର ଗବେଷଣାକୁ ତ୍ୱରାନ୍ୱିତ କରିବା ଲାଗି ବିଶ୍ୱର ପ୍ରଥମ ପ୍ରମୁଖ ୬ଜି ଗବେଷଣା କାର୍ଯ୍ୟକ୍ରମ ପାଇଁ ଫିନ୍ଲ୍ୟାଣ୍ଡ୍ର ୟୁନିଭର୍ସିଟି ଅଫ୍ ଓୟୁଲୁସହିତ ଜିଓ ହାତ ମିଳାଇଛି ।
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
