ଟ୍ବିଟର ୟୁଜର୍ସଙ୍କ ପାଇଁ ଖୁସି ଖବର; ଏଣିକି ସାଇଟ୍‌ରୁ କରିପାରିବେ ରୋଜଗାର

News18 Odia Digital

Twitter New Feature: ଯେବେଠୁ ଏଲୋନ୍ ମସ୍କ (Elon Musk) ଟ୍ୱିଟର (Twitter) ଦାୟିତ୍ବ ଗ୍ରହଣ କରିଛନ୍ତି, ସେ ହେଡଲାଇନରେ ରହିଆସିଛନ୍ତି। ଗୁରୁବାର ଦିନ, ମସ୍କ (Elon Musk) ଘୋଷଣା କରିଛି ଯେ ସେ ଏପ୍ରିଲ୍୨୦ରୁ ପୁରୁଣା ନୀଳ ଟିକ୍ ମାର୍କ (Blue Tick Mark) ହଟାଇବେ। ଏଥି ସହିତ, ବର୍ତ୍ତମାନ ଆଜି, ପେଡ୍ ଗ୍ରାହକମାନଙ୍କ ପାଇଁ କମ୍ପାନୀ ଏକ ବଡ଼ ଘୋଷଣା କରିଛି।

କମ୍ପାନୀ ପକ୍ଷରୁ ଘୋଷଣା କରାଯାଇଛି ଯେ ବ୍ଲୁ ପେଡ୍ ଗ୍ରାହକମାନେ ବର୍ତ୍ତମାନ ୧୦,୦୦୦ ଅକ୍ଷର ସହିତ ପୋଷ୍ଟ କରିପାରିବେ। କମ୍ପାନୀ ଅନୁଯାୟୀ ଏହି ନୂଆ ଫିଚରର ପରିଚୟ ସହିତ, ଟ୍ୱିଟର ପେଡ୍ ଗ୍ରାହକମାନଙ୍କୁ ବୋଲ୍ଡ ଏବଂ ଇଟାଲିକ୍ ଟେକ୍ସଟ୍ ଫର୍ମାଟିଂ ଏବଂ ୧୦,୦୦୦ ଅକ୍ଷର ପର୍ଯ୍ୟନ୍ତ ବ୍ୟବହାର କରିବାକୁ ଅନୁମତି ଦେବ।

ପ୍ରଥମେ ୪୦୦୦ ଅକ୍ଷର ଅନୁମତି ଦିଆଯାଇଥିଲା

କମ୍ପାନୀ ଫେବୃଆରୀରେ ଘୋଷଣା କରିଛି ଯେ ବ୍ଲୁ ଗ୍ରାହକମାନେ ୪ ହଜାର ଅକ୍ଷର ପର୍ଯ୍ୟନ୍ତ ଟ୍ବିଟ କରିପାରିବେ। ତଥାପି, ନୂଆ ଫିଚରଗୁଡିକ ବ୍ୟବହାର କରିବାକୁ, ଉପଭୋକ୍ତାମାନଙ୍କୁ ବ୍ଲୁ ଟିକ୍କୁ ସବସ୍କ୍ରାଇବ କରିବାକୁ ପଡ଼ିବ। ଏହାର ଉପଭୋକ୍ତାମାନେ ସେମାନଙ୍କର ଆକାଉଣ୍ଟ୍ ସେଟିଂକୁ ଯାଇ 'ମୋନେଟାଇଜେସନ୍' ଉପରେ ଟ୍ୟାପ୍ କରିପାରିବେ।

ଟଙ୍କା ରୋଜଗାରରେ ସାହାଯ୍ୟ ପାଇବ!

ପ୍ରକାଶ ଥାଉକି ଗୁରୁବାର ଦିନ, ମସ୍କ ଘୋଷଣା କରିଥିଲେ ଯେ ସଦସ୍ୟତା ବର୍ତ୍ତମାନ ପ୍ଲାଟଫର୍ମରେ ସକ୍ଷମ ହୋଇଛି ଏବଂ ବ୍ୟବହାରକାରୀଙ୍କୁ ଟ୍ୱିଟରରୁ ଟଙ୍କା ରୋଜଗାର କରିବାରେ ସାହାଯ୍ୟ କରିପାରିବ। ମସ୍କ ଏକ ପୋଷ୍ଟ କରି କହିଥିଲା, “ଆମେ କ୍ରିଏଟର ସବସ୍କ୍ରିପସନ୍ ଅପସାରଣ କରୁଛୁ। ଲମ୍ବା ଫର୍ମ ପାଠ୍ୟ, ଫଟୋ କିମ୍ବା ଭିଡିଓ ପାଇଁ କାମ କରିବ।"

ସେହିପରି ନିକଟରେ ଟ୍ୱିଟର ଚଳାଇବା ଭାରି କଷ୍ଟଦାୟକ ବୋଲି କହିଥିଲେ ଲୋକପ୍ରିୟ ମାଇକ୍ରୋବ୍ଲଗିଂ ଆପର ମାଲିକ ତଥା ବିଲିୟନେୟାର ଏଲୋନ୍ ମସ୍କ। ଯଦି ସେ ସଠିକ୍ ବ୍ୟକ୍ତି ପାଇବେ ତେବେ ସେ କମ୍ପାନୀ ବିକ୍ରୟ କରିବେ ବୋଲି କହିଥିଲେ। ଯାହାକୁ ନେଇ ବେଶ୍ ଚର୍ଚ୍ଚା ହୋଇଥିଲା।

ସାକ୍ଷାତକାର ସମୟରେ ଟ୍ୱିଟରକୁ ନିଜ ଅଧୀନକୁ ନେଇ ଅନୁତାପ କରୁଛନ୍ତି କି ପ୍ରଶ୍ନର ଉତ୍ତରରେ ମସ୍କ କହିଥିଲେ, "ଯନ୍ତ୍ରଣା ସ୍ତର ଖୁବ୍ ଅଧିକ, ଏହା କୌଣସି ପାର୍ଟି ନୁହେଁ।"

ପଢ଼ନ୍ତୁ ଏହି ଖବର:  ହ୍ୱାଟ୍ସଆପର ୩ଟି ନୂଆ ଫିଚର୍; ସୁରକ୍ଷିତ ରଖିବ ଆପଣଙ୍କ ବ୍ୟକ୍ତିଗତ ତଥ୍ୟ

ଖାଲି ଏତିକି ନୁହେଁ ବରଂ ସାକ୍ଷାତକାର ସମୟରେ ଯେତେବେଳେ ତାଙ୍କ କାର୍ଯ୍ୟକାଳ ବିଷୟରେ ପ୍ରଶ୍ନ କରାଯାଇଥିଲା, ସେ କହିଥିଲେ, "ଏହା ବିରକ୍ତିକର ନୁହେଁ। କିନ୍ତୁ ଏକ ରୋଲର୍‌କୋଷ୍ଟର (ଏକ ସମୟରେ ହଠାତ୍ ପରିବର୍ତ୍ତନ) ଭଳି। ମିତି ଦେଖିବାକୁ ଗଲେ ଗତ କିଛି ମାସ ଚାପପୂର୍ଣ୍ଣ ପରିସ୍ଥିତି ଥିଲା। ବେଳେବେଳେ ମୁଁ କାର୍ଯ୍ୟ ବ୍ୟସ୍ତରେ ଅଫିସରେ ଶୋଇପଡ଼ିଛି।"