ହୋମ୍ » ଓଡ଼ିଶା ନ୍ୟୁଜ୍ » ଟେକ୍»କ୍ୟାରି ମିନଟିଙ୍କ ବିରୋଧରେ ଅଭିଯୋଗ; ମହିଳାଙ୍କ ଉପରେ ଅପମାନଜନକ ଟିପ୍ପଣୀକୁ ନେଇ ଲାଗିଲା ଆରୋପ

କ୍ୟାରି ମିନଟିଙ୍କ ବିରୋଧରେ ଅଭିଯୋଗ; ମହିଳାଙ୍କ ଉପରେ ଅପମାନଜନକ ଟିପ୍ପଣୀକୁ ନେଇ ଲାଗିଲା ଆରୋପ

ପ୍ରସିଦ୍ଧ ୟୁଟ୍ୟୁବର୍ କ୍ୟାରି ମିନଟି ମହିଳାଙ୍କ ଉପରେ ଅପମାନଜନକ ମନ୍ତବ୍ୟ ଦେଇଥିବା ନେଇ ଅଭିଯୋଗ ହୋଇଛି। ଦିଲ୍ଲୀର ଜଣେ ଓକିଲ ଗୌରବ ଗୁଲାଟି କ୍ୟାରି ମିନଟିଙ୍କ ବିରୋଧରେ ଅଭିଯୋଗ ଆଣିଛନ୍ତି।

କ୍ୟାରି ମିନଟିଙ୍କ ବିରୋଧରେ ଅଭିଯୋଗ; ମହିଳାଙ୍କ ଉପରେ ଅପମାନଜନକ ଟିପ୍ପଣୀକୁ ନେଇ ଲାଗିଲା ଆରୋପ
କ୍ୟାରିଙ୍କୁ ବଡ଼ ପରଦାରେ ଦେଖିବାକୁ ମିଳିବ (ପ୍ରତୀକାତ୍ମକ ଛବି)
  • News18 Odia
  • Last Updated: September 7, 2021, 11:58 AM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୂଆ ଦିଲ୍ଲୀ: ପ୍ରସିଦ୍ଧ ୟୁଟ୍ୟୁବର୍ କ୍ୟାରି ମିନଟି ମହିଳାଙ୍କ ଉପରେ ଅପମାନଜନକ ମନ୍ତବ୍ୟ ଦେଇଥିବା ନେଇ ଅଭିଯୋଗ ହୋଇଛି। ଦିଲ୍ଲୀର ଜଣେ ଓକିଲ ଗୌରବ ଗୁଲାଟି ସିସି ଲାଇନ୍ସର ଡିସିପି (ଉତ୍ତର ଦିଲ୍ଲୀ)ରେ କ୍ୟାରି ମିନଟିଙ୍କ ବିରୋଧରେ ଅଭିଯୋଗ ଆଣିଛନ୍ତି, ଯାହାର ପ୍ରକୃତ ନାମ ହେଉଛି ଅଜୟ ନାଗର। ଧାରା ୫୪A୫୦୯ / ୨୯୩ / IPC, ଧାରା ୩/୬/୭ ଓ ଧାରା ୬୭ ଅନୁଯାୟୀ ମହିଳାଙ୍କ ଉପରେ ଅପମାନଜନକ ମନ୍ତବ୍ୟ ଦେଇଥିବାରୁ ଗୌରବ କ୍ୟାରି ମିନଟିଙ୍କ ବିରୋଧରେ ଅଭିଯୋଗ କରିଛନ୍ତି।

ଅଭିଯୋଗ ପଞ୍ଜିକରଣ କରିବା ପରେ ଗୌରବ ତାଙ୍କ ସୋସିଆଲ ନେଟୱାର୍କିଂ ସାଇଟ ଟ୍ୱିଟର ଆକାଉଣ୍ଟରେ ଅଭିଯୋଗର ଏକ କପି ଟ୍ୱିଟ୍ କରି ଅନେକ ନ୍ୟୁଜ୍ ଚ୍ୟାନେଲକୁ ଟ୍ୟାଗ୍ କରିଛନ୍ତି। କ୍ୟାରି  ୟୁଟ୍ୟୁବରେ ଜଣେ ଲୋକପ୍ରିୟ ଚେହେରା, ଯିଏ ପ୍ରତିଦିନ ତାଙ୍କ ୟୁଟ୍ୟୁବ୍ ଚ୍ୟାନେଲ୍ 'କ୍ୟାରି ମିନଟି'ରେ ନିଜର ଭିଡିଓ ଅପଲୋଡ଼ କରିଥା’ନ୍ତି। ଏହି ଚ୍ୟାନେଲରେ ତାଙ୍କର ୩୧.୯ମିଲିୟନ୍ ଫୋଲର୍ସ ଅଛନ୍ତି । ଏହି କାରଣରୁ, ଅପଲୋଡ୍ ହେବା ମାତ୍ରେ ସେମାନଙ୍କର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ଆରମ୍ଭ କରେ।

ଖବର ଅନୁଯାୟୀ, କ୍ୟାରି ମିନଟି ଅର୍ଥାତ୍ ଅଜୟ ନାଗର ଖୁବ୍ ଶୀଘ୍ର ବଡ଼ ପରଦାରେ ଡେବ୍ୟୁ କରିବାକୁ ଯାଉଛନ୍ତି।  ୟୁଟ୍ୟୁବର କ୍ୟାରି ଶତାବ୍ଦୀର ସୁପରଷ୍ଟାର ଅର୍ଥାତ ଅମିତାଭ ବଚ୍ଚନଙ୍କ ସହିତ ବଡ ପରଦାରେ ଦେଖିବାକୁ ମିଳିବେ। କ୍ୟାରି ମିନଟି ଅଜୟ ଦେବଗନଙ୍କ ଫିଲ୍ମ ମେଡେ ସହିତ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି।  ଏହି ଚଳଚ୍ଚିତ୍ରରେ ଅମିତାଭ ବଚ୍ଚନ ଓ ରାକୁଲପ୍ରୀତ ସିଂ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି।
Published by: Soumya Das
First published: September 7, 2021, 11:42 AM IST