ହୋମ୍ » ଓଡ଼ିଶା ନ୍ୟୁଜ୍ » ଟେକ୍»Amazon ପାଖରେ ଅଛି ଗୁପ୍ତ ୱେବସାଇଟ୍; ଅଧାରୁ ବି କମ୍ ଦାମରେ କିଣିପାରିବେ ବିଭିନ୍ନ ସାମଗ୍ରୀ

Amazon ପାଖରେ ଅଛି ଗୁପ୍ତ ୱେବସାଇଟ୍; ଅଧାରୁ ବି କମ୍ ଦାମରେ କିଣିପାରିବେ ବିଭିନ୍ନ ସାମଗ୍ରୀ

Amazon secret website offers products at less than half price | ୪୦,୦୦୦ରୁ ଅଧିକ ସାମଗ୍ରୀ ଆମାଜନର ଗୋଦାମରେ ଷ୍ଟକ୍ ରହିଛି ଯାହାକୁ ଆପଣ ଅଧାରୁ ବି କମ୍ ଦାମରେ କିଣି ପାରିବେ । ଏଠାରେ ଗ୍ରାହକମାନଙ୍କ ପାଇଁ ଅନେକ ବିକଳ୍ପ ବି ଉପଲବ୍ଧ ଅଛି ।

Amazon ପାଖରେ ଅଛି ଗୁପ୍ତ ୱେବସାଇଟ୍; ଅଧାରୁ ବି କମ୍ ଦାମରେ କିଣିପାରିବେ ବିଭିନ୍ନ ସାମଗ୍ରୀ
ଆମାଜନ୍ ଏକ ବଡ଼ ଅନଲାଇନ୍ ସପିଙ୍ଗ୍ ସଂସ୍ଥା । (ପ୍ରତୀକାତ୍ମକ ଛବି)
  • News18 Odia
  • Last Updated: August 23, 2021, 10:57 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୂଆ ଦିଲ୍ଲୀ: ବିଶ୍ୱର ବଡ଼ ଇ-କମର୍ସ କମ୍ପାନୀ ଆମାଜନର (Amazon) ନାମ ଆପଣ ଭଲ ଭାବରେ ଜାଣିଥିବେ । ପ୍ରାୟ ପ୍ରତି ଦିନ ଆମେ ଅନଲାଇନ୍ ସପିଙ୍ଗ୍‌ ପାଇଁ ଆମାଜନର ୱେବସାଇଟକୁ ଯାଉଁ । ଏହି ୱେବସାଇଟ୍ ଯୁକ୍ତିଯୁକ୍ତ ଦାମରେ ବିଭିନ୍ନ ସାମଗ୍ରୀ ବିକୁଥିବା ପାଇଁ ଜଣାଶୁଣା । ତଥାପି ଆପଣ ହୁଏତ ଜାଣି ନ ଥିବେ ଯେ ଆପଣ ଆହୁରି ଶସ୍ତା ଦରରେ ଆମାଜନରୁ ସପିଙ୍ଗ୍‌ କରିପାରିବେ । ପ୍ରକୃତରେ ଆମାଜନର ଏକ 'ଗୁପ୍ତ' ୱେବସାଇଟ୍ ଅଛି, ଯେଉଁଠି ବିଭିନ୍ନ ସାମଗ୍ରୀ ଅଧାରୁ କମ୍ ଦାମରେ ଉପଲବ୍ଧ । ଏଠାରେ ୭ ହଜାର ଟଙ୍କାର ସାମଗ୍ରୀର ଦାମ୍‌ ମାତ୍ର ୨ ହଜାର ଟଙ୍କା ପଡ଼େ ।

କ’ଣ ଏହି ଗୁପ୍ତ ୱେବସାଇଟ୍?
ଲକଡାଉନ୍ ସମୟରେ ଯେତେବେଳେ ଅନେକ ଦୋକାନ ବନ୍ଦ ହୋଇଯାଇଥିଲେ, ଅଧିକାଂଶ ଲୋକ ସପିଙ୍ଗ୍‌ କରିବାକୁ ଆମାଜନ୍‌ ଆଡ଼କୁ ମୁହାଁଇଥିଲେ । ଏଠାରେ ବିଭିନ୍ନ ସାମଗ୍ରୀ ଉପରେ ଅଫର୍‌ ଥିବା ବେଳେ ଆମାଜନର 'ଗୁପ୍ତ' ୱେବସାଇଟରେ ଆପଣ କମ୍‌ ଦାମ୍‌ ଥିବା ସାମଗ୍ରୀ ବା ଫେରସ୍ତ ହୋଇଥିବା ଜିନିଷ କିମ୍ବା ହାଲୁକା କ୍ଷତିଗ୍ରସ୍ତ ହୋଇଥିବା ଦ୍ରବ୍ୟ କିଣି ପାରିବେ । ଆମାଜନ୍‌ ବ୍ୟବହୃତ ହୋଇଥିବା ସାମଗ୍ରୀ କିମ୍ବା ଖାଲି ବାକ୍ସରେ ମିଳୁଥିବା ସାମଗ୍ରୀକୁ ରିହାତି ଦାମରେ ବିକ୍ରି କରୁଛି ।

ଏହା ବି ପଢ଼ନ୍ତୁ | ମୟୂରଭଞ୍ଜରେ ମାସକର ଶିଶୁ ପୁତ୍ରକୁ ମାକୋଳରୁ ଛଡ଼ାଇ ନେଲା, ₹,୧୦୦ ଦେଲା, ତାପରେ ବିକିଦେଲା

ସୀଧା ୭ରୁ ୮ ହଜାର ଟଙ୍କାର ସେଭିଙ୍ଗ୍‌

ମାର୍ଟିନ୍ ଲୁଇସଙ୍କ ୱେବସାଇଟ୍ (moneysavirngexpert.com) ଅନୁଯାୟୀ ଜଣେ ଉପଭୋକ୍ତା କହିଛନ୍ତି ଯେ ସେ ଥରେ ଗୋଟେ ପ୍ରେସର୍‌ ୱାଶର୍ (pressure washer) କିଣିବାକୁ ଆମାଜନ୍‌ ଗୋଦାମକୁ (Amazon warehouse) ଯାଇଥିଲେ । ‘‘ମୁଁ ଯେଉଁ ନିର୍ଦ୍ଦିଷ୍ଟ ମଡେଲ୍‌ଖୋଜୁଥିଲି ତା’ର ଦାମ୍‌ ଅଧିକାଂଶ ପ୍ରମୁଖ ୱେବସାଇଟରେ ୨୦,୦୦୦ ଟଙ୍କାରୁ ଅଧିକ ଥିଲା । କିନ୍ତୁ ମୁଁ ପ୍ରାୟ ୧୩ ହଜାର ଟଙ୍କାରେ ତାହା ଆମାଜନ୍‌ ଗୋଦାମରେ ପାଇଲି । ମୋତେ ଏହି ଡିଲ୍ ବହୁତ ଭଲ ଲାଗିଲା ଯାହା ପରେ ମୁଁ ଏଠାରୁ ସପିଙ୍ଗ୍‌ ଆରମ୍ଭ କଲି ।’’

ଏହା ବି ପଢ଼ନ୍ତୁ | ସୌମ୍ୟଙ୍କ ମୃତ୍ୟୁ: ହସପିଟାଲରେ ଜମାନବନ୍ଦୀ ବେଳେ DFO ଥିଲେ; ବିଦ୍ୟାଙ୍କୁ ଶୀଘ୍ର ଜେରା କରାଯିବ

ଏହି ସିକ୍ରେଟ୍ ୱେବସାଇଟ୍ ବିଷୟରେ ଆମାଜନ୍‌ କହିଛି ଯେ ଏଠାରେ ‘‘ପ୍ରତ୍ୟେକ ଆଇଟମର କାର୍ଯ୍ୟକ୍ଷମତା ଓ ଭୌଗୋଳିକ ଅବସ୍ଥାନକୁ ପୁଙ୍ଖାନୁପୁଙ୍ଖ ଯାଞ୍ଚ କରିବା ପରେ ଉତ୍ପାଦକୁ ଏକ ଗ୍ରେଡ୍ ଦିଆଯାଏ ।’’ ଏହି ସିକ୍ରେଟ୍ ୱେବସାଇଟ୍ ବ୍ୟବହାର କରୁଥିବା ବ୍ୟକ୍ତିମାନେ ବି ଆମାଜନ୍‌ ଭଳି ସମାନ ଗ୍ରାହକ ସେବା (customer service) ପାଆନ୍ତି ଓ ଏହି ସବୁ ସାମଗ୍ରୀ ମଧ୍ୟ ଆମାଜନର ରିଟର୍ଣ୍ଣ ପଲିସି ଅଧୀନରେ ଆସେ ।

ଏହା ବି ପଢ଼ନ୍ତୁ | ଚାଲିଗଲେ ବାପି: ଓଡ଼ିଶା କଂଗ୍ରେସର ଯୁବ ନେତା ସଂଗ୍ରାମ କେଶରୀ ଜେନାଙ୍କୁ ଛଡ଼େଇ ନେଲା କରୋନା

ଆପଣ କେମିତି ସପିଙ୍ଗ୍‌ କରିପାରିବେ?
ଏହି ସିକ୍ରେଟ୍‌ ୱେବସାଇଟରୁ କିଛିଥିବା ସାମଗ୍ରୀକୁ ନେଇ ଯଦି ଆପଣ ଅସନ୍ତୁଷ୍ଟ ଅଛନ୍ତି ତେବେ ଆପଣ ସାମଗ୍ରୀକୁ ୩୦ ଦିନ ମଧ୍ୟରେ ଫେରସ୍ତ କରିପାରିବେ ଓ ପୂରା ଟଙ୍କା ଫେରସ୍ତ ପାଇପାରିବେ । ଏକ ରିପୋର୍ଟ ଅନୁଯାୟୀ ୪୦,୦୦୦ରୁ ଅଧିକ ଆଇଟମ୍ ଆମାଜନ ଗୋଦାମରେ ଷ୍ଟକ୍ ରହିଛି ଯାହାକୁ ଆପଣ ଅଧାରୁ କମ୍ ଦାମରେ କିଣି ପାରିବେ । ଏଠାରେ ଗ୍ରାହକମାନଙ୍କ ପାଇଁ ଅନେକ ବିକଳ୍ପ ଉପଲବ୍ଧ ଅଛି ।

ଏହା ବି ପଢ଼ନ୍ତୁ | ସମ୍ବଲପୁରରେ ଚାଦୋକାନରେ ଝଗଡ଼ାରୁ ନକଲି ନୋଟ୍ରାକେଟର ପର୍ଦ୍ଦାଫାଶ ହେଲା; ₹୧୩.୮୫ ଲକ୍ଷ ଜବତ

ଯେଉଁମାନେ ଏହି ୱେବସାଇଟରୁ ସପିଙ୍ଗ୍‌ କରିବେ ସେମାନେ ପ୍ରାୟ ୩୪ଟି ବିଭାଗ ପାଇବେ । ଏଥି ମଧ୍ୟରେ 'କମ୍ପ୍ୟୁଟର ଓ ଆକ୍ସେସୋରିଜ୍', ‘ଘରକରଣା ଓ ରୋଷେଇ ଘର’, ‘ଖେଳନା’, ‘ଭିଡିଓ ଗେମ୍ସ’, ‘ଇଲେକ୍ଟ୍ରୋନିକ୍ସ ଓ ଫଟୋ’ ଏବଂ ଅନେକ କିଛି ଅନ୍ତର୍ଭୁକ୍ତ ଅଛି ।



ଆମାଜନ୍‌ ଦ୍ୱାରା ଲୋକପ୍ରିୟ ହୋଇଥିବା ନେସ୍କାଫେ ସିଙ୍ଗଲ୍‌-ସର୍ଭ୍‌ କଫି ମେସିନ୍ (DeLonghi Nescafé Dolce Gusto Piccolo XS Pod Capsule Coffee Machine) ଏଠାରେ ପ୍ରାୟ ମାତ୍ର ୨ ଟଙ୍କାରେ ମିଳୁଛି । ଅନ୍ୟ ୱେବସାଇଟଗୁଡି଼କରେ ଏହାର ମୂଲ୍ୟ ଦାମ୍‌ ପ୍ରାୟ ୫ ହଜାର ଟଙ୍କା ଅଛି ।
Published by: Anand S.T. Das
First published: August 23, 2021, 10:57 PM IST