ସାଓମିର ସମସ୍ତ ୫ଜି ସ୍ମାର୍ଟଫୋନ୍ ଜିଓ ଟ୍ରୁ-୫ଜି ନେଟ୍‌ୱର୍କକୁ ସପୋର୍ଟ କରିବ

ଉପଭୋକ୍ତାଙ୍କୁ ଟ୍ରୁ-୫ଜି ଅନୁଭୂତି ପ୍ରଦାନ କରିବା ପାଇଁ ସାଓମି ଇଣ୍ଡିଆ ପକ୍ଷରୁ ରିଲାଏନ୍ସ ଜିଓ ସହ ସହଯୋଗିତା ।

ସାଓମିର ସମସ୍ତ ୫ଜି ସ୍ମାର୍ଟଫୋନ୍ ଜିଓ ଟ୍ରୁ-୫ଜି ନେଟ୍‌ୱର୍କକୁ ସପୋର୍ଟ କରିବ

ସାଓମିର ସମସ୍ତ ୫ଜି ସ୍ମାର୍ଟଫୋନ୍ ଜିଓ ଟ୍ରୁ-୫ଜି ନେଟ୍‌ୱର୍କକୁ ସପୋର୍ଟ କରିବ

  • News18 Odia
  • Last Updated :
  • Bhubaneswar, India
  • Share this:
News 18 Odia Digital

ଭୁବନେଶ୍ୱର: ଦେଶର ଏକ ନମ୍ବର ସ୍ମାର୍ଟଫୋନ୍ ବ୍ରାଣ୍ଡ୍ ସାଓମି ଇଣ୍ଡିଆ ପକ୍ଷରୁ ଏହାର ଉପଭୋକ୍ତାମାନଙ୍କୁ ଟ୍ରୁ-୫ଜି ଅନୁଭୂତି ପ୍ରଦାନ କରିବା ଲାଗି ରିଲାଏନ୍ସ ଜିଓ ସହିତ ସହଯୋଗିତା ସ୍ଥାପନ କରାଯାଇଥିବା ଘୋଷଣା କରାଯାଇଛି । ଏହି ସହଯୋଗିତା ସାଓମି ଏବଂ ରେଡ୍‌ମି ସ୍ମାର୍ଟଫୋନ୍ ବ୍ୟବହାରକାରୀମାନଙ୍କୁ ନିରବଚ୍ଛିନ୍ନ ଭାବେ ଟ୍ରୁ-୫ଜି ସଂଯୋଗ ହାସଲ କରିବା ଏବଂ ସେମାନଙ୍କ ଡିଭାଇସ୍‌ରେ ଭିଡିଓର ନିରବଚ୍ଛିନ୍ନ ଷ୍ଟ୍ରିମିଂ, ହାଇ-ରିଜଲ୍ୟୁସନ ଭିଡିଓ କଲ୍ ଉପଭୋଗ କରିବା ଏବଂ ଲୋ-ଲାଟେନ୍‌ସି ଗେମ ଖେଳିବା ଲାଗି ସକ୍ଷମ କରିବ । ଜିଓର ଟ୍ରୁ-୫ଜି ଷ୍ଟାଣ୍ଡ୍‌ଏଲୋନ୍ (ଏସ୍‌ଏ) ନେଟ୍‌ୱର୍କ ହାସଲ କରିବା ଲାଗି ବ୍ୟବହାରକାରୀମାନଙ୍କୁ ସେମାନଙ୍କ ସାଓମି ଓ ରେଡ୍‌ମି ସ୍ମାର୍ଟଫୋନ୍ ସେଟିଂରେ ପସନ୍ଦର ନେଟ୍‌ୱର୍କ ଟାଇପ୍‌କୁ ୫ଜିକୁ ପରିବର୍ତ୍ତନ କରିବାକୁ ପଡ଼ିବ ।

ରିଲାଏନ୍ସ ଜିଓର ଟ୍ରୁ-୫ଜି ଏସ୍‌ଏ ନେଟ୍‌ୱର୍କରେ ନିରବଚ୍ଛିନ୍ନ ଭାବେ କାମ କରିବା ଲାଗି ଏସ୍‌ଏ ନେଟ୍‌ୱର୍କକୁ ସପୋର୍ଟ କରୁଥିବା ମଡେଲ୍‌ଗୁଡ଼ିକରେ ସଫ୍‌ଟଓୟାର ଅପ୍‌ଡେଟ୍ କରାଯାଇଛି । ସେହି ଡିଭାଇସ୍‌ଗୁଡ଼ିକ ହେଉଛି ଏମ୍‌ଆଇ ୧୧ ଅଲ୍‌ଟ୍ରା ୫ଜି, ସାଓମି ୧୨ ପ୍ରୋ ୫ଜି, ସାଓମି ୧୧ଟି ପ୍ରୋ ୫ଜି, ରେଡ୍‌ମି ନୋଟ୍ ୧୧ ପ୍ରୋ+ ୫ଜି, ସାଓମି ୧୧ ଲାଇଟ୍ ଏନ୍‌ଇ ୫ଜି, ରେଡ୍‌ମି ନୋଟ୍ ୧୧ଟି ୫ଜି, ରେଡ୍‌ମି ୧୧ ପ୍ରାଇମ୍ ୫ଜି, ରେଡ୍‌ମି ନୋଟ୍ ୧୦ଟି ୫ଜି, ଏମ୍‌ଆଇ ୧୧ଏକ୍ସ ୫ଜି, ଏମ୍‌ଆଇ ୧୧ଏକ୍ସ ପ୍ରୋ ୫ଜି, ରେଡ୍‌ମି କେ୫୦ଆଇ ୫ଜି, ସାଓମି ୧୧ଆଇ ୫ଜି ଏବଂ ସାଓମି ୧୧ଆଇ ହାଇପରଚାର୍ଜ ୫ଜି ।

ସର୍ବଭାରତୀୟ ୫ଜି ସେବା ଜରିଆରେ ପରବର୍ତ୍ତୀ ପିଢ଼ିର କନେକ୍ଟେଡ୍ ଡିଜିଟାଲ୍ ପ୍ରଥମ ଅନୁଭବ ହାସଲ କରିବାର ଦ୍ୱାରଦେଶରେ ଭାରତ ରହିଛି । ଗତ କିଛି ବର୍ଷରେ ସାଓମି ଇଣ୍ଡିଆ ଓ ରିଲାଏନ୍ସ ଜିଓ ଗୁରୁତ୍ୱପୂର୍ଣ୍ଣ ସହଯୋଗିତା କରିଥିଲେ ଏବଂ ନିରବଚ୍ଛିନ୍ନ ୫ଜି ଗ୍ରହଣୀୟତାକୁ ନିଶ୍ଚିତ କରିବା ଲାଗି ପୁଣି ଥରେ ସେମାନେ ଏକତ୍ରୀତ ହୋଇଛନ୍ତି । ବାଧାମୁକ୍ତ ଅନୁଭୂତି ପ୍ରଦାନ କରିବା ଲାଗି ରିଲାଏନ୍ସ ଜିଓର ଟ୍ରୁ-୫ଜି ନେଟ୍‌ୱର୍କରେ ସାଓମିର ରେଡ୍‌ମି କେ୫୦ଆଇ ଏବଂ ରେଡ୍‌ମି ନୋଟ୍ ୧୧ଟି ୫ଜି ଭଳି ସ୍ମାର୍ଟଫୋନ୍‌ର ବ୍ୟାପକ ପରୀକ୍ଷଣ କରାଯାଇଛି ଯାହା ଗ୍ରାହକମାନଙ୍କ ଅନୁଭୂତିରେ ଉନ୍ନତି ଆଣିବାରେ ବାସ୍ତବରେ ସହାୟକ ହୋଇପାରିବ । ବର୍ତମାନ, ସାଓମି ଓ ରେଡ୍‌ମିର ଅଧିକାଂଶ ୫ଜି ସକ୍ଷମ ଡିଭାଇସ୍ ରିଲାଏନ୍ସ ଜିଓର ଟ୍ରୁ-୫ଜି ନେଟ୍‌ୱର୍କରେ ଶ୍ରେଷ୍ଠ ଭାବେ କାମ କରୁଛି ।

ଏହି ସହଯୋଗିତା ସମ୍ପର୍କରେ ସାଓମି ଇଣ୍ଡିଆର ସଭାପତି ମୁରଲୀକ୍ରିଷ୍ଣନ ବି କହିଛନ୍ତି ଯେ, “ଗତ ଦୁଇ ବର୍ଷ ଭିତରେ ଭାରତ ପାଇଁ ପ୍ରସ୍ତୁତ ୫ଜି ତିଆରି କରିବା ଲାଗି ସାଓମି ପ୍ରତିବଦ୍ଧ ରହିଛି । ସ୍ମାର୍ଟଫୋନ୍ ଜରିଆରେ ଆମେ ୫ଜି ବିପ୍ଳବର ନେତୃତ୍ୱ ନେଇ ନିଷ୍ଠାପର ମୂଲ୍ୟରେ ଶ୍ରେଷ୍ଠ ମାନର ସୁବିଧା ସୁଯୋଗ ସହ ଉନ୍ନତ ୫ଜି ଅନୁଭବ ପ୍ରଦାନ କରୁଛୁ । ଗ୍ରାହକ ଅନୁଭୂତି ଓ ସଂଯୋଗରେ ଆହୁରି ଉନ୍ନତି ଆଣିବା ଲାଗି ଆମେ ରିଲାଏନ୍ସ ଜିଓର ଟ୍ରୁ-୫ଜି ନେଟ୍‌ୱର୍କ ସହ ସହଯୋଗିତା ସ୍ଥାପନ କରିଥିବାରୁ ଆନନ୍ଦିତ । ଆମେ ଆଶା କରୁଛୁ ଯେ ସାଓମି ଓ ରେଡ୍‌ମି ହ୍ୟାଣ୍ଡ୍‌ସେଟ୍‌ରେ ରିଲାଏନ୍ସ ଜିଓର ଟ୍ରୁ-୫ଜି ଅନୁଭୂତିି ସହ ଶ୍ରେଷ୍ଠ ୫ଜିକୁ ଉପଭୋଗ କରିବାରେ ତାହା ଗ୍ରାହକମାନଙ୍କ ପାଇଁ ସହାୟକ ହେବ ।’’

ଏହି ସହଯୋଗିତା ସମ୍ପର୍କରେ ରିଲାଏନ୍ସ ଜିଓ ଇନ୍‌ଫୋକମ୍ ଲିମିଟେଡ୍‌ର ସଭାପତି ସୁନିଲ ଦତ କହିଛନ୍ତି ଯେ, “ନୂଆ ପ୍ରଯୁକ୍ତି ହାସଲ କରିବା ଏବଂ ନିଜ ଗ୍ରାହକମାନଙ୍କ ହାତ ପାଆନ୍ତାକୁ ଅଭିନବ ପ୍ରଯୁକ୍ତି ପହଂଚାଇବାରେ ସାଓମି ଶିଳ୍ପର ଅଗ୍ରଦୂତ ହୋଇରହିଛି । ସବୁ କିଛିର କେନ୍ଦ୍ରରେ ଗ୍ରାହକଙ୍କୁ ରଖି ଜନସାଧାରଣଙ୍କ ପାଖରେ ଟ୍ରୁ-୫ଜି ପହଂଚାଇବା ଜିଓର ଲକ୍ଷ୍ୟ ରହିଛି । ଆମେ ଏହା ଜଣାଇ ବେଶ ଆନନ୍ଦିତ ଯେ ସାଓମିର ସମସ୍ତ ଆଗାମୀ ୫ଜି ଡିଭାଇସ୍‌ରେ ଏସ୍‌ଏ ସଂଯୋଗ ରହିବା ସହିତ ପୂର୍ବରୁ ଥିବା ୫ଜି ଡିଭାଇସ୍‌ଗୁଡ଼ିକରେ ଟ୍ରୁ-୫ଜିକୁ ସପୋର୍ଟ କରିବା ଲାଗି ସଫ୍ଟଓୟାର ଅପ୍‌ଗ୍ରେଡ୍ କରାଯାଇଛି ।’’

ଜିଓ ଟ୍ରୁ-୫ଜିର ତିିନି ସୂତ୍ରୀ ଲାଭ ରହିଛି ଯାହା ଏହାକୁ ଭାରତର ଏକମାତ୍ର ଟ୍ରୁ-୫ଜି ନେଟ୍‌ୱର୍କରେ ପରିଣତ କରିଛି:

୧. ୪ଜି ନେଟ୍‌ୱର୍କରେ ଉପରେ ଶୂନ ନିର୍ଭରଶୀଳତା ସହ ଉନ୍ନତ ୫ଜି ନେଟ୍‌ୱର୍କ ସହ ଷ୍ଟାଣ୍ଡ୍‌-ଏଲୋନ ୫ଜି ବ୍ୟବସ୍ଥା ।

୨. ୭୦୦ ମେଗାହର୍ଜ, ୩୫୦୦ ମେଗାହର୍ଜ ଏବଂ ୨୬ ଗିଗାହର୍ଜ ବ୍ୟାଣ୍ଡ୍‌ର ୫ଜି ସ୍ପେକ୍ଟ୍ରମ୍‌ର ସର୍ବବୃହତ ଓ ଶ୍ରେଷ୍ଠ ମିଶ୍ରଣ ।

୩. କ୍ୟାରିୟର ଆଗ୍ରିଗେସନ ଭଳି ଏକ ଉନ୍ନତ ପ୍ରଯୁକ୍ତିକୁ ବ୍ୟବହାର କରି ନିରବଚ୍ଛିନ୍ନ ଭାବେ ୫ଜି ଫ୍ରିକ୍ୱେଏନ୍‌ସିକୁ ଏକତ୍ରୀତ କରି ଏକକ ସୁଦୃଢ଼ “ଡାଟା ହାଇୱେ’ରେ ପରିଣତ କରୁଛି ।

ସାଓମି ସହ ଆମ ଗ୍ରାହକମାନଙ୍କ ଲାଗି ଆମେ ଅତୁଳନୀୟ ଗ୍ରାହକ ଅନୁଭୂତି ସୃଷ୍ଟି କରିବାକୁ ଆମେ ଲକ୍ଷ୍ୟ ରଖିଛୁ ।
Published by:Soubhagya Mishra
First published: