ଅନ୍ତର୍ଜାତୀୟ କ୍ରିକେଟ ଜଗତରେ ବିରାଟ କୋହଲିଙ୍କ ୧୪ର ବର୍ଷର ଯାତ୍ରା; ଜାଣନ୍ତୁ କେଉଁ ସବୁ ସ୍ଥାନରେ ଅଛନ୍ତି ଶୀର୍ଷରେ

୨୦୦୮ ଅଗଷ୍ଟ ୧୮ ରେ ଶ୍ରୀଲଙ୍କା ବିପକ୍ଷରେ ଏକ ଓଡ଼ିଆଇ ମ୍ୟାଚ୍ ସହ ଆନ୍ତର୍ଜାତୀୟ କ୍ରିକେଟ ଜଗତରେ ଡେବ୍ୟୁ କରିଥିଲେ କୋହଲି। ଡେବ୍ୟୁ ମ୍ୟାଚରେ ୧୨ ରନ୍ କରି ଆଉଟ୍ ହୋଇଯାଇଥିଲେ।

ଆଜିଠୁ ଠିକ ୧୪ ବର୍ଷ ପୂର୍ବେ ଆନ୍ତର୍ଜାତୀୟ କ୍ରିକେଟ ଜଗତରେ ଡେବ୍ୟୁ କରିଥିଲେ ବିରାଟ କୋହଲି

ଆଜିଠୁ ଠିକ ୧୪ ବର୍ଷ ପୂର୍ବେ ଆନ୍ତର୍ଜାତୀୟ କ୍ରିକେଟ ଜଗତରେ ଡେବ୍ୟୁ କରିଥିଲେ ବିରାଟ କୋହଲି

  • Share this:
News 18 Odia Digital

ନୂଆ ଦିଲ୍ଲୀ : ଆଜିଠୁ ଠିକ ୧୪ ବର୍ଷ ପୂର୍ବେ ଆନ୍ତର୍ଜାତୀୟ କ୍ରିକେଟ ଜଗତରେ ଡେବ୍ୟୁ କରିଥିଲେ ବିରାଟ କୋହଲି ।  ୨୦୦୮ ଅଗଷ୍ଟ ୧୮ ରେ ଶ୍ରୀଲଙ୍କା ବିପକ୍ଷରେ ଏକ ଓଡ଼ିଆଇ ମ୍ୟାଚ୍ ସହ ଆନ୍ତର୍ଜାତୀୟ କ୍ରିକେଟ ଜଗତରେ  ପାଦ ଥାପିଥିଲେ ସେ । ୧୪ ବର୍ଷ ମଧ୍ୟରେ ସର୍ବାଧିକ ଆନ୍ତର୍ଜାତୀୟ ରନ୍ ଓ ଶତକ କରିବାରେ ଶୀର୍ଷରେ ରହିଛନ୍ତି।

ଡେବ୍ୟୁ ମ୍ୟାଚରେ ୧୨ ରନ୍ କରି ଆଉଟ୍ ହୋଇଯାଇଥିଲେ

୨୦୦୮  ଅଣ୍ଡର -୧୯ ବିଶ୍ୱକପରେ ଭାରତୀୟ ଦଳର ବିଜୟ ପରେ ବିରାଟ କୋହଲି ଆଇପିଏଲରେ ଡେବ୍ୟୁ କରିବାର ସୁଯୋଗ ପାଇଥିଲେ। ସେ ଆରସିବି ପାଇଁ ଭଲ ପ୍ରଦର୍ଶନ କରିଥିଲେ। ଏହା ପରେ ସେ ଅଗଷ୍ଟ ୨୦୦୮ରେ ଶ୍ରୀଲଙ୍କା ଗସ୍ତ ପାଇଁ ଦଳରେ ସ୍ଥାନ ପାଇଥିଲେ। ୫ ମ୍ୟାଚ୍ ବିଶିଷ୍ଟ ଓଡ଼ିଆଇ ସିରିଜର ପ୍ରଥମ ମ୍ୟାଚ୍ ୨୦୦୮ ଅଗଷ୍ଟ ୧୮ ରେ ଡାମବୁଲ୍ଲାରେ ଖେଳାଯାଇଥିଲା । ଏଥିରେ ବିରାଟ କୋହଲି ଖେଳୁଥିବା ଏକାଦଶରେ ମଧ୍ୟ ସ୍ଥାନ ପାଇଥିଲେ।  ସେ ୨୨ଟି ବଲରେ ମାତ୍ର ୧୨ ରନ୍ କରିବା ପରେ ଡେବ୍ୟୁ ମ୍ୟାଚରେ ଆଉଟ୍ ହୋଇଥିଲେ। ଏହି ମ୍ୟାଚରେ ଭାରତ ମଧ୍ୟ ପରାସ୍ତ ହୋଇଥିଲା ।

ଡେବ୍ୟୁ ସିରିଜରେ ୫୦ ରନ୍ କରିବାରେ ସକ୍ଷମ ହୋଇଥିଲେ ମ

କୋହଲି ଏହି ସିରିଜର ସମସ୍ତ ମ୍ୟାଚ୍ ଖେଳିବାର ସୁଯୋଗ ପାଇଥିଲେ । ୫ ଟି ମ୍ୟାଚ୍ ରେ ୧୫୯ ରନ୍ କରିଥିଲେ। ଏହି ସମୟ ମଧ୍ୟରେ ସେ ୫୦ ରନ୍ କରିବାରେ ସକ୍ଷମ ହୋଇଥିଲେ । ସେବେଠାରୁ କୋହଲି ଦିନିକିଆ ଦଳର ନିୟମିତ ଭାବେ ଖେଳି ଆସୁଛନ୍ତି।

ଗତ ୧୪ ବର୍ଷରେ ଏହି ତିନୋଟି ଫର୍ମାଟରେ କୋହଲି ଶୀର୍ଷରେ ଅଛନ୍ତି ।

ବିରାଟ କୋହଲି ଏହି ୧୪ ବର୍ଷରେ କ୍ରିକେଟ୍ ର ତିନୋଟି ଫର୍ମାଟରେ ୨୩,୭୨୬ ଆନ୍ତର୍ଜାତୀୟ ରନ୍ ସ୍କୋର କରିଛନ୍ତି । ଆନ୍ତର୍ଜାତୀୟ ସ୍ତରରେ ଏହା ହେଉଛି ସର୍ବାଧିକ ରନ୍ ୧୪ ବର୍ଷ ମଧ୍ୟରେ ।  ଦ୍ୱିତୀୟ ସର୍ବାଧିକ ରନ୍ ଅଧିକାରୀ ହେଉଛନ୍ତି ଇଂଲଣ୍ଡର ଜୋ ରୁଟ୍ । ସେ ୧୭,୫୬୬ ରନ୍ କରିଛନ୍ତି।

ବିରାଟ ଏପର୍ଯ୍ୟନ୍ତ ୭୦ ଟି ଆନ୍ତର୍ଜାତୀୟ ଶତକ ହାସଲ କରିଛନ୍ତି । ଗତ ୧୪ ବର୍ଷ ମଧ୍ୟରେ ଆନ୍ତର୍ଜାତୀୟ ସ୍ତରରେ ଏହା ହେଉଛି ସର୍ବାଧିକ ଶତକ କରିଥିବା ବ୍ୟାଟ୍ସମ୍ୟାନ୍ । ଦ୍ୱିତୀୟ ସ୍ଥାନରେ ହସିମ୍ ଆମଲା ଅଛନ୍ତି । ସେ ୫୦ଟି ଶତକ ହାସଲ କରିଛନ୍ତି ।

ବିରାଟଙ୍କୁ ତାଙ୍କ ଅନ୍ତର୍ଜାତୀୟ କ୍ୟାରିୟରରେ ୫୭ ଥର 'ପ୍ଲେୟାର ଅଫ୍ ଦି ମ୍ୟାଚ୍' ପୁରସ୍କାର ହାସଲ କରିଛନ୍ତି ।  ଏହା ହେଉଛି  ୧୪ ବର୍ଷ ମଧ୍ୟରେ  ସର୍ବାଧିକ 'ପ୍ଲେୟାର ଅଫ୍ ଦି ମ୍ୟାଚ୍' ପୁରସ୍କାର ପାଇଥିବା ଖେଳାଳି। ଏହି ସମୟରେ ରୋହିତ ଶର୍ମା ଦ୍ୱିତୀୟ ସ୍ଥାନରେ ଅଛନ୍ତି । ରୋହିତ ୩୫ ଥର 'ପ୍ଲେୟାର ଅଫ୍ ଦି ମ୍ୟାଚ୍' ପୁରସ୍କାର ହାସଲ କରିଛନ୍ତି ।
Published by:Sujit Swain
First published: