ଜୀବନକୁ ବାଜି ଲଗାଇ ପନ୍ତଙ୍କୁ ଉଦ୍ଧାର କରିଥିଲେ ଡ୍ରାଇଭର ଓ କଣ୍ଡକ୍ଟର; ନୂଆ ବର୍ଷରେ ମିଳିଲା ଖୁସି ଖବର

କଣ୍ଡକ୍ଟର ପରମଜିତ୍ ଋଷଭ ପନ୍ତଙ୍କୁ ବାହାରକୁ ଆଣିବାର ୫-୭ସେକେଣ୍ଡ ମଧ୍ୟରେ କାରଟି ଜଳିଯାଇଥିଲା । ତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା ।

ନୂଆ ବର୍ଷରେ ମିଳିଳା ଖୁସି ଖବର

ନୂଆ ବର୍ଷରେ ମିଳିଳା ଖୁସି ଖବର

  • News18 Odia
  • Last Updated :
  • Other, India
  • Share this:
News18 Odia Digital

ଚଣ୍ଡୀଗଡ଼: ଉତ୍ତରାଖଣ୍ଡ ସରକାର ହରିୟାଣା ରୋଡୱେ ଡ୍ରାଇଭର ସୁଶୀଲ ଓ କଣ୍ଡକ୍ଟର ପରମଜିତଙ୍କୁ ସମ୍ମାନିତ କରିବେ। ଯେଉଁମାନେ କି ଭାରତୀୟ କ୍ରିକେଟର ଋଷଭ ପନ୍ତଙ୍କୁ ଉଦ୍ଧାର କରିଥିଲେ। ଗଣତନ୍ତ୍ର ଦିବସରେ ସରକାର ଉଭୟଙ୍କୁ ସମ୍ମାନିତ କରିବେ ବୋଲି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି ଘୋଷଣା କରିଛନ୍ତି।

ପନ୍ତ ଉତ୍ତରପ୍ରଦେଶର ଏକ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଡିସେମ୍ବର ୩୦ ରେ, ଦିଲ୍ଲୀରୁ ରାଉରକେଲାକୁ ଫେରୁଥିବା ବେଳେ ସକାଳ ପ୍ରାୟ ୫.୩୦ ସମୟରେ ପନ୍ତ ଏକ ଗୁରୁତର ଦୁର୍ଘଟଣାର ସମ୍ମୁଖୀନ ହୋଇଥିଲେ। ତାଙ୍କ କାର ହାମଦପୁର ଝାଲ ନିକଟ ନରସାନ ସୀମାରେ ଡିଭାଇଡର ସହ ମୁହାଁମୁହିଁ ଧକ୍କା ହୋଇଥିଲା। ଦୁର୍ଘଟଣା ସମୟରେ ସେ କାରରେ ଏକୁଟିଆ ଥିଲେ। ଏହି ସମୟରେ ସେ ତାଙ୍କ ପିଠି, କପାଳ ଓ ଗୋଡରେ ଆଘାତ ପାଇଥିଲେ।

ଘଟଣାସ୍ଥଳରୁ ମିଳିଥିବା ଫଟୋ ଅନୁଯାୟୀ, କାରଟି ଅତ୍ୟଧିକ ଜଳି ଯାଇଥିଲା ଓ ଦୁର୍ଘଟଣା ସମୟରେ ପନ୍ତ ଗାଡି ଚଳାଉଥିଲେ। ହରିଦ୍ୱାର ଏସପି ସ୍ୱପ୍ନ କିଶୋର କହିଛନ୍ତି ଯେ ପନ୍ତଙ୍କୁ ଡେରାଡୁନର ମ୍ୟାକ୍ସ ହସ୍ପିଟାଲରେ ଭର୍ତ୍ତି କରାଯାଇଛି। ସେ କହିଥିଲେ ଯେ ଯଦି ପ୍ଲାଷ୍ଟିକ ସର୍ଜରୀ ଆବଶ୍ୟକ ହୁଏ ତେବେ ତାଙ୍କୁ ଦିଲ୍ଲୀ ନିଆଯାଇପାରେ।

କଣ୍ଡକ୍ଟର ପରମଜିତ୍ କହିଥିଲେ ଯେ  ପନ୍ତଙ୍କୁ ବାହାରକୁ ଆଣିବାର ୫-୭ସେକେଣ୍ଡ ମଧ୍ୟରେ କାରଟି ଜଳିଗଲା। ତାଙ୍କ ପିଠିରେ ଅନେକ ଆଘାତ ଲାଗିଥିଲା। ଏଥି ସହ ଡକ୍ଟର ସୁଶୀଲ ନାଗର କହିଛନ୍ତି ଯେ ଯେତେବେଳେ ପନ୍ତଙ୍କୁ ଏଠାରେ ଭର୍ତ୍ତି କରାଯାଇଥିଲା ସେତେବେଳେ ତାଙ୍କ ଅବସ୍ଥା ଗୁରୁତର ଥିଲା। ତାଙ୍କ ଡାହାଣ ଆଣ୍ଠୁରେ ଏକ ଲିଗାମେଣ୍ଟ ଆଘାତ ଲାଗିଛି, ଯାହା ଏମଆରଆଇ ରିପୋର୍ଟ ପରେ ଅଧିକ ସ୍ପଷ୍ଟ ହୋଇଯିବ। ଡକ୍ଟର ନାଗର କହିଛନ୍ତି ଯେ ତାଙ୍କ କପାଳରେ ଦୁଇଟି ଖୋଲା କ୍ଷତ ଏବଂ ଅଣ୍ଟାରେ ସ୍କ୍ରାଚ୍ ଚିହ୍ନ ରହିଛି।  ଏଥିରେ ସାଂଘାତିକ କିଛି ନଥିଲା।
Published by:Soumya Das
First published: