ଟି-୨୦ ବିଶ୍ୱକପ ଓ ଏସିଆ କପ ପାଇଁ ବାଂଲାଦେଶର ଅଧିନାୟକ ହେଲେ ଶାକିବ ଅଲ ହାସନ

ବିସିବି ଟି-୨୦ ବିଶ୍ୱକପ ଓ ଏସିଆ କପ ପାଇଁ ଅଧିନାୟକ ଭାବେ ଶାକିବ ଅଲ ହାସନଙ୍କ ନାମ ଘୋଷଣା କରିବା ସହ ଏସିଆ କପ ପାଇଁ ୧୭ ଜଣିଆ ଟିମ୍ ତାଲିକା ପ୍ରକାଶ କରିଛି।

ଟି -୨୦ ବିଶ୍ୱକପ ଓ ଏସିଆ କପ ପାଇଁ ବାଂଲାଦେଶର ଅଧିନାୟକ ହେଲେ ଶାକିବ ଅଲ ହାସନ

ଟି -୨୦ ବିଶ୍ୱକପ ଓ ଏସିଆ କପ ପାଇଁ ବାଂଲାଦେଶର ଅଧିନାୟକ ହେଲେ ଶାକିବ ଅଲ ହାସନ

  • Share this:
News 18 Odia Digital

Asia Cup 2022 : ଆଗାମୀ ଏସିଆ କପ ଓ ଟି -୨୦ ବିଶ୍ୱକପ ପାଇଁ ଅଲରାଉଣ୍ଡର ଶାକିବ ଅଲ ହାସନଙ୍କୁ ବାଂଲାଦେଶ ଅଧିନାୟକ ଭାବେ ବିସିବି ଘୋଷଣା କରିଛି । ଅଗଷ୍ଟ ୨୭ ରୁ ୟୁଏଇରେ ଖେଳାଯିବାକୁ ଥିବା ଏସିଆ କପ ପାଇଁ ମଧ୍ୟ ବିସିବି ୧୭ ଜଣିଆ ଟିମ୍ ଘୋଷଣା କରିଛି। ଟୁର୍ଣ୍ଣାମେଣ୍ଟର ଏସିଆ କପ ୧୫ତମ ସଂସ୍କରଣ ୟୁଏଇରେ ୬ଟି ଦଳ ମଧ୍ୟରେ ଖେଳାଯିବ। ସାତଥର ଟ୍ରଫି ଜିତି ଡିଫେଣ୍ଡିଂ ଚାମ୍ପିଅନ୍ ଇଣ୍ଡିଆ ମଧ୍ୟ ସବୁଠାରୁ ସଫଳ ଦଳ। ଶେଷ ସଂସ୍କରଣଟି ଓଡିଆଇ ଫର୍ମାଟରେ ଅନୁଷ୍ଠିତ ହୋଇଥିବାବେଳେ ଏଥର ସଂସ୍କରଣରେ ଟି -୨୦ ଫର୍ମାଟରେ ଖେଳାଯିବ ।

ଏହି ୬ ଟି ଦଳ ହେଲେ

ଭାରତ, ପାକିସ୍ଥାନ ଓ ଯେଉଁ ଦଳ ଯୋଗ୍ୟତା ହାସଲ କରିବା ସେ ଗ୍ରୁପ୍ ଏ (A) ରେ ଶ୍ରୀଲଙ୍କା, ବାଂଲାଦେଶ ଓ ଆଫଗାନିସ୍ତାନ ଗ୍ରୁପ୍ ବି ବିଭକ୍ତ କରାଯାଇଛି । ଗଠନ ହୋଇଥିବା ଗ୍ରୁପ୍ ପର୍ଯ୍ୟାୟ କ୍ରମେ ଅନ୍ୟ ଏକ ଦଳ ସହ ଖେଳିବେ ଓ ପ୍ରତ୍ୟେକ ଗ୍ରୁପର ଶ୍ରେଷ୍ଠ ଦୁଇ ଦଳ ସୁପର ୪ ରାଉଣ୍ଡକୁ ଯିବେ । ସୁପର ୪ ରାଉଣ୍ଡର ଶ୍ରେଷ୍ଠ ୨ ଦଳ ଫାଇନାଲ ପାଇଁ ଯୋଗ୍ୟତା ଅର୍ଜନ କରିବେ ।

ଶାକିବ କେବଳ ଆଗାମୀ ଏସିଆ କପରେ ବାଂଲାଦେଶର ନେତୃତ୍ୱ ନେବେ ନାହିଁ ବରଂ ପାକିସ୍ତାନ ସହ ଟ୍ରାଇ-ନେସନ ଟି -୨୦ ସିରିଜ ଓ ତା’ପରେ ଅଷ୍ଟ୍ରେଲିଆରେ ଟି -୨୦ ବିଶ୍ୱକପ ୨୦୨୨ ରେ ଅଧିନାୟକ ରହିବେ ।

ଏସିଆ କପ୍ ପାଇଁ ବାଂଲାଦେଶର ୧୭ ଜଣିଆ ଟିମ୍

ଶାକିବ ଅଲ ହାସନ (ଅଧିନାୟକ), ଅନାମୁଲ ହକ, ମୁଶଫିକୁର ରହୀମ, ଅଫିଫ ହୋସେନ, ମୋସାଦେଡକ ହୋସେନ, ମହମୁଦୁଲ୍ଲା, ମହେଦି ହାସନ, ମହମ୍ମଦ ସୈଫୁଦ୍ଦିନ, ହାସନ ମହମୁଦ, ମୁସ୍ତାଫିଜୁର ରହମାନ, ନାସୁମ ଅହମ୍ମଦ, ସାବୀର ରହମାନ, ମେହିଦି ହାସନ୍ ମିରାଜ୍, ଇବାଡୋଟ ହୁସେନ୍, ପରଭେଜ୍ ହୁସେନ୍ ଇମନ୍, ନୁରୁଲ ହାସନ ସୋହନ ଏବଂ ଟାସ୍କିନ୍ ଅହମ୍ମଦ ।
Published by:Sujit Swain
First published: