Hockey World Cup: କିଏ ହେବ ଚାମ୍ପିଅନ? ୪୮ ବର୍ଷ ଅପେକ୍ଷାର ଅନ୍ତ କରିପାରେ ଭାରତ!

Hockey World Cup 2023: ଆଜି (ଶୁକ୍ରବାର) ଦିନ ୧ଟାରେ ଆରମ୍ଭ ହେଲା ହକି ମହାକୁମ୍ଭ। ଆଜି ଚାରୋଟି ରୋମାଞ୍ଚକର ମ୍ୟାଚ୍ ଖେଳାଯିବ।

ହକି ବିଶ୍ବକପ ଆରମ୍ଭ

ହକି ବିଶ୍ବକପ ଆରମ୍ଭ

  • News18 Odia
  • Last Updated :
  • Cuttack, India
  • Share this:
News18 Odia Digital

Hockey World Cup 2023: ଭାରତରେ ଖେଳାଯାଉଥିବା ହକି ବିଶ୍ୱକପର ମହାକୁମ୍ଭ (Hockey World Cup) ଆରମ୍ଭ ହୋଇଛି ଏବଂ ଆଜି ଚାରୋଟି ରୋମାଞ୍ଚକର ମ୍ୟାଚ୍ ଖେଳାଯିବ। ଯେଉଁଥିରେ ଭାରତ ଏବଂ ସ୍ପେନ୍ ମଧ୍ୟରେ ହେବାକୁ ଥିବା ମ୍ୟାଚ୍ ଉପରେ ସମସ୍ତଙ୍କ ନଜର ରହିଛି।

ଭାରତୀୟ ଦଳ (India) ଏହି ମ୍ୟାଚ୍ ଜିତି ଏକ ବିଜୟ ନୋଟରେ ଟୁର୍ନାମେଣ୍ଟ ଆରମ୍ଭ କରିବାକୁ ଚାହୁଁଛି । ଏହି ମ୍ୟାଚ୍ ଓଡ଼ିଶାର ରାଉରକେଲା ବିର୍ସା ମୁଣ୍ଡା ଷ୍ଟାଡିୟମରେ ଖେଳାଯିବ। ଏହା ବ୍ୟତୀତ ଆର୍ଜେଣ୍ଟିନା, ଆଫ୍ରିକା, ଅଷ୍ଟ୍ରେଲିଆ ଏବଂ ଫ୍ରାନ୍ସ ସମେତ ଅନ୍ୟ ଦଳ ମଧ୍ୟ ଆଜି ଆକ୍ସନ୍ ମୋଡରେ ନଜର ଆସିବେ।

ହକି ବିଶ୍ୱକପ୍‌ର ଇତିହାସ ବିଷୟରେ କହିବାକୁ ଗଲେ ପାକିସ୍ତାନର ଆଭିମୁଖ୍ୟ ଏଥିରେ ୪ଥର ଜିତିଥିବା ବେଳେ ଅଷ୍ଟ୍ରେଲିଆ ଦଳ ମଧ୍ୟ ମୋଟ ୧୨ଟି ପଦକ ଜିତିଛି, ଯାହା ସର୍ବାଧିକ।

ପାକିସ୍ତାନର ସବୁଠାରୁ ସଫଳ ଦଳ

ପୁରୁଷ ହକି ବିଶ୍ୱକପ ପ୍ରତି ଚାରି ବର୍ଷରେ ଥରେ ଅନୁଷ୍ଠିତ ହୁଏ। ଆନ୍ତର୍ଜାତୀୟ ହକି ଫେଡେରେସନ୍ ଦ୍ୱାରା ଏହା ଆୟୋଜିତ ହୋଇଛି। ହକି ବିଶ୍ୱକପ ପ୍ରଥମେ ୫୧ ବର୍ଷ ପୂର୍ବେ ଆର୍ଥାତ୍ ୧୯୭୧ରେ ଖେଳାଯାଇଥିଲା ଏବଂ ଏହା ପରଠାରୁ ଆଜି ପର୍ଯ୍ୟନ୍ତ ଚାଲିଛି ଖେଳ। ଏହି ପ୍ରତିଯୋଗିତାରେ ପାକିସ୍ତାନ ସବୁଠାରୁ ସଫଳ ଦଳ, ସେମାନେ ଚାରିଥର ବିଶ୍ୱ ହକି ଚାମ୍ପିଅନ୍ ହୋଇଛନ୍ତି। ଯଦିଓ ସେ ଏ ବର୍ଷ କ୍ବାଲିଫାଇ ବି କରିନାହିଁ।

୪୮ ବର୍ଷ ପୂର୍ବେ ଭାରତ ବିଶ୍ୱକପ ଜିତିଥିଲା

ହକି ବିଶ୍ୱକପ୍‌ରେ ଭାରତୀୟ ଦଳର ପ୍ରଦର୍ଶନ ବିଷୟରେ କହିବାକୁ ଗଲେ ଦଳ ୧୯୭୫ ମସିହାରେ କେବଳ ଥରେ ସ୍ୱର୍ଣ୍ଣ ପଦକ ଜିତିଥିଲା। ସେବେଠାରୁ ଦଳ ସେମିଫାଇନାଲରେ ପ୍ରବେଶ କରିପାରି ନଥିଲା। ଭାରତ ୯୫ଟି ବିଶ୍ୱକପ ମ୍ୟାଚ୍ ଖେଳିଥିବାବେଳେ ୪୦ଟି ଜିତିଛି। ଏହି ବର୍ଷ ଦଳ ୪୮ ବର୍ଷର ମରୁଡ଼ିକୁ ଶେଷ କରିବାକୁ ଚାହୁଁଛି।

Hockey World Cup Winners: ଏଠାରେ ବିଜେତାମାନଙ୍କର ତାଲିକା ଦେଖନ୍ତୁ...

୨୦୧୮- ବେଲଜିୟମ୍।
୨୦୧୪ - ଅଷ୍ଟ୍ରେଲିଆ।
୨୦୧୦ - ଅଷ୍ଟ୍ରେଲିଆ।
୨୦୦୬ - ଜର୍ମାନୀ।
୨୦୦୨- ଜର୍ମାନୀ।
୧୯୯୮- ନେଦରଲ୍ୟାଣ୍ଡ।
୧୯୯୪ - ପାକିସ୍ତାନ।
୧୯୯୦ - ନେଦରଲ୍ୟାଣ୍ଡ।
୧୯୮୬ - ଅଷ୍ଟ୍ରେଲିଆ।
୧୯୮୨ - ପାକିସ୍ଥାନ।
୧୯୭୮ - ପାକିସ୍ତାନ।
୧୯୭୫ - ଭାରତ।
୧୯୭୩ - ନେଦରଲ୍ୟାଣ୍ଡ।
୧୯୭୧- ପାକିସ୍ତାନ।

ଜାଣନ୍ତୁ ହକି ବିଶ୍ୱକପ୍ ୨୦୨୩ର ଲାଇଭ୍ ଷ୍ଟ୍ରିମିଂ କେଉଁଠାରେ ଦେଖିବି?

ଷ୍ଟାର ସ୍ପୋର୍ଟ୍ସ ଚ୍ୟାନେଲରେ ଆପଣ ଭାରତ ଏବଂ ସ୍ପେନ୍ ମ୍ୟାଚ୍ ଉପଭୋଗ କରିପାରିବେ। ଆପଣ ଷ୍ଟାର୍ ସ୍ପୋର୍ଟ୍ସ୍ ୧, ଷ୍ଟାର୍ ସ୍ପୋର୍ଟ୍ସ୍ ସିଲେକ୍ଟ ୨, ଷ୍ଟାର୍ ସ୍ପୋର୍ଟ୍ସ୍ ସିଲେକ୍ଟ ୨ HDରେ ମ୍ୟାଚ୍ ଦେଖିପାରିବେ।

ମୋବାଇଲ୍ ଏବଂ ଲାପଟପରେ ମ୍ୟାଚ୍ କିପରି ଦେଖିବେ...

ଆପଣ ମୋବାଇଲ୍ ଏବଂ ଲାପଟପରେ ଲାଇଭ୍ ମ୍ୟାଚ୍ ମଧ୍ୟ ଦେଖିପାରିବେ। ଏଥିପାଇଁ ଆପଣ ଡିସ୍ନି + ହଟଷ୍ଟାର୍ ଆପରେ ମ୍ୟାଚ୍ ଦେଖିପାରିବେ। ଏହା ବ୍ୟତୀତ ଆପଣ ୱାଚ୍ ହକି ଆପ୍ କିମ୍ବା ୱେବସାଇଟ୍ ମାଧ୍ୟମରେ ମ୍ୟାଚ୍ ମଧ୍ୟ ଦେଖିପାରିବେ।

ହକି ବିଶ୍ୱକପ ପାଇଁ ଭାରତୀୟ ଦଳ

ପି.ଆର ଶ୍ରୀଜେଶ, କ୍ରିଷ୍ଣା ପଠକ, ସୁରେନ୍ଦ୍ର କୁମାର, ହରମନପ୍ରୀତ ସିଂ (କ୍ୟାପଟେନ), ବରୁଣ କୁମାର, ଅମିତ ରୋହିଦାସ (ଉପ-କ୍ୟାପଟେନ), ନୀଲମ ସଞ୍ଜୀପ, ମନପ୍ରୀତ ସିଂ, ହାର୍ଦ୍ଦିକ ସିଂ, ନୀଲକାନ୍ତ ଶର୍ମା, ଶମଶେର ସିଂ, ବିବେକ ସାଗର ପ୍ରସାଦ, ଆକାଶଦୀପ ସିଂ, ମନଦୀପ ସିଂ, ଲଲିତ କୁମାର ଉପାଧ୍ୟାୟ, ଅଭିଷେକ, ସୁଖଜିତ ସିଂ, ରାଜକୁମାର ପାଲ ଏବଂ ଯୁଗରାଜ ସିଂ।
Published by:Lipina Das
First published: