କମନୱେଲଥରେ ଭାରତ ପାଇଁ ୧୯ ତମ ସ୍ଵର୍ଣ୍ଣ ଆଣିଲେ ପିଭି ସିନ୍ଧୁ; ଫାଇନାଲରେ କାନାଡିୟ ଖେଳାଳିଙ୍କୁ କରିଲେ ପରାସ୍ତ

ପ୍ରଥମ ଗେମରେ ମିସେଲ ସିନ୍ଧୁଙ୍କୁ ସାମାନ୍ୟ ଟକ୍କର ଦେଇଥିଲେ, କିନ୍ତୁ ଦ୍ୱିତୀୟ ଗେମରେ ସିନ୍ଧୁ ତାଙ୍କୁ କୌଣସି ସୁଯୋଗ ଦେଇନଥିଲେ । ଦ୍ୱିତୀୟ ଖେଳକୁ ଭାରତର ଷ୍ଟାର ସଟଲର ୨୧-୧୩ ରେ ଜିତିଥିଲେ । ଏହା ସହ ସିନ୍ଧୁ କମନୱେଲଥ ଗେମ୍ସର ସିଙ୍ଗଲ୍ସରେ ପ୍ରଥମ ସ୍ୱର୍ଣ୍ଣ ଜିତିଛନ୍ତି ।

କମନୱେଲଥରେ ଭାରତ ପାଇଁ ୧୯ ତମ ସ୍ଵର୍ଣ୍ଣ ଆଣିଲେ ପିଭି ସିନ୍ଧୁ

କମନୱେଲଥରେ ଭାରତ ପାଇଁ ୧୯ ତମ ସ୍ଵର୍ଣ୍ଣ ଆଣିଲେ ପିଭି ସିନ୍ଧୁ

  • Share this:
News 18 Odia Digital

ନୂଆଦିଲ୍ଲୀ; ଭାରତର ବ୍ୟାଡମିଣ୍ଟନ ତାରକା ପିଭି ସିନ୍ଧୁ କମନୱେଲଥ ଗେମ୍ସ ୨୦୨୨ ରେ । ସେ ସିଙ୍ଗଲ୍ସ ଫାଇନାଲ ମ୍ୟାଚରେ କ୍ରମାଗତ ଦୁଇଟି ଗେମରେ କାନାଡାର ବିଶ୍ୱର ୧୩ ନମ୍ବର ମିସେଲ ଲିଙ୍କୁ ପରାସ୍ତ କରିଛନ୍ତି । ବିଶ୍ୱର ୭ ନମ୍ବର ସଟଲର ପିଭି ସିନ୍ଧୁ ପ୍ରଥମ ଖେଳ ୨୧-୧୫ ରେ ଜିତିଥିଲେ ।

ପ୍ରଥମ ଗେମରେ ମିସେଲ ସିନ୍ଧୁଙ୍କୁ ସାମାନ୍ୟ ଟକ୍କର ଦେଇଥିଲେ, କିନ୍ତୁ ଦ୍ୱିତୀୟ ଗେମରେ ସିନ୍ଧୁ ତାଙ୍କୁ କୌଣସି ସୁଯୋଗ ଦେଇନଥିଲେ । ଦ୍ୱିତୀୟ ଖେଳକୁ ଭାରତର ଷ୍ଟାର ସଟଲର ୨୧-୧୩ ରେ ଜିତିଥିଲେ । ଏହା ସହ ସିନ୍ଧୁ କମନୱେଲଥ ଗେମ୍ସର ସିଙ୍ଗଲ୍ସରେ ପ୍ରଥମ ସ୍ୱର୍ଣ୍ଣ ଜିତିଛନ୍ତି । ଭାରତ ବର୍ତ୍ତମାନ ପଦକ ତାଲିକାରେ ଚତୁର୍ଥ ସ୍ଥାନକୁ ଉନ୍ନୀତ ହୋଇଛି । ଏପର୍ଯ୍ୟନ୍ତ ୧୯ ଟି ସୁନା, ୧୫ ଟି ରୌପ୍ୟ ଏବଂ ୨୨ ଟି ବ୍ରୋଞ୍ଜ ଭାରତର ଖାତାକୁ ଆସିଛି ।

ସିନ୍ଧୁ ବନାମ ମିସେଲ
ପ୍ରଥମ ଖେଳ: ସିନ୍ଧୁ ୨୧-୧୫ ରେ ଜିତିଥିଲେ
ଦ୍ୱିତୀୟ ଖେଳ: ସିନ୍ଧୁ ୨୧-୧୩ ରେ ଜିତିଲେ

ସିନ୍ଧୁ ପ୍ରଥମ ଥର ପାଇଁ କମନୱେଲଥ ଗୋଲ୍ଡ ଜିତିଛନ୍ତି

ଦୁଇଥର ଅଲିମ୍ପିକ୍ ଚାମ୍ପିଅନ୍ ପିଭି ସିନ୍ଧୁ ୨୦୧୪ରେ ବ୍ରୋଞ୍ଜ ଏବଂ ୨୦୧୮ ରେ ରୌପ୍ୟ ଜିତିଥିଲେ । ସିନ୍ଧୁ ଚଳିତ ସିଜିନରେ ମିଶ୍ରିତ ଦଳ ଇଭେଣ୍ଟରେ ରୌପ୍ୟ ପଦକ ଜିତିଛନ୍ତି । ଯେତେବେଳେ କି ୨୦୧୮ କମନୱେଲଥରେ ସିନ୍ଧୁ ମିଶ୍ରିତ ଦଳ ଇଭେଣ୍ଟରେ ସ୍ୱର୍ଣ୍ଣ ଜିତିଥିଲେ ।

ସିନ୍ଧୁ ଏପର୍ଯ୍ୟନ୍ତ ୯ ଟି ମ୍ୟାଚରେ ମିଚେଲଙ୍କୁ ପରାସ୍ତ କରିଛନ୍ତି

ଏହି ମ୍ୟାଚ୍ ପୂର୍ବରୁ ପିଭି ସିନ୍ଧୁ ଏବଂ ମିସେଲ ଲି ପରସ୍ପର ବିରୁଦ୍ଧରେ ୧୦ ଥର ମୁହାଁମୁହିଁ ହୋଇଥିଲେ । ଏଥିରେ ପିଭି ସିନ୍ଧୁ ୮ ଥର ମ୍ୟାଚ ଜିତିଥିବାବେଳେ ମିସେଲ ଦୁଇଥର ଜିତିଥିଲେ । ବର୍ତ୍ତମାନ ସିନ୍ଧୁ ୯ମ ଥର ପାଇଁ ମିସେଲଙ୍କୁ ପରାସ୍ତ କରିଛନ୍ତି । ଷ୍ଟାର ଇଣ୍ଡିଆନ୍ ସଟଲର ପିଭି ସିନ୍ଧୁ ମଧ୍ୟ ଏଥର ଚମତ୍କାର ଖେଳୁଛନ୍ତି । କମନୱେଲଥ ଗେମ୍ସ ୨୦୨୩ ର ସେମିଫାଇନାଲରେ ପିଭି ସିନ୍ଧୁ ସିଙ୍ଗାପୁରର ୱାଇ ଜିଆ ମିନିଙ୍କୁ ପରାସ୍ତ କରିଛନ୍ତି । ସିନ୍ଧୁ ଏହି ମ୍ୟାଚ୍ ୨୧-୧୯, ୨୧-୧୭ ରେ ଜିତିଥିଲେ ।

ପଦକ ତାଲିକାରେ ଭାରତର ଏହି ଅବସ୍ଥା

ଦଶମ ଦିନରେ ଅର୍ଥାତ୍ ରବିବାର ଦିନ ଭାରତ ମୋଟ ୧୫ ଟି ପଦକ ଜିତିଥିଲା ​​। ଏକାଦଶ ଦିନରେ ଭାରତ ସ୍ଵର୍ଣ୍ଣ ପଦକରେ ଖାତା ଖୋଲିଛି । ଏହା ସହ ଭାରତ ବର୍ତ୍ତମାନ ପଦକ ତାଲିକାରେ ଚତୁର୍ଥ ସ୍ଥାନକୁ ଉନ୍ନୀତ ହୋଇଛି । ଭାରତରେ ୧୯ ଟି ସ୍ୱର୍ଣ୍ଣ, ୧୫ ଟି ରୌପ୍ୟ ଏବଂ ୨୨ ଟି ବ୍ରୋଞ୍ଜ ପଦକ ରହିଛି । ଅଷ୍ଟ୍ରେଲିଆ ୬୬ ଟି ସ୍ୱର୍ଣ୍ଣ, ୫୫ ରୌପ୍ୟ ଏବଂ ୫୩ ଟି ବ୍ରୋଞ୍ଜ ପଦକ ଜିତିଛି ।

ଅନ୍ୟପକ୍ଷରେ ଆୟୋଜକ ଇଂଲଣ୍ଡ ୫୫ ସ୍ୱର୍ଣ୍ଣ ପଦକ ସହିତ ଦ୍ୱିତୀୟ ଏବଂ କାନାଡା ୨୨ ଟି ସ୍ୱର୍ଣ୍ଣ ପଦକ ସହିତ ତୃତୀୟ ସ୍ଥାନରେ ରହିଛି । ୧୯ ଟି ସ୍ୱର୍ଣ୍ଣ ପଦକ ସହିତ ନ୍ୟୁଜିଲ୍ୟାଣ୍ଡ ଭାରତ ପରେ ଗୋଟିଏ ସ୍ଥାନକୁ ଖସି ପଞ୍ଚମ ସ୍ଥାନରେ ରହିଛି ।
Published by:Soubhagya Mishra
First published: