ହୋମ୍ » ଓଡ଼ିଶା ନ୍ୟୁଜ୍ » ସ୍ପୋର୍ଟ୍ସ»ବାପାଙ୍କ ଜୀବନ ନେବାର ୧୦ ଦିନ ପରେ ଓଡ଼ିଆ କ୍ରିକେଟର୍‌ ପ୍ରଶାନ୍ତ ମହାପାତ୍ରଙ୍କୁ ଛଡ଼େଇ ନେଇଥିଲା କରୋନା

ବାପାଙ୍କ ଜୀବନ ନେବାର ୧୦ ଦିନ ପରେ ଓଡ଼ିଆ କ୍ରିକେଟର୍‌ ପ୍ରଶାନ୍ତ ମହାପାତ୍ରଙ୍କୁ ଛଡ଼େଇ ନେଇଥିଲା କରୋନା

ପ୍ରଶାନ୍ତଙ୍କୁ ମନେ ପକାଇ ସଚିନ୍‌ ତେନ୍ଦୁଲକର କହିଥିଲେ ଯେ ସେ କଟକ ବା ଭୁବନେଶ୍ୱର ଆସିଲେ ପ୍ରଶାନ୍ତ ସବୁ ବେଳେ ତାଙ୍କ ଘରେ ବନାଯାଇଥିବା ଖାଦ୍ୟ ତାଙ୍କ ପାଇଁ ଆଣୁଥିଲେ । ପ୍ରଶାନ୍ତ ରାହୁଲ ଡ୍ରାଭିଡ୍‌ ଓ ଅନିଲ୍‌ କୁମ୍ବଲେଙ୍କ ସହ ଭାରତର ଅଣ୍ଡର୍‌-୧୯ ଟିମରେ ବି ଖେଳିଥିଲେ ।

ବାପାଙ୍କ ଜୀବନ ନେବାର ୧୦ ଦିନ ପରେ ଓଡ଼ିଆ କ୍ରିକେଟର୍‌ ପ୍ରଶାନ୍ତ ମହାପାତ୍ରଙ୍କୁ ଛଡ଼େଇ ନେଇଥିଲା କରୋନା
କ୍ରିକେଟ୍ ଖେଳାଳି ପ୍ରଶାନ୍ତ ମହାପାତ୍ର (ଫଟୋ: ଟ୍ୱିଟର୍‌)
  • News18 Odia
  • Last Updated: August 3, 2021, 3:11 AM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: କରୋନା ସଂକ୍ରମଣର ଦ୍ୱିତୀୟ ଲହରୀରେ ଓଡ଼ିଶାର ସ୍ୱନାମଧନ୍ୟ କ୍ରିକେଟ୍‌ ଖେଳାଳି ପ୍ରଶାନ୍ତ ମହାପାତ୍ର କରୋନା ଭାଇରସର ଶିକାର ହୋଇ ପ୍ରାଣ ହରାଇଥିଲେ । ଏହି ପୂର୍ବତନ ରଣଜୀ ଟୁର୍ଣ୍ଣାମେଣ୍ଟ୍‌ ଖେଳାଳି କରୋନାରେ ଆକ୍ରାନ୍ତ ହୋଇ ଭୁବନେଶ୍ବର ଏମ୍‌ସରେ ଚିକିତ୍ସିତ ହେଉଥିଲେ । ମେ ମାସ ୧୯ ତାରିଖ ସକାଳେ ପ୍ରଶାନ୍ତଙ୍କ ଦେହାନ୍ତ ହୋଇଥିଲା ।

ପ୍ରଶାନ୍ତ ମହାପାତ୍ରଙ୍କୁ (Odisha cricketer Prashant Mohapatra) ୪୭ ବର୍ଷ ବୟସ ହୋଇଥିଲା । ସେ ପ୍ରଖ୍ୟାତ ଶିଳ୍ପୀ ତଥା ରାଜ୍ୟ ସଭା ସଦସ୍ୟ ପଦ୍ମବିଭୂଷଣ ରଘୁନାଥ ମହାପାତ୍ରଙ୍କ ପୁଅ ଥିଲେ । ଗତ ୯ ତାରିଖରେ କରୋନାରେ ଆକ୍ରାନ୍ତ ହୋଇ ଚିକିତ୍ସାଧୀନ ଅବସ୍ଥାରେ ସେହି ଏମ୍ସରେ (AIIMS Bhubaneswar) ରଘୁନାଥ ମହାପାତ୍ରଙ୍କ ଦେହାନ୍ତ ହୋଇଥିଲା । ପ୍ରଶାନ୍ତଙ୍କର ଆଉ ଜଣେ ଭାଇ ଯଶୋବନ୍ତ ମଧ୍ୟ କରୋନାରେ ଆକ୍ରାନ୍ତ ହୋଇ ଏମ୍ସରେ ଚିକିତ୍ସିତ ହେଉଛନ୍ତି ଓ ତାଙ୍କ ଅବସ୍ଥା ମଧ୍ୟ ଗୁରୁତର ରହିଛି ।

ଏହା ବି ପଢ଼ନ୍ତୁ | English ଶିଖନ୍ତୁ []: ଯଦି ଗ୍ୟାଙ୍ଗଷ୍ଟର୍ ହାଇଦର୍ ଧରାପଡ଼ି ଥାନ୍ତା,… If gangster Hyder…

ଭୁବନେଶ୍ୱରର ଏମ୍ସର ମେଡିକାଲ୍‌ ଅଧୀକ୍ଷକ ସଚ୍ଚିଦାନନ୍ଦ ମହାନ୍ତି କହିଛନ୍ତି ଯେ ସକାଳ ୮ଟା ୫୧ରେ ପ୍ରଶାନ୍ତ ମହାପାତ୍ର ଶେଷ ନିଶ୍ୱାସ ନେଇଥିଲେ । ଏମ୍ସରେ ପ୍ରଶାନ୍ତଙ୍କ ଅବସ୍ଥା ଅତି ସଙ୍କଟାପନ୍ନ ଥିଲା । ଲାଇଫ୍ ସପୋର୍ଟ ସିଷ୍ଟମରେ ତାଙ୍କୁ ରଖାଯାଇଥିଲା । ପ୍ରଶାନ୍ତ ଓଡ଼ିଶା ଏଜି ଅଫିସରେ ଜଣେ ସିନିଅର୍‌ ଅଡ଼ିଟର୍‌ ରୂପେ କାର୍ଯ୍ୟ କରୁଥିଲେ ।

୧୯୯୧-୯୨ର ଦୁଲୀପ ଟ୍ରଫି ମ୍ୟାଚରେ ବ୍ୟାଟିଂ କରୁଛନ୍ତି ପ୍ରଶାନ୍ତ ମହାପାତ୍ର । (ଫଟୋ: ସ୍ପୋର୍ଟ୍ସ ଷ୍ଟାର୍)


ନବେ ଦଶକରେ ମହାନ କ୍ରିକେଟର୍‌ ରାହୁଲ ଡ୍ରାଭିଡ୍‌ ଓ ଅନିଲ୍‌ କୁମ୍ବଲେଙ୍କ ସହ ଭାରତର ଅଣ୍ଡର୍‌-୧୯ ଟିମରେ ଖେଳିଥିଲେ ପ୍ରଶାନ୍ତ ମହାପାତ୍ର (Odisha cricketer Prashant Mohapatra)। ସେହି ସମୟରେ ସେ ଓଡ଼ିଶା ରଣଜୀ ଦଳରେ ଖେଳୁଥିଲେ ଓ ଓଡ଼ିଶା କ୍ରିକେଟ୍ ଦଳର ଅଧିନାୟକ ଥିଲେ । ମୁନ୍ନା ନାଁରେ ପରିଚିତ ପ୍ରଶାନ୍ତ ଓପନିଂରେ ଆକ୍ରାମକ ବ୍ୟାଟିଂ ପାଇଁ ଜଣାଶୁଣା ଥିଲେ । ସଚିନ ତେନ୍ଦୁଲକରଙ୍କ ଗୁରୁ ରମାକାନ୍ତ ଆଚରେକରଙ୍କ ଏକ ମାତ୍ର ଓଡ଼ିଆ ଛାତ୍ର ଥିଲେ ପ୍ରଶାନ୍ତ । ଶିବାଜୀ ପାର୍କରେ ନେଟ୍‌ ପ୍ରାକ୍ଟିସ୍‌ ବେଳେ ପ୍ରଶାନ୍ତଙ୍କ ଖେଳ ଦେଖି ରମାକାନ୍ତ ଆଚରେକର୍‌ ତାଙ୍କୁ ନିଜ କ୍ରିକେଟ୍‌ ଅକାଡେମୀରେ ସାମିଲ୍‌ କରିଥିଲେ ।

ଏହା ବି ପଢ଼ନ୍ତୁ ଦେଖନ୍ତୁ VIDEO | କରୋନା ୱାର୍ଡ଼ରେ ଫିଲ୍ମ ଗୀତ ଶୁଣୁଥିବା ଭାଇରାଲ୍‌ VIDEO ସେହି ଯୁବତୀଙ୍କ ମୃତ୍ୟୁ ହେଲା; ସୋନୁ ସୁଦ୍ ଦୁଃଖିତ

ସୁରେଶ ରାଇନା ଦୁଃଖ ପ୍ରକାଶ କରି ଟ୍ୱିଟ୍‌ କରିଛନ୍ତି ।


ଏହା ବି ପଢ଼ନ୍ତୁ | କର୍ଫ୍ୟୁ ବେଳେ ଗର୍ଲଫ୍ରେଣ୍ଡକୁ ଭେଟିବାକୁ ମୁମ୍ବାଇ ପୋଲିସକୁ ଅନୁରୋଧ କଲା ଯୁବକ; ମିଳିଲା ଏହି ଜବାବ

୧୯୯୦ରେ ପ୍ରଶାନ୍ତ ବିହାର ବିପକ୍ଷରେ ନିଜ ଡେବ୍ୟୁ କରିଥିଲେ ଓ ୪୫ଟି ପ୍ରଥମ ଶ୍ରେଣୀ ମ୍ୟାଚରେ ୨,୧୯୬ ରନ୍ ସ୍କୋର୍‌ କରିଥିଲେ । ସେ ଦୁଲିପ୍ ଟ୍ରଫି ଓ ଦେଓଧର ଟ୍ରଫି ମଧ୍ୟ ଖେଳିଥିଲେ । ଜଣେ ମ୍ୟାଚ୍ ରେଫରି ଭାବରେ ସେ ଗତ କିଛି ବର୍ଷ ମଧ୍ୟରେ ବିଭିନ୍ନ ସ୍ଥାନରେ ବିସିସିଆଇ ଦ୍ୱାରା ଆୟୋଜିତ ମ୍ୟାଚ୍ ତଦାରଖ କରିଥିଲେ । ପ୍ରଶାନ୍ତ ଜଣେ ବିସିସିଆଇ ଅନୁମୋଦିତ ଦ୍ବିତୀୟ ଶ୍ରେଣୀ କୋଚ୍ ବି ଥିଲେ ।

ଏହା ବି ପଢ଼ନ୍ତୁ | ସୋସିଆଲ୍ ମିଡ଼ିଆରେ Oxygen ବେଡ୍ ବିଷୟରେ ଲେଖିଲେ କାର୍ଯ୍ୟାନୁଷ୍ଠାନ ହୋଇପାରିବ ନାହିଁ, କହିଲେ ସୁପ୍ରିମ୍କୋର୍ଟ୍

ପ୍ରଶାନ୍ତ ମହାପାତ୍ରଙ୍କ ମୃତ୍ୟୁ ଖବର ପାଇ ସଚିନ ତେନ୍ଦୁଲକର ଗଭୀର ଦୁଃଖ ପ୍ରକାଶ କରିଥିଲେ (Sachin Tendulkar on Prashant Mohapatra) । ‘‘ସେ ମୋ’ର ଘନିଷ୍ଠ ବନ୍ଧୁ ନ ଥିଲେ, ମାତ୍ର ମୁଁ ତାଙ୍କୁ ଜାଣିଥିଲି । ସେ ହସ ହସ ମୁହଁ ଥିବା ପରିଚିତ ଲୋକମାନଙ୍କ ମଧ୍ୟରୁ ଜଣେ ଥିଲେ । ଆମେ ଯେବେ ବି କଟକ ବା ଭୁବନେଶ୍ୱର ଯାଇଛୁ ସେ ସବୁ ବେଳେ ତାଙ୍କ ଘରେ ବନାଯାଇଥିବା ଖାଦ୍ୟ ଆମ ପାଇଁ ନେଇ ଆସୁଥିଲେ । ଆମେ ପରସ୍ପରର ପରିବାର ବିଷୟରେ ପଚାରି ବୁଝୁଥିଲୁ,’’ ‘ଟାଇମ୍ସ ଅଫ୍‌ ଇଣ୍ଡିଆ’କୁ କହିଥିଲେ ସଚିନ ତେନ୍ଦୁଲକର ।



ପ୍ରଶାନ୍ତ ମହାପାତ୍ରଙ୍କ ବିୟୋଗ ଓଡ଼ିଶାର ଖେଳ ଜଗତରେ ଦୁଃଖର ଛାୟା ଖେଳାଇ ଦେଇଥିଲା ।
Published by: Anand ST Das
First published: May 19, 2021, 7:46 PM IST