ଭାରତର ନାମ ପରିବର୍ତ୍ତନ କରନ୍ତୁ; ପ୍ରଧାନମନ୍ତ୍ରୀଙ୍କୁ ନିବେଦନ କଲେ ମହମ୍ମଦ ଶାମିଙ୍କ ପତ୍ନୀ

News 18 Odia Digital

ନୂଆଦିଲ୍ଲୀ; ଟିମ୍ ଇଣ୍ଡିଆର ବୋଲର ମହମ୍ମଦ ଶାମିଙ୍କ ପତ୍ନୀ ହସିନ ଜାହାନ ସବୁବେଳେ ଚର୍ଚ୍ଚାରେ ରୁହନ୍ତି । ନିକଟରେ ସେ ତାଙ୍କ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି, ଯାହା ମାଧ୍ୟମରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ଏକ ବିଶେଷ ଆବେଦନ କରିଛନ୍ତି । ସେ ପୋଷ୍ଟରେ ଲେଖିଛନ୍ତି ଯେ ଆମ ଦେଶ, ଆମର ସମ୍ମାନ । ମୁଁ ଭାରତକୁ ଭଲ ପାଏ । ଆମ ଦେଶର ନାମ କେବଳ ହିନ୍ଦୁସ୍ତାନ କିମ୍ବା ଭାରତ ହେବା ଉଚିତ୍ ।

ସେ ମାନ୍ୟବର ପ୍ରଧାନମନ୍ତ୍ରୀ, ମାନ୍ୟବର ଗୃହମନ୍ତ୍ରୀଙ୍କୁ ଭାରତର ନାମ ପରିବର୍ତ୍ତନ କରିବାକୁ ଅନୁରୋଧ କରି କହିଥିଲେ ଯେ ପୁରା ବିଶ୍ଵ ଆମ ଦେଶକୁ ଭାରତ କିମ୍ବା ହିନ୍ଦୁସ୍ଥାନ ନାମରେ ଜାଣୁ । ହସିନ ଜାହାନ ଏବଂ ମହମ୍ମଦ ଶାମି ଦୀର୍ଘ ସମୟ ଧରି ଅଲଗା ରହୁଛନ୍ତି । ୨୦୧୮ ମସିହାରେ ଉଭୟଙ୍କ ମଧ୍ୟରେ ବିବାଦ ଦେଖାଦେଇଥିଲା, ଯେଉଁଥିରେ ହସିନ ଜାହାନ ଶାମିଙ୍କ ଉପରେ ଘରୋଇ ହିଂସା ଭଳି ଗୁରୁତର ଅଭିଯୋଗ ଆଣିଥିଲେ ।