ମଦନ ଲାଲଙ୍କ ବୟାନ; କହିଲେ ପ୍ରତ୍ୟେକ ମ୍ୟାଚ୍ ବିରାଟ କୋହଲି ଜିତେଇ ପାରିବେ ନାହିଁ

News 18 Odia Digital

ନୂଆଦିଲ୍ଲୀ: ବିରାଟ କୋହଲିଙ୍କ ସ୍ମରଣୀୟ ଇନିଂସ ଆଧାରରେ ଭାରତ ପାକିସ୍ତାନକୁ ପରାସ୍ତ କରି ଟି -୨୦ ବିଶ୍ୱକପରେ ଚମତ୍କାର ଅଭିଯାନ ଆରମ୍ଭ କରିଥିଲା, କିନ୍ତୁ ୧୯୮୩ ବିଶ୍ୱକପ ଭାରତୀୟ ହିରୋ ମଦନ ଲାଲ କହିଛନ୍ତି ଯେ ବିଶ୍ୱ ଚାମ୍ପିୟନ ହେବାକୁ ଦଳ ଗୋଟିଏ ଟିମ୍ ମେମ୍ବର ଉପରେ ନିର୍ଭର କରିବା ଉଚିତ ନୁହେଁ। ବିରାଟ କୋହଲିଙ୍କ ରବିବାର ଦିନର ୫୩ଟି ବଲରେ ୮୨ ଇନିଂସ ଟି ୨୦ ଫର୍ମାଟର ସର୍ବୋତ୍ତମ ଇନିଂସ ବୋଲି ବିବେଚନା କରାଯାଇଛି। ଭାରତର ପୂର୍ବତନ ଖେଳାଳି ମଦନ ଲାଲ କହିଛନ୍ତି ଯେ ଭାରତର ଓପନରମାନଙ୍କୁ ଏକ ଭଲ ଇନିଂସ୍ ଖେଳିବା ବହୁତ୍ ଆବଶ୍ୟକ।

ଲାଲ କହିଛନ୍ତି ଯେ, "ବିରାଟ କୋହଲିଙ୍କ ଇନିଂସ ଆଶ୍ଚର୍ଯ୍ୟଜନକ ଥିଲା। ମୁଁ ଏଭଳି ଇନିଂସ କେବେ ଦେଖି ନାହିଁ କିନ୍ତୁ ସେ ଆପଣଙ୍କୁ ପ୍ରତ୍ୟେକ ମ୍ୟାଚ୍ ଜିତେଇ ପାରିବେ ନାହିଁ। ଏହା ଏକ ବହୁତ ବଡ ଟୁର୍ନାମେଣ୍ଟ। ଏହାକୁ ଜଣେ ବ୍ୟକ୍ତି ଜିତେଇ ପାରିବ ନାହିଁ।" ସେ କହିଛନ୍ତି, “ଅଷ୍ଟ୍ରେଲିଆ ପିଚରେ କୋହଲି ବହୁତ ଥର ଭଲ ଇନିଂସ୍ ଖେଳିଛନ୍ତି।

ସେ ଆହୁରି ମଧ୍ୟ କହିଛନ୍ତି ଯେ, “ରୋହିତ ଶର୍ମା ଏବଂ କେଏଲ୍ ରାହୁଲଙ୍କୁ ସେମାନଙ୍କ ଖେଳର ସ୍ତର ବଢାଇବାକୁ ପଡିବ। ସମସ୍ତଙ୍କୁ ନିଶ୍ଚିତ କରିବାକୁ ପଡିବ ଯେ ସେମାନେ ସର୍ବଦା ସେମାନଙ୍କର ସର୍ବୋତ୍ତମ ପ୍ରଦର୍ଶନ ଏବଂ ପ୍ରୟାସ କରୁଛନ୍ତି। ସେ କହିଛନ୍ତି ଯେ ପ୍ରତ୍ୟେକ ମ୍ୟାଚରେ ଭିନ୍ନ ଭିନ୍ନ ହିରୋ ରହବା ଉଚିତ୍। ପୂର୍ବତନ ଅଲରାଉଣ୍ଡର କହିଛନ୍ତି ଯେ ପାକିସ୍ତାନ ବିପକ୍ଷରେ ଭାରତ ଯାହା ହାସଲ କରିଛି ତାହା ପ୍ରଶଂସାର ଯୋଗ୍ୟ କିନ୍ତୁ ଏତେ ବଡ ଟୁର୍ନାମେଣ୍ଟରେ (ଟି -୨୦ ବିଶ୍ୱକପ ୨୦୨୨) ଅଲଗା ଖେଳାଳିମାନଙ୍କଠୁ ଆହୁରି ଭଲ ଖେଳ ଆଶା କରାଯାଉଥିଲା। ସେ କହିଛନ୍ତି, “ନେଦରଲ୍ୟାଣ୍ଡ ଭଳି ଦଳ ମଧ୍ୟ ଦୁର୍ବଳ ଦଳ ନୁହଁ,ଯେ କୌଣସି ଦଳ ଟି -୨୦ରେ ଯେକୌଣସି ଦଳକୁ ପରାସ୍ତ କରିପାରିବ।