ହୋମ୍ » ଓଡ଼ିଶା ନ୍ୟୁଜ୍ » ସ୍ପୋର୍ଟ୍ସ»ପ୍ରତି ଅଲିମ୍ପିକ୍ ସ୍ୱର୍ଣ୍ଣ ପଦକର ଦାମ୍ କେତେ? ତାକୁ ବଜାରରେ ବିକିଲେ କେତେ ଟଙ୍କା ମିଳିବ ଜାଣନ୍ତୁ

ପ୍ରତି ଅଲିମ୍ପିକ୍ ସ୍ୱର୍ଣ୍ଣ ପଦକର ଦାମ୍ କେତେ? ତାକୁ ବଜାରରେ ବିକିଲେ କେତେ ଟଙ୍କା ମିଳିବ ଜାଣନ୍ତୁ

Know the price of Gold medal in Tokyo Olympics | ଟୋକିଓ ଅଲିମ୍ପିକ୍ସରେ ଦିଆଯାଉଥିବା ପଦକଗୁଡ଼ିକ ଅତି ସ୍ୱତନ୍ତ୍ର । ପ୍ରଥମ ଥର ପାଇଁ ଏଗୁଡି଼କୁ ପୁରୁଣା ଇଲେକ୍ଟ୍ରୋନିକ୍ ଗ୍ୟାଜେଟଗୁଡି଼କର ରିସାଇକ୍ଲିଂ କରି ପ୍ରସ୍ତୁତ କରାଯାଇଛି । ଜାପାନର ଲୋକେ ପ୍ରାୟ ୬୨ ଲକ୍ଷ ପୁରୁଣା ମୋବାଇଲ୍ ଫୋନ୍ ଦେଇଛନ୍ତି ।

ପ୍ରତି ଅଲିମ୍ପିକ୍ ସ୍ୱର୍ଣ୍ଣ ପଦକର ଦାମ୍ କେତେ? ତାକୁ ବଜାରରେ ବିକିଲେ କେତେ ଟଙ୍କା ମିଳିବ ଜାଣନ୍ତୁ
ଅଲିମ୍ପିକ୍ ପଦକରେ କେତେ ସୁନା ଥାଏ ଜାଣନ୍ତୁ ।
  • News18 Odia
  • Last Updated: August 6, 2021, 10:31 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଟୋକିଓ ଅଲିମ୍ପିକ୍ସ ୨୦୨୧ର (Tokyo Olympics 2021) ଆୟୋଜନ ଅନେକ ବିବାଦରେ ଥିଲେ ବି ଖେଳାଳିମାନଙ୍କୁ କରୋନାର (Olympics in Corona) ନିର୍ଦ୍ଦେଶାବଳୀ ମଧ୍ୟରେ ରହିବାକୁ କଠୋର ନିର୍ଦ୍ଦେଶ ଦିଆଯାଇଛି । ଏହା ସତ୍ତ୍ୱେ ଯଦି କିଛି ଭୁଲ୍ ହୁଏ, ତାହେଲେ ତାହା କରୋନାର ସମ୍ବାବ୍ୟ ତୃତୀୟ ତରଙ୍ଗକୁ ଭୟାନକ କରିବ । ସବୁ ଦେଶର ଖେଳାଳିମାନେ ବର୍ଷ ବର୍ଷ ଧରି ଅଲିମ୍ପିକ୍ସ ପାଇଁ ପ୍ରସ୍ତୁତ ହୋଇଥାନ୍ତି । ଏଥି ପାଇଁ ଯୋଗ୍ୟତା ପାଇବା ତ ଏକ ବଡ଼ କଥା । ଅଲିମ୍ପିକ୍ସରେ କେହି ଯଦି ପଦକ ଜିତନ୍ତି, ତେବେ ତାଙ୍କ ନାମ ଇତିହାସରେ ରେକର୍ଡ଼ ହୋଇ ରହେ । କିନ୍ତୁ ଆପଣ କେବେ ଭାବିଛନ୍ତି କି ଅଲିମ୍ପିକ୍ସରେ ଜିତିଥିବା ସ୍ୱର୍ଣ୍ଣ ପଦକର (Gold Medal) ଦାମ୍‌ କେତେ?

ଟୋକିଓ ଅଲିମ୍ପିକ୍ସରେ ଦିଆଯାଉଥିବା ପଦକଗୁଡ଼ିକ ଅତି ସ୍ୱତନ୍ତ୍ର । ପ୍ରଥମ ଥର ପାଇଁ ଏହି ପଦକଗୁଡି଼କୁ ପୁରୁଣା ଇଲେକ୍ଟ୍ରୋନିକ୍ ଗ୍ୟାଜେଟଗୁଡି଼କର ପୁନଃବ୍ୟବହାର (recycling) କରି ପ୍ରସ୍ତୁତ କରାଯାଇଛି । ଅର୍ଥାତ୍ ଏହି ପଦକଗୁଡି଼କ ଲୋକଙ୍କ ଦ୍ୱାରା ଦାନ କରାଯାଇଥିବା ପୁରୁଣା ଜିନିଷଗୁଡିକର ରିସାଇକ୍ଲିଂ କରି ପ୍ରସ୍ତୁତ କରାଯାଇଛି । ଜାପାନର ଲୋକେ ଏଥି ପାଇଁ ପ୍ରାୟ ୬୨ ଲକ୍ଷ ପୁରୁଣା ମୋବାଇଲ୍ ଫୋନ୍ ଦେଇଥିଲେ । ସ୍ୱର୍ଣ୍ଣ ପଦକ ତିଆରି କରିବା ପାଇଁ ପ୍ରାୟ ୩୨ କିଲୋଗ୍ରାମ୍‌ ସୁନା ଜମା କରାଯାଇଥିଲା । ଅଲିମ୍ପିକ୍ସରେ ତିନି ପ୍ରକାରର ପଦକ ବଣ୍ଟନ କରାଯାଏ – ସୁନା, ରୂପା ଓ ବ୍ରୋଞ୍ଜ୍‌ । ଲୋକେ ଜାଣିବାକୁ ଆଗ୍ରହୀ ଯେ ସ୍ୱର୍ଣ୍ଣ ପଦକ ଦାମ୍‌ କେତେ?

ଏହା ବି ପଢ଼ନ୍ତୁ | ସୌମ୍ୟଙ୍କ ମୃତ୍ୟୁ: ମିଳିଲା ଆଉ ଏକ ଚିଠି; ବିଦ୍ୟା ଲେଖିଛନ୍ତିହେ ଭଗବାନକିଛି ବି କରିକି ଡିଭର୍ସ କରେଇ ଦିଅ

ଅଲିମ୍ପିକ୍ସରେ ସର୍ବୋତ୍ତମ ପ୍ରଦର୍ଶନ କରି ଜଣେ ଆଥଲେଟ୍ ଯେଉଁ ସ୍ୱର୍ଣ୍ଣ ପଦକ ପାଆନ୍ତି ସେଥିରେ ୫୫୬ ଗ୍ରାମ୍‌ ସୁନା ଥାଏ । ରୂପା ପଦକର ଓଜନ ୫୫୦ ଗ୍ରାମ୍‌ ହୋଇଥାଏ ଓ ବ୍ରୋଞ୍ଜ୍‌ ପଦକର ଓଜନ ୪୫୦ ଗ୍ରାମ୍‌ ହୋଇଥାଏ । ଏହା ଜାଣି ସମସ୍ତେ ଭାବୁଥିବେ ଯେ ଖେଳାଳି ପାଇଥିବା ସ୍ୱର୍ଣ୍ଣ ପଦକ ପ୍ରାୟ ୨୬ ଲକ୍ଷ ୨୯ ହଜାର ୮୮୦ ଟଙ୍କା ହେବ । କିନ୍ତୁ ଏହା ଆଦୌ ସେପରି ନୁହେଁ । ଯଦି ଜଣେ ବିଜୟୀ ଖେଳାଳି କେବେ ତାଙ୍କର ସ୍ୱର୍ଣ୍ଣ ପଦକ ବିକ୍ରୟ କରିବାକୁ ଯାଆନ୍ତି, ତେବେ ତାଙ୍କୁ ମାତ୍ର ୬୫ ହଜାର ୭୯୦ ଟଙ୍କା ମିଳିବ । ବର୍ତ୍ତମାନ ଆପଣ ନିଶ୍ଚିତ ଭାବରେ ଭାବୁଥିବେ ଏମିତି କାହିଁକି? ଯଦି ସ୍ୱର୍ଣ୍ଣ ପଦକର ଓଜନ ୫୫୬ ଗ୍ରାମ୍‌, ତେବେ ଏହାର ଦାମ୍‌ ଏତେ କମ୍ କାହିଁକି?

ଏହା ବି ପଢ଼ନ୍ତୁ ଦେଖନ୍ତୁ ଫଟୋ | ଇଏ ଜଣେ ମା’; ନାମ ଭାଗ୍ୟଲକ୍ଷ୍ମୀ; ନିଜ ଦୁଇ କୁନି ପୁଅଝିଅଙ୍କୁ କୂଅରେ ପକେଇ ମାରିଦେଲେ

ସ୍ୱର୍ଣ୍ଣ ପଦକର ଓଜନ ସିନା ୫୫୬ ଗ୍ରାମ୍‌, କିନ୍ତୁ ଏଥିରେ ମାତ୍ର ଛଅ୍‌ ଗ୍ରାମ୍‌ ସୁନା ଥାଏ । ତା’ ସହିତ ସ୍ୱର୍ଣ୍ଣ ପଦକରେ ୫୫୦ ଗ୍ରାମ୍‌ ରୂପା ଥାଏ । ସେହି ଅନୁସାରେ ସୁନାର ଦାମ୍‌ ହେଉଛି ୨୮,୫୦୦ ଟଙ୍କା । ଏଥିରେ ଥିବା ରୂପାର ଓଜନ ୫୫୦ ଗ୍ରାମ୍‌ ହୋଇଥିବାରୁ ତା’ର ଦାମ୍‌ ୩୭,୨୯୦ ଟଙ୍କା ହେଉଛି । ସେହି ଅନୁଯାୟୀ, ସ୍ୱର୍ଣ୍ଣ ପଦକର ମୋ’ଟ ଦାମ୍‌ ୬୫,୭୯୦ ହେଉଛି । ଅଲିମ୍ପିକ୍ସ ସ୍ୱର୍ଣ୍ଣ ପଦକରେ ମାତ୍ର ୬ ଗ୍ରାମ୍‌ ସୁନାର ପ୍ଲେଟିଂ (gold plating) ହୋଇଥାଏ ଓ ସେଥିରେ ବାକି ସବୁ କିଛି ରୂପା ହୋଇଥାଏ ।



ଟୋକିଓ ଅଲିମ୍ପିକ୍ସରେ ଏହି ପଦକଗୁଡିକୁ ଏକ ସ୍ୱତନ୍ତ୍ର ବାକ୍ସରେ ରଖି ବିଜୟୀ ଖେଳାଳିମାନଙ୍କୁ ଦିଆଯାଉଛି । ଏହି ବାକ୍ସଗୁଡ଼ିକୁ କାଠରେ ନିର୍ମିତ ସ୍ୱତନ୍ତ୍ର ଖୋଳ ଭିତରେ ରଖାଯାଇଛି । ବାକ୍ସଟି ଉଭୟ ପାରମ୍ପରିକ ଓ ଆଧୁନିକ ଡିଜାଇନ୍ ସହିତ ତିଆରି ହୋଇଛି । ଏହା ଜାପାନୀ ଡିଜାଇନର୍ମାନଙ୍କ ଦ୍ୱାରା ପ୍ରସ୍ତୁତ ହୋଇଛି । ପ୍ରତ୍ୟେକ ବାକ୍ସର ଭିନ୍ନ ଭିନ୍ନ ପ୍ୟାଟର୍ଣ୍ଣ ଅଛି ଓ ସେଗୁଡ଼ିକ କାଠରେ ତିଆରି ହୋଇଛି ।
Published by: Anand ST Das
First published: July 22, 2021, 10:24 PM IST