IPL 2023: CSK vs RCB: ପୁଣି ଏକ ଥ୍ରିଲର ବ୍ୟାଟଲ୍‌, ବାଙ୍ଗାଲୋର ହାତରୁ ନିଶ୍ଚିତ ବିଜୟ ଛଡ଼ାଇ ଆଣିଲା ଚେନ୍ନାଇ

News 18 Odia Digital

Royal Challengers Bangalore vs Chennai Super Kings: ଚେନ୍ନାଇ ସୁପର କିଙ୍ଗ୍ସ ଚଳିତ ସିଜିନରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ୮ ରନରେ ପରାସ୍ତ କରି ତୃତୀୟ ବିଜୟ ହାସଲ କରିଛି । ଚେନ୍ନାଇ ପାଇଁ ତୁଷାର ଦେଶପାଣ୍ଡେ ସର୍ବାଧିକ ୩ ୱିକେଟ୍ ନେଇଥିଲେ।

ଆଇପିଏଲର ୧୬ ତମ ସିଜନର ୨୪ ତମ ମ୍ୟାଚରେ ପୁଣି ଥରେ ପ୍ରଶଂସକ ବହୁତ ଉତ୍ସାହିତ ଥିବା ଦେଖିବାକୁ ମିଳିଛି । ଏହି ମ୍ୟାଚ୍‌ରେ ଚେନ୍ନାଇ ସୁପର କିଙ୍ଗ୍ସ ଦଳର ବୋଲରମାନେ ଚମତ୍କାର ପ୍ରଦର୍ଶନ କରିଥିଲେ ଓ ଆରସିବି ଦଳକୁ ୨୨୭ ରନ୍‌ର ଟାର୍ଗେଟକୁ ପିଛା କରିବାକୁ ଦେଇ ନଥିଲେ। ଏହି ମ୍ୟାଚ୍‌ରେ ଆରସିବି ଦଳ କିଛି ସମୟ ପାଇଁ ମଜବୁତ ସ୍ଥିତିରେ ଦେଖା ଯାଇଥିଲେ, କିନ୍ତୁ ଗ୍ଲେନ୍ ମ୍ୟାକ୍ସୱେଲଙ୍କ ୭୨ ଓ ଫାଫ୍ ଡୁ ପ୍ଲେସିସଙ୍କ ୬୨ ରନର ପାରି ଖେଳି ପାଭିଲିୟନକୁ ଫେରିବା ପରେ ଚେନ୍ନାଇ ଦଳ ପ୍ରତ୍ୟାବର୍ତ୍ତନ କରି ୮ ରନରେ ପରାସ୍ତ କରିଥିଲା। ଏହି ଋତୁରେ ଚେନ୍ନାଇର ଏହା ହେଉଛି ତୃତୀୟ ବିଜୟ ।