CWG 2022: ପୁରୁଷ ହକିରେ କାନାଡା ବିପକ୍ଷରେ ଭାରତର ଚମତ୍କାର ବିଜୟ

News 18 Odia Digital

CWG 2022: କମନୱେଲଥ ଗେମ୍ସ ୨୦୨୨ ଷଷ୍ଠ ଦିନରେ ପୁରୁଷ ହକିରେ ଭାରତ ଚମତ୍କାର ପ୍ରଦର୍ଶନ କରି କାନାଡା ବିପକ୍ଷରେ ବିଜୟ ଲାଭ କରିଛି। ଟିମ୍ ଇଣ୍ଡିଆ ଏହି ମ୍ୟାଚ ୮-୦ରେ ଜିତି ନେଇଛି। ଭାରତ ପାଇଁ ହରମାନପ୍ରୀତ  ଓ ଆକାଶଦୀପ ଦୁଇଟି ଗୋଲ ସ୍କୋର କରିଥିଲେ। ଅମିତ, ଲଲିତ ଉପାଧ୍ୟାୟ, ଗୁରୁଜନ୍ତ ଓ ମନଦୀପ ଗୋଟିଏ ଲେଖାଏଁ ଗୋଲ ସ୍କୋର କରିଥିଲେ।

ଏହି ବିଜୟ ସହ ଭାରତ ପୁଲ-ବିରେ ଏବେ ଶୀର୍ଷ ସ୍ଥାନରେ ପହଞ୍ଚିଛି । ତେବେ ଆସନ୍ତା ୪ ତାରିଖରେ ଓ୍ବେଲ୍ସ ବିପକ୍ଷରେ ଖେଳାଯିବାକୁ ଥିବା ମ୍ୟାଚ ପରେ ଭାରତର ସେମିଫାଇନାଲ ଯିବା ସଂପର୍କରେ ସ୍ଥିତି ସ୍ପଷ୍ଟ ହେବ ।

ମନପ୍ରୀତ ସିଂଙ୍କ ଅଧିନାୟକତ୍ୱରେ ଭାରତୀୟ ଦଳ ପ୍ରଥମ କ୍ୱାର୍ଟରରୁ ଚାପ ବଜାୟ ରଖି କାନାଡା ବିପକ୍ଷରେ ମ୍ୟାଚ୍ ଖେଳିବାକୁ ବାହାରିଥିଲା। ଭାରତ କ୍ରମାଗତ ଭାବେ ଭଲ ପ୍ରଦର୍ଶନ ଜାରି ରଖିଛି।

ଭାରତୀୟ ହକି ଦଳ ନିଜର ପୂର୍ବ ମ୍ୟାଚରେ ୩-୦ରେ ଆଗୁଆ ଥାଇ ବି ଇଂଲଣ୍ଡ ସହ ୪-୪ରେ ମ୍ୟାଚ ଡ୍ର ରଖି ପଏଣ୍ଟ ଭାଗ କରିଥିଲା।