ନ୍ୟୁଜିଲାଣ୍ଡ ବିପକ୍ଷ ଦିନିକିଆ ସିରିଜ କବଜା କଲା ଭାରତ

 ରାୟପୁର ଷ୍ଟା଼ଡିୟମରେ ଅନୁଷ୍ଠିତ ହୋଇଥିବା ୨ୟ ଦିନିକିଆ ମ୍ୟାଚରେ ଟିମ ଇଣ୍ଡିଆ ନ୍ୟୁଜିଲାଣ୍ଡକୁ ୮ଟି ଓ୍ବିକେଟରେ ପରାସ୍ତ କରିଛି ।

ନ୍ୟୁଜିଲାଣ୍ଡ ବିପକ୍ଷ ଦିନିକିଆ ସିରିଜ କବଜା କଲା ଭାରତ

ନ୍ୟୁଜିଲାଣ୍ଡ ବିପକ୍ଷ ଦିନିକିଆ ସିରିଜ କବଜା କଲା ଭାରତ

  • News18 Odia
  • Last Updated :
  • New Delhi, India
  • Share this:
News 18 Odia Digital

ନୂଆଦିଲ୍ଲୀ; ରାୟପୁର ଷ୍ଟା଼ଡିୟମରେ ଅନୁଷ୍ଠିତ ହୋଇଥିବା ୨ୟ ଦିନିକିଆ ମ୍ୟାଚରେ ଟିମ ଇଣ୍ଡିଆ ନ୍ୟୁଜିଲାଣ୍ଡକୁ (india vs new zealand) ୮ଟି ଓ୍ବିକେଟରେ ପରାସ୍ତ କରିଛି । ତେବେ ଏହି ମ୍ୟାଚରେ ଜିତିବା ପରେ ଟିମ ଇଣ୍ଡିଆ (team india) ୩ଟିକିଆ ସିରିଜରେ ଆହୁରୀ ଗୋଟେ ପାଦ ଆଗକୁ ବଢି ୨-୦ରେ ରହିଛି । ଼

ମ୍ୟାଚରେ ପ୍ରଥମେ ନ୍ୟୁଜିଲାଣ୍ଡ ବ୍ୟାଟିଂ କରି ୧୦୮ ରନ୍ ସଂଗ୍ରହ କରିଥିଲା । ଟିମ ଇଣ୍ଡିଆ ଆଗରେ ୧୦୯ ରନର ଟାର୍ଗେଟ ରହିଥିଲା । ମାତ୍ର ୨୦ ଓଭରରେ ଭାରତୀୟ ଟିମ ନ୍ୟୁଜିଲାଣ୍ଡକୁ ଚକମା ଦେଖାଇ ବିଜୟ ହାସଲ କରିଛନ୍ତି । ରୋହିତ ଶର୍ମା ସର୍ବାଧିକ ୫୧ ରନ ସଂଗ୍ରହ କରିଥିଲେ । ଶୁଭମନ ଗିଲ ଅପରାଜିତ ରହିବା ସହ ୪୦ରନ କରିଥିଲେ । ଇଶାନ ମଧ୍ୟ ଅପରାଜିତ ରହି ୮ରନ ହାସଲ କରିଥିଲେ । ବିରାଟ କୋହଲି ୧୧ରନ କରିଥିଲେ ।

ଭାରତୀୟ ଟିମର ପ୍ରଦର୍ଶନ ଆଜି ଖୁବ ଚମତ୍କାର ଥିଲା । ଖେଳ ଆରମ୍ଭରୁ ଟିମ୍ ଇଣ୍ଡିଆର ( Team India ) ବୋଲରମାନେ କମାଲ କରିଥିଲେ । ନ୍ୟୁଜିଲାଣ୍ଡ ଦଳ ୫ ୱିକେଟ ହରାଇଥିଲା ମାତ୍ର ୧୫ ରନ ମଧ୍ୟରେ । ସାଣ୍ଟନର ୨୭ ରନ କରିଥିବାବେଳେ ବେସୱେଲ ୨୨ରନ ଓ ଫିଲିପ୍ସ ୩୬ ରନ ସଂଗ୍ରହ କରି ଆଉଟ ହୋଇଥିଲେ ।

ଟିମ ଇଣ୍ଡିଆର ବୋଲରଙ୍କ ମଧ୍ୟରୁ ମହମ୍ମଦ ସମି ସର୍ବାଧିକ ୩ଟି ୱିକେଟ ନେବାରେ ସକ୍ଷମ ହୋଇଥିଲେ । ୱାସିଂଟନ ସୁନ୍ଦର ଏବଂ ହାର୍ଦ୍ଦିକ ପାଣ୍ଡା ଦୁଇ ଦୁଇଟି ୱିକେଟ ନେଇଥିଲେ । କୁଳଦୀପ ଯାଦବ, ମହମ୍ମଦ ସିରାଜ, ଶାର୍ଦୁଲ ଠାକୁର ମଧ୍ୟ ଜବରଦସ୍ତ ବୋଲିଂ କରିବା ସହ ୱିକେଟ ନେବାରେ ସଫଳ ହୋଇଥିଲେ ।

ଅଧିକ ପଢ଼ନ୍ତୁ - http://ଶୁଭମନ ଗିଲଙ୍କ ନୂଆ ଖୁଲାସା; ଟିମ୍ ଇଣ୍ଡିଆର ଖେଳାଳି ରୁମରେ ନିର୍ଯ୍ୟାତନା ଦେଉଥିଲେ
Published by:Soubhagya Mishra
First published: