CWG 2022: ଭାରତୀୟ ମହିଳା କ୍ରିକେଟ ଟିମର ଐତିହାସିକ ବିଜୟ; କମନୱେଲଥ ଗେମ୍ସରେ ପ୍ରଥମ ମେଡାଲ ପକ୍କା

CWG 2022: ଭାରତୀୟ ମହିଳା କ୍ରିକେଟ୍ ଦଳ ଇଂଲଣ୍ଡ ମହିଳା କ୍ରିକେଟ୍ ଦଳକୁ ପରାସ୍ତ କରି ଫାଇନାଲରେ ପ୍ରବେଶ କରିଛି। ମହିଳା କ୍ରିକେଟ୍ ଦଳ କମନୱେଲଥ ଗେମ୍ସ ଇତିହାସରେ ପ୍ରଥମ ପଦକ ପକ୍କା କରିଛି।

ଭାରତୀୟ ମହିଳା କ୍ରିକେଟ ଟିମର ଐତିହାସିକ ବିଜୟ

ଭାରତୀୟ ମହିଳା କ୍ରିକେଟ ଟିମର ଐତିହାସିକ ବିଜୟ

  • Share this:
News18 Odia Digital

CWG 2022: ବ୍ରିଟେନର ବର୍ମିଂହାମ ଠାରେ ଚାଲିଥିବା କମନୱେଲଥ ଗେମ୍ସ ୨୦୨୨ରେ ଭାରତ ଓ ଇଂଲଣ୍ଡର ମହିଳା କ୍ରିକେଟ୍ ଦଳ ଫାଇନାଲରେ ପ୍ରବେଶ କରିଛି। ଭାରତୀୟ ମହିଳା କ୍ରିକେଟ୍ ଦଳ କମନୱେଲଥ ଗେମ୍ସ ଇତିହାସରେ ପ୍ରଥମ ପଦକ ହାସଲ କରିବାକୁ ଯାଉଛି। ଇଂଲଣ୍ଡ ଟିମକୁ ହରାଇ ଫାଇନାଲରେ ସ୍ଥାନ ପକ୍କା କରିଛି। ସେମିଫାଇନାଲ ମ୍ୟାଚରେ ଭାରତ ଇଂଲଣ୍ଡକୁ ୪ ରନରେ ପରାସ୍ତ କରିଛି।

ରୋମାଞ୍ଚକର ମ୍ୟାଚ୍ ଜିତିଲା

ସେମିଫାଇନାଲ ମ୍ୟାଚରେ ଟିମ୍ ଇଣ୍ଡିଆ ଟସ୍ ଜିତି ପ୍ରଥମେ ବ୍ୟାଟିଂ କରି ୨୦ ଓଭରରେ ୧୬୪ ରନ୍ ସଂଗ୍ରହ କରି ୫ ୱିକେଟ୍ ହରାଇଥିଲା। ଟିମ୍ ଇଣ୍ଡିଆ ପାଇଁ ତି ମନ୍ଦାନା ୩୨ ବଲରେ ୬୧ ରନ୍ ଓ ଜେମାଇମା ରୋଡ୍ରିଗେଜ୍ ୩୧ ବଲରେ ୪୪ ରନ୍ ସ୍କୋର କରିଥିଲେ। ଏହାର ଜବାବରେ ଇଂଲଣ୍ଡ ଦଳ ୨୦ ଓଭରରେ ମାତ୍ର ୧୬୦ ରନ୍ ସ୍କୋର କରି ୬ ୱିକେଟ୍ ହରାଇଥିଲା। ସ୍ନେହ ରାଣା ଭାରତ ପାଇଁ ୨ ୱିକେଟ୍ ନେଇଥିଲେ।

CWG 2022ରେ ଟିମ୍ ଇଣ୍ଡିଆ

କମନୱେଲଥ ଗେମ୍ସ ୨୦୨୨ରେ ଭାରତୀୟ ଦଳ ଜୁଲାଇ ୨୯ରେ ଅଭିଯାନ ଆରମ୍ଭ କରିଥିଲା।| ଟିମ୍ ଇଣ୍ଡିଆର ପ୍ରଥମ ମ୍ୟାଚ୍ ଜୁଲାଇ ୨୯ରେ ଅଷ୍ଟ୍ରେଲିଆ ବିପକ୍ଷରେ ହୋଇଥିଲା ଯେଉଁଥିରେ ଦଳକୁ ୩ ୱିକେଟ୍ ହରାଇ ପରାଜୟର ସମ୍ମୁଖୀନ ହେବାକୁ ପଡ଼ିଥିଲା। ଦ୍ୱିତୀୟ ମ୍ୟାଚ୍‌ରେ ଭାରତ ପାକିସ୍ତାନକୁ ପରାସ୍ତ କରିଛି। ବାରବାଡୋସ ବିପକ୍ଷରେ ଭାରତ ତୃତୀୟ ମ୍ୟାଚ୍ ଜିତି ସେମିଫାଇନାଲରେ ଇଂଲଣ୍ଡକୁ ପରାସ୍ତ କରିଛି।
Published by:Lipina Das
First published: