ଟି-୨୦ ୱାର୍ଲ୍ଡ କପ୍; ପାକିସ୍ତାନକୁ ୪ ୱିକେଟ୍‌ରେ ହରାଇଲା ଭାରତ

News 18 Odia Digital

ନୂଆଦିଲ୍ଲୀ: ମେଲବୋର୍ଣ୍ଣ କ୍ରିକେଟ୍ ଗ୍ରାଉଣ୍ଡ (ଏମସିଜି) ଭାରତ ଓ ପାକିସ୍ତାନର କ୍ରିକେଟ୍ ଦଳ ମଧ୍ୟରେ 'ମହା ଯୁଦ୍ଧ' ରେ ପାକିସ୍ତାନକୁ ହରାଇଲା ଭାରତ। ମ୍ୟାଚ୍‌ରେ ପାକିସ୍ତାନ ଟସ୍ ହାରି ପ୍ରଥମେ ବ୍ୟାଟିଂ କରି ୧୫୯ ରନ୍ କରିଥିଲା। ଏହାପରେ ଭାରତ ନିର୍ଦ୍ଧାରିତ ୨୦ ଓଭର ଖେଳି ୬ ୱିକେଟ୍ ହରାଇ ୧୬୦ ରନ୍ କରିଛି।

ଆଜି ଦର୍ଶକମାନେ ବିରାଟ କୋହଲିଙ୍କ କମାଲ ଦେଖିଥିଲେ। ସେ ୮୨ ରନ କରି ଟିମ୍ ଇଣ୍ଡିଆ ପାଇଁ ବିଜୟ ହାସଲ କରିଛନ୍ତି। ଶେଷ ବଲରେ ଭାରତ ୨ ରନର ଦରକାର କରୁଥିବାବେଳେ ବୋଲର ମହମ୍ମଦ ନଓ୍ବାଜ ଗୋଟିଏ ଓ୍ବାଇଡ୍ ପକାଇବାରୁ ଭାରତ ୧ ବଲରେ ୧ ରନ ପରିସ୍ଥିତିରେ ଥିଲା। ଏହା ପରେ ଅଶ୍ବିନୀ ଶେଷ ବଲରେ ବ୍ୟାଟିଂ କରି ଟିମ୍ ଇଣ୍ଡିଆକୁ ଜିତାଇଥିଲେ।

ଆରପଟେ ପାକିସ୍ତାନ ଆରମ୍ଭରୁ ଖେଳରେ ଖରାପ ପ୍ରଦର୍ଶନ କରିଥିଲା। ଇଫତାର୍ ଅହମ୍ମଦ ଦ୍ରୁତ ଅର୍ଦ୍ଧଶତକ(୫୧) ହାସଲ କରିଥିବା ବେଳେ ଶାନ୍ ଅର୍ଦ୍ଧଶତକ ହାସଲ କରିଥିଲେ । ଏହା ସହିତ ଶେଷ ଆଡ଼କୁ ଶାହୀନ୍ ଶାହା ଆଫ୍ରୀଦିଙ୍କ ୮ ବଲରେ ୧୬ ଦ୍ରୁତ ରନ୍ ବଳରେ ପାକିସ୍ତାନ ଭାରତ ଆଗରେ ରନ୍‌ର ବିଜୟ ଲକ୍ଷ୍ୟ ଧାର୍ଯ୍ୟ କରିଥିଲା ।