ଆଜି ଭାରତ-ଜିମ୍ବାୱେ ଦ୍ୱିତୀୟ ଦିନିକିଆ; ସିରିଜ୍ ଜିତିବା ଲକ୍ଷ୍ୟରେ ଟିମ୍‌ ଇଣ୍ଡିଆ

News 18 Odia Digital

ହରାରେ: ଭାରତ-ଜିମ୍ବାୱେ ମଧ୍ୟରେ ଚାଲିଥିବା ଦିନିକିଆ ସିରିଜର ଦ୍ୱିତୀୟ ଦିନିକିଆ ଆଜି ଖେଳାଯିବ। କେଏଲ ରାହୁଲଙ୍କ ନେତୃତ୍ୱରେ ଟିମ ଇଣ୍ଡିଆ ଦ୍ୱିତୀୟ ମ୍ୟାଚ ଜିତିବାକୁ ପ୍ରୟାସ କରିବ। ପ୍ରଥମ ମ୍ୟାଚକୁ ୧୦ ଓ୍ଵିକେଟରେ ଜିତିନେଇଥିଲା ଟିମ୍‌ ଇଣ୍ଡିଆ। ବୋଲର ଦୀପକ ଚହର ପ୍ରଥମ ଦିନିକିଆରେ ଲଗାତର ୭ ଓଭର ବୋଲିଂ କରିଥିଲେ। ସେହିପରି ପ୍ରସିଦ୍ଧ କୃଷ୍ଣା ଓ ଅକ୍ଷର ପଟେଲ ମଧ୍ୟ ଦମଦାର ପ୍ରଦର୍ଶନ କରିଥିଲେ।

ବାଉନ୍ସ ପିଚ୍ ଓ ପ୍ରବଳ ପବନ ମଧ୍ୟରେ ବ୍ୟାଟ୍ସମ୍ୟାନଙ୍କ ପାଇଁ ଖେଳିବା ସହଜ ହେବ ନାହିଁ। ଜିମ୍ବାୱେରେ ଜିମି ଆଣ୍ଡରସନ ଓ ଜୋଶ ହାଜଲେଉଡଙ୍କ ଭଳି ବୋଲର ଅନୁପସ୍ଥିତିରେ ମଧ୍ୟ ଭାରତୀୟ ଦଳ ଏହି ପରିସ୍ଥିତି ଦେଇ ଗତି କରିବା ଚ୍ୟାଲେଞ୍ଜ ହେବ।

ପ୍ରଥମ ମ୍ୟାଚରେ ଶିଖର ଧୱନ ଓ ଶୁଭମନ ଗିଲଙ୍କ ସହ ଇନିଂସ ଓପନ କରିବା ନିଷ୍ପତ୍ତି ନେଇ କ୍ୟାପଟେନ ରାହୁଲ ନେତୃତ୍ୱ ଦକ୍ଷତା ପ୍ରଦର୍ଶନ କରିଥିଲେ । ଜୁଲାଇ ୨୦୧୩ ଠାରୁ, ଜିମ୍ବାୱେ ବିପକ୍ଷରେ ଭାରତ କ୍ରମାଗତ ୧୩ଟି ODI ମ୍ୟାଚ୍ ଜିତିଛି ଓ ବର୍ତ୍ତମାନର ମୁକାବିଲା ୨୦୨୨ରେ ୧୦ ୱିକେଟ୍ ବିଜୟ ସହ ଶେଷ ହୋଇଛି। ଦୁଇ ଦଳ ଆଠଟି ଦ୍ୱିପାକ୍ଷିକ ସିରିଜ୍ ଖେଳିଛନ୍ତି ଏବଂ ଭାରତ ସାତଥର ବିଜୟୀ ହୋଇଛି। ୧୯୯୬-୯୭ ରେ ଜିମ୍ବାୱେ କେବଳ ଗୋଟିଏ, ବିଶିଷ୍ଟ ସିରିଜ୍ ଜିତିଛି।