ଡିସେମ୍ବର ୪ରୁ ଆରମ୍ଭ ହେବ ଭାରତ ବାଂଲାଦେଶ ODI ଓ ଟେଷ୍ଟ ସିରିଜ

News 18 Odia Digital

ନୂଆଦିଲ୍ଲୀ: ନ୍ୟୁଜିଲ୍ୟାଣ୍ଡ ଗସ୍ତ ପରେ ଟିମ୍ ଇଣ୍ଡିଆ ବର୍ତ୍ତମାନ ବାଂଲାଦେଶ ଅଭିମୁଖେ ଯାତ୍ରା କରିବାକୁ ଯାଉଛି। ବାସ୍ତବରେ, ଡିସେମ୍ବର ୪ରୁ ଭାରତୀୟ ଦଳ ବାଂଲାଦେଶରେ ୩ ଟି ଦିନିକିଆ ଏବଂ ଟେଷ୍ଟ ମ୍ୟାଚ୍ ଖେଳିବାକୁ ଯାଉଛି। ଯାହାର ପ୍ରଥମ ମ୍ୟାଚ୍ ଡିସେମ୍ବର ୪ ରବିବାର ଦିନ ଖେଳାଯିବ। ବିରାଟ କୋହଲି, ରୋହିତ ଶର୍ମା, କେ.ଏଲ୍ ରାହୁଲ ସମସ୍ତ ଖେଳାଳି ଟିମ୍ ଇଣ୍ଡିଆରେ ଏହି ମ୍ୟାଚ୍ ପାଇଁ ପ୍ରସ୍ତୁତ ଅଛନ୍ତି।

ଭାରତ ଏବଂ ବାଂଲାଦେଶ ମଧ୍ୟରେ ୩ ଟି ODI ସିରିଜର ପ୍ରଥମ ମ୍ୟାଚ୍ ୪ ଡିସେମ୍ବରରେ ଖେଳାଯିବ। ସିରିଜର ଦ୍ୱିତୀୟ ମ୍ୟାଚ୍ ୭ ଡିସେମ୍ବରରେ ଖେଳାଯିବ। ଏଥି ସହିତ, ଏହି ସିରିଜର ଶେଷ ମ୍ୟାଚ୍ ୧୦ ଡିସେମ୍ବରରେ ଖେଳାଯିବ। ଢ଼ାକା ସ୍ଥିତ ଶେର-ଇ-ବଙ୍ଗଳା ଷ୍ଟାଡିୟମରେ ଭାରତ-ବାଂଲାଦେଶ ସିରିଜର ଦୁଇଟି ODI ଖେଳାଯିବ ଏବଂ ତୃତୀୟ ମ୍ୟାଚ୍ ଚିତ୍ରକୋଣ୍ଡାର ଜାହୁର ଅହମ୍ମଦ ଚୌଧୁରୀ ଷ୍ଟାଡିୟମରେ ଖେଳାଯିବ। ଏହା ବ୍ୟତୀତ ଦୁଇ ଦଳ ମଧ୍ୟରେ ଚାଲିଥିବା ୨ ଟେଷ୍ଟ ସିରିଜର ପ୍ରଥମ ଟେଷ୍ଟ ମ୍ୟାଚ୍ ୧୪-୧୮ ଡିସେମ୍ବର ମଧ୍ୟରେ ଚିତ୍ରକୋଣ୍ଡାର ଜାହୁର ଅହମ୍ମଦ ଚୌଧୁରୀ ଷ୍ଟାଡିୟମରେ ଖେଳାଯିବ।

ଟିମ୍ ଇଣ୍ଡିଆ: ରୋହିତ ଶର୍ମା (ଅଧିନାୟକ), କେ.ଏଲ୍ ରାହୁଲ, ଶିଖର ଧାୱନ, ବିରାଟ କୋହଲି, ରଜତ ପାଟିଦାର, ଶ୍ରେୟସ୍ ଆୟର, ରାହୁଲ ତ୍ରିପାଠୀ, ଋଷଭ ପନ୍ତ (ୱିକେଟ୍ କିପର), ଇଶାନ କିଶନ (ୱିକେଟ୍ କିପର), ରବିନ୍ଦ୍ର ଜାଡେଜା, ଅକ୍ଷାର ପଟେଲ, ୱାଶିଂଟନ୍ ସୁନ୍ଦର, ଶରଦୁଲ ଠାକୁର, ମୋହଦ୍ ଶାମି, ମୋହଦ୍ ସିରାଜ, ଦୀପକ ଚହର, ଯଶ ଦିନଲ।