ଦେଶ ସ୍ବାଧୀନ ହେବା ପରେ ଖେଳରେ ବଡ଼ ସଫଳତା ହାସଲ କରିଛି ଭାରତ

Independence Day 2022: ଏଥର ଭାରତ ୭୫ତମ ସ୍ୱାଧୀନତା ଦିବସ ପାଳନ କରିବ। ଏହି ଅବସରରେ, ଦେଶର କ୍ରୀଡ଼ା ସହ ଜଡିତ ସଫଳତା ବିଷୟରେ ଆସନ୍ତୁ ଜାଣିବା...

ଦେଶ ସ୍ବାଧୀନ ହେବା ପରେ ଖେଳରେ ବଡ଼ ସଫଳତା ହାସଲ କରିଛି ଭାରତ

ଦେଶ ସ୍ବାଧୀନ ହେବା ପରେ ଖେଳରେ ବଡ଼ ସଫଳତା ହାସଲ କରିଛି ଭାରତ

  • Share this:
News18 Odia Digital

Independence Day 2022: ଏଥର ଭାରତ ୭୫ତମ ସ୍ୱାଧୀନତା ଦିବସ ପାଳନ କରିବ। ସ୍ୱାଧୀନତା ପରେ ଦେଶ ପ୍ରତ୍ୟେକ କ୍ଷେତ୍ରରେ ଅଗ୍ରଗତି କରିଛି। ଭାରତୀୟ ଖେଳାଳିମାନେ ମଧ୍ୟ ବିଶ୍ୱରେ ତ୍ରିରଙ୍ଗା ଉଡ଼ାଇଛନ୍ତି। ଭାରତୀୟମାନେ କ୍ରିକେଟ୍ ଓ ହକି ସମେତ ଅନେକ କ୍ରୀଡ଼ାରେ ସଫଳତା ହାସଲ କରିଛନ୍ତି।

ଦେଶର ସ୍ବାଧୀନତାର ବାର୍ଷିକୀ ପାଳନ ଅବସରରେ ଏହି କ୍ରୀଡ଼ା ସହ ଜଡିତ ଦେଶର ବଡ଼ ସଫଳତା ବିଷୟରେ ଆସନ୍ତୁ ଜାଣିବା...

୧୯୪୮ ଅଲମ୍ପିକ୍ସରେ ଭାରତୀୟ ହକି ଦଳ ସ୍ୱର୍ଣ୍ଣ ପଦକ ଜିତିଥିଲା। ଲଣ୍ଡନରେ ଖେଳାଯାଇଥିବା ଅନ୍ତିମ ମ୍ୟାଚରେ କିଶନ ଲାଲଙ୍କ କ୍ୟାପ୍ଟେନସିପରେ ଭାରତୀୟ ଦଳ ଗ୍ରେଟ ବ୍ରିଟେନକୁ ୪-୦ରେ ପରାସ୍ତ କରିଥିଲା। ଏହି ବିଜୟ ସହିତ ଭାରତ ସ୍ୱର୍ଣ୍ଣ ହାସଲ କରିଥିଲା। ଏଥି ସହିତ, ୧୯୫୨ରେ ମଧ୍ୟ ଭାରତ ଫାଇନାଲରେ ହଲାଣ୍ଡକୁ ପରାସ୍ତ କରିଥିଲା। ଏହି ପରିପ୍ରେକ୍ଷୀରେ ଭାରତ ମଧ୍ୟ ଦ୍ୱିତୀୟ ସ୍ୱର୍ଣ୍ଣ ପଦକ ଜିତିଥିଲା।

୧୯୮୩ରେ ଭାରତ କ୍ରିକେଟ ଦଳ ବିଶ୍ୱକପ୍ ଟାଇଟଲ୍ ଜିତିଥିଲା। କପିଲ ଦେବଙ୍କ ଅଧିନାୟକତ୍ୱ କରିଥିବା ଭାରତୀୟ ଦଳ ଫାଇନାଲ ମ୍ୟାଚରେ ୱେଷ୍ଟଇଣ୍ଡିଜକୁ ୪୩ ରନରେ ପରାସ୍ତ କରିଥିଲା। ୱେଷ୍ଟଇଣ୍ଡିଜ ସେହି ସମୟର ଶ୍ରେଷ୍ଠ ଦଳମାନଙ୍କ ମଧ୍ୟରୁ ଅନ୍ୟତମ ଥିଲା।

୨୦୦୫ରେ, ନାରାୟଣ କାର୍ତ୍ତିକେୟନ୍ ଫର୍ମୁଲା ୱାନ୍ ରେସରେ ପ୍ରଥମ ଭାରତୀୟ ଭାବରେ ଅଂଶଗ୍ରହଣ କରିଥିଲେ। ୨୦୧୧ରେ ଭାରତର ବୁଦ୍ଧା ଇଣ୍ଟରନ୍ୟାସନାଲ ସର୍କିଟରେ ଆୟୋଜିତ ହୋଇଥିବା ପ୍ରଥମ ଦୌଡ଼ରେ କାର୍ତ୍ତିକେୟାନ୍ ମଧ୍ୟ ଅଂଶଗ୍ରହଣ କରିସାରିଛନ୍ତି।

୧୯୫୮ ମସିହାରେ କମନୱେଲଥ ଗେମ୍ସରେ ଭାରତର କିମ୍ବଦନ୍ତୀ ସ୍ପ୍ରିଣ୍ଟର ମିଲଖା ସିଂ ଦେଶ ପାଇଁ ସ୍ୱର୍ଣ୍ଣ ପଦକ ଜିତିଥିଲେ। ଏହି ସମୟରେ ସେ ଏକ ଚମତ୍କାର ପ୍ରଦର୍ଶନ କରିଥିଲେ। ମିଲଖା ସିଂଙ୍କ ଉପରେ ଏକ ଫିଲ୍ମ ମଧ୍ୟ କରାଯାଇଛି।

ଏଥି ସହିତ, ନିକଟରେ ଅନୁଷ୍ଠିତ କମନୱେଲଥ ଗେମ୍ସରେ ଭାରତୀୟ ଖେଳାଳିମାନେ ମୋଟ ୨୨ଟି ସ୍ୱର୍ଣ୍ଣ ପଦକ ଜିତିଛନ୍ତି। ବର୍ମିଂହାମରେ ଆୟୋଜିତ କମନୱେଲଥ ଗେମ୍ସ ୨୦୨୨ରେ ଭାରତ ମୋଟ ୬୧ ପଦକ ଜିତିଛି।
Published by:Lipina Das
First published: