Hockey World Cup: ଆଜି ୱେଲସ୍ ବିପକ୍ଷରେ ‘କର ବା ମର’ ମ୍ୟାଚ ଖେଳିବ ଭାରତ

News18 Odia Digital

India vs Wales: ଓଡ଼ିଶାରେ ଖେଳାଯାଉଥିବା ହକି ବିଶ୍ୱକପ ୨୦୨୩ରେ (Hockey World Cup) ଲିଗ୍ ପର୍ଯ୍ୟାୟ ମ୍ୟାଚ୍ ଶେଷ ହେବାକୁ ଯାଉଛି ଏବଂ କ୍ୱାର୍ଟର ଫାଇନାଲ ପାଇଁ ଦୌଡ଼ ଆରମ୍ଭ ହେବ।

ଭାରତ ବିଷୟରେ କହିବାକୁ ଗଲେ ଦଳ ଏପର୍ଯ୍ୟନ୍ତ ଏହି ଟୁର୍ନାମେଣ୍ଟରେ ୨ଟି ମ୍ୟାଚ୍ ଖେଳିଛି ଯେଉଁଥିରେ ଗୋଟିଏ ଜିତିଥିବା ବେଳେ ଅନ୍ୟଟି ଡ୍ରରେ ଶେଷ ହୋଇଛି। ଦଳର ପରବର୍ତ୍ତୀ ମ୍ୟାଚ୍ ୱେଲସ୍ ବିପକ୍ଷରେ ଖେଳାଯିବ ଆଜି ଖେଳାଯିବ। ଏହି ମ୍ୟାଚ୍ ଭାରତ ପାଇଁ 'କର ବା ମର' ମ୍ୟାଚ। ଯଦି ଦଳ ଏଥିରେ ହାରିଯାଏ, ତେବେ ବିଶ୍ୱକପରେ ଏହାର ଯାତ୍ରା ଶେଷ ହୋଇପାରେ।

କ୍ୱାର୍ଟର ଫାଇନାଲରେ ପହଞ୍ଚିବା ପାଇଁ ଭାରତ ପାଇଁ ସମୀକରଣ କ’ଣ?

ହକି ବିଶ୍ୱକପ ୨୦୨୩ରେ ଇଂଲଣ୍ଡ, ୱେଲସ୍ ଏବଂ ସ୍ପେନ୍ ସହିତ ଭାରତ ଗ୍ରୁପ୍ ଡିରେ ସ୍ଥାନ ପାଇଛି। ଏହି ଗ୍ରୁପର ଦୁଇଟି ଦଳ କ୍ୱାର୍ଟର ଫାଇନାଲ ପାଇଁ ଯୋଗ୍ୟତା ଅର୍ଜନ କରିବେ। ଭାରତ ବର୍ତ୍ତମାନ ଦ୍ୱିତୀୟ ସ୍ଥାନରେ ରହିଛି। ଭାରତ ଦଳ ପାଖରେ ବର୍ତ୍ତମାନ ୪ ପଏଣ୍ଟ ରହିଛି। ଇଂଲଣ୍ଡର ମଧ୍ୟ ଚାରୋଟି ପଏଣ୍ଟ ଅଛି କିନ୍ତୁ ଅଧିକ ଗୋଲ ପାର୍ଥକ୍ୟ ଯୋଗୁଁ ସେମାନେ ଶୀର୍ଷରେ ଅଛନ୍ତି। ଯଦି ଭାରତ ୱେଲସ୍ ବିପକ୍ଷ ମ୍ୟାଚରେ ଜିତେ ତେବେ ୫ ପଏଣ୍ଟ ପାଇବ ଦଳ। ଯାହା ଦ୍ବାରା ଦଳ ସିଧାସଳଖ କ୍ୱାର୍ଟର ଫାଇନାଲରେ ପ୍ରବେଶ କରିବ।

ୱେଲସ୍ ବିପକ୍ଷ ମ୍ୟାଚ୍ ହାରିବା ପରେ ମଧ୍ୟ ଭାରତ କିପରି ଯୋଗ୍ୟତା ଅର୍ଜନ କରିପାରିବ?

ଯଦି ଆଜି ୱେଲସ୍ ବିପକ୍ଷରେ ଖେଳାଯିବାକୁ ଥିବା ମ୍ୟାଚରେ ଭାରତୀୟ ଦଳ ହାରିଯାଏ, ତେବେ ସେମାନଙ୍କ ପାଇଁ କ୍ୱାର୍ଟର ଫାଇନାଲର ରାସ୍ତା ବହୁତ କଷ୍ଟସାଧ୍ୟ ହୋଇପାରେ। ହାରିବା ପରେ ଭାରତ ଏବଂ ୱେଲସ୍ ମ୍ୟାଚ୍ ପୂର୍ବରୁ ଖେଳାଯିବାକୁ ଥିବା ଇଂଲଣ୍ଡ ଏବଂ ୱେଲସ୍ ମ୍ୟାଚର ଫଳାଫଳ ଉପରେ ଭାରତର ଭାଗ୍ୟ ନିର୍ଭର କରିବ। ଯଦି ଏହି ମ୍ୟାଚ୍‌ରେ ଇଂଲଣ୍ଡ ସ୍ପେନକୁ ଏକ ବଡ଼ ବ୍ୟବଧାନରେ ପରାସ୍ତ କରେ ଏବଂ ୱେଲସଠାରୁ ସଂକୀର୍ଣ୍ଣ ଗୋଲ ପାର୍ଥକ୍ୟରେ ଭାରତ ଜିତେ, ତେବେ ସ୍ପେନ ତିନି ପଏଣ୍ଟରେ ରହିବ ଏବଂ ଭାରତ ସହଜରେ ଯୋଗ୍ୟତା ଅର୍ଜନ କରିବ।

IND vs Wales ଯଦି ମ୍ୟାଚ୍ ଡ୍ର ହୁଏ ତେବେ ଭାରତ ପାଇଁ ଯୋଗ୍ୟତା ସମୀକରଣ କ’ଣ?

ଯଦି ଭାରତ ଏବଂ ୱେଲସ୍ ମଧ୍ୟରେ ମ୍ୟାଚ୍ ଡ୍ରରେ ଶେଷ ହୁଏ, ତେବେ ଭାରତ ଚାହିଁବ ଇଂଲଣ୍ଡ ଏବଂ ସ୍ପେନ୍ ମଧ୍ୟରେ ମ୍ୟାଚ୍ ଡ୍ରରେ ଶେଷ ହେଉ କିମ୍ବା ଇଂଲଣ୍ଡ ଜିତିବ। ଯଦି ଉଭୟ ମ୍ୟାଚ୍ ଡ୍ରରେ ଶେଷ ହୁଏ, ତେବେ ସ୍ପେନ ୫ ପଏଣ୍ଟ ପାଇବ ଏବଂ ଭାରତ ୫ ପଏଣ୍ଟ ପାଇବ ଏବଂ ଦଳ ଯୋଗ୍ୟତା ହାସଲ କରିବ। ତେବେ ଯଦି ସ୍ପେନ ଇଂଲଣ୍ଡକୁ ପରାସ୍ତ କରେ ତେବେ ଭାରତକୁ ବାହାରକୁ ଯିବାକୁ ପଡ଼ିବ।

Group D Points Table- ଗ୍ରୁପ୍ Dର ସାମ୍ପ୍ରତିକ ପଏଣ୍ଟ୍ ଟେବୁଲ୍ ଦେଖନ୍ତୁ...

୧. ଇଂଲଣ୍ଡ - ୪ ପଏଣ୍ଟ।
୨. ଭାରତ - ୪ ପଏଣ୍ଟ।
୩. ସ୍ପେନ୍ - ୩ ପଏଣ୍ଟ।
୪. ୱେଲସ୍ - ୦ ପଏଣ୍ଟ।