ODI World Cup 2023: ଗୌତମ ଗମ୍ଭୀରଙ୍କ ବୟାନକୁ ନେଇ ଜବାବ ଦେଲେ ରବୀନ୍ଦ୍ର ଜାଡେଜା

ପୂର୍ବତନ ଭାରତୀୟ ବ୍ୟାଟ୍ସମ୍ୟାନ୍ ଗୌତମ ଗମ୍ଭୀର ଏକ ବଡ଼ ବିବୃତ୍ତି ଦେଇଛନ୍ତି। ନିଜର ବକ୍ତବ୍ୟ ପାଇଁ ଜଣାଶୁଣା ଗମ୍ଭୀର କହିଛନ୍ତି ଯେ ସେ ବିଶ୍ୱକପରେ ୪ଟି ସ୍ପିନରଙ୍କୁ ଦେଖିବାକୁ ପସନ୍ଦ କରିବେ।

ରବୀନ୍ଦ୍ର ଜାଡେଜା

ରବୀନ୍ଦ୍ର ଜାଡେଜା

  • News18 Odia
  • Last Updated :
  • New Delhi, India
  • Share this:
News 18 Odia Digital

ନୂଆଦିଲ୍ଲୀ: ଭାରତ ଏବଂ ଶ୍ରୀଲଙ୍କା ମଧ୍ୟରେ ଦ୍ୱିତୀୟ ଦିନିକିଆ ମ୍ୟାଚ ଗତକାଲି କୋଲକାତାର ଇଡେନ୍ ଗାର୍ଡେନରେ (Eden Garden)ଖେଳାଯାଇଥିଲା। ଏହି ମ୍ୟାଚ୍‌ରେ ଟିମ୍ ଇଣ୍ଡିଆ ୪ ୱିକେଟ୍ ରେ ବିଜୟ ହାସଲ କରିଛି। ଭାରତର ଏହି ବିଜୟରେ କେ.ଏଲ୍ ରାହୁଲଙ୍କ(KL Rahul) ଅର୍ଦ୍ଧ ଶତକ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା। ସେ ୬ ଟି ଚୌକା ସହାୟତାରେ ୬୪ ରନର ଅପରାଜିତ ଇନିଂସ ଖେଳିଥିଲେ।

ଏହି ମ୍ୟାଚ୍ ଜିତି ଟିମ୍ ଇଣ୍ଡିଆ ଦିନିକିଆ ସିରିଜରେ ୨-୦ ଅଗ୍ରଣୀ ହାସଲ କରିଛି। କିନ୍ତୁ ODI ବିଶ୍ୱକପ ପୂର୍ବରୁ ଟିମ୍ ଇଣ୍ଡିଆ ପାଇଁ ପ୍ରତ୍ୟେକ ମ୍ୟାଚ୍ ଗୁରୁତ୍ୱପୂର୍ଣ୍ଣ। ଏହି ସମୟରେ ପୂର୍ବତନ ଭାରତୀୟ ବ୍ୟାଟ୍ସମ୍ୟାନ୍ ଗୌତମ ଗମ୍ଭୀର(Gautam Gambhir) ଏକ ବଡ଼ ବିବୃତ୍ତି ଦେଇଛନ୍ତି। ନିଜର ବକ୍ତବ୍ୟ ପାଇଁ ଜଣାଶୁଣା ଗମ୍ଭୀର କହିଛନ୍ତି ଯେ ସେ ବିଶ୍ୱକପରେ ୪ଟି ସ୍ପିନରଙ୍କୁ ଦେଖିବାକୁ ପସନ୍ଦ କରିବେ।

ଯେତେବେଳେ ଇରଫାନ୍ ପଠାନ୍, ସଞ୍ଜୟ ମାଜ୍ରେକର ଏବଂ ଜତିନ୍ ସାପ୍ରୁଙ୍କ ବିଷୟରେ ଗମ୍ଭୀରଙ୍କୁ ପଚରାଯାଇଥିଲା, ସେ କହିଥିଲେ ଯେ ସେ ବିଶ୍ୱକପ ଦଳରେ ଚହଲଙ୍କ ସ୍ଥାନରେ କୁଲଦୀପ ଯାଦବ, ଅକ୍ଷର ପଟେଲ, ରବି ବିଷ୍ଣୁ ଏବଂ ୱାଶିଂଟନ୍ ସୁନ୍ଦରଙ୍କୁ ଦେଖିବାକୁ ପସନ୍ଦ କରିବେ। ଗମ୍ଭୀରଙ୍କ ବିବୃତ୍ତି ପରେ ଜାଡେଜା ଏକ ଟୁଇଟ୍ କରିଛନ୍ତି। ଆହତ କାରଣରୁ ଦଳ ବାହାରେ ଥିବା ଭାରତର ତାରକା ଅଲରାଉଣ୍ଡର ତଥା ରବିନ୍ଦ୍ର ଜାଡେଜା ଟ୍ୱିଟ କରି କହିଛନ୍ତି ଯେ କିଛି କୁହ ନାହିଁ, କେବଳ ହସ… ଜାଡେଜାଙ୍କ ଟ୍ୱିଟ ଗମ୍ଭୀରଙ୍କ ବିବୃତ୍ତିର ଉତ୍ତର ବୋଲି ଜଣାପଡିଛି।

ଅକ୍ଷର ପଟେଲଙ୍କ(Axar Patel) ବିଷୟରେ କହିବାକୁ ଗଲେ ସେ କିଛି ସମୟ ପାଇଁ ଟିମ୍ ଇଣ୍ଡିଆ ପାଇଁ ଅତ୍ୟନ୍ତ ଭଲ ପ୍ରଦର୍ଶନ କରୁଛନ୍ତି। ସେ ଶ୍ରୀଲଙ୍କା ବିପକ୍ଷ ଟି -୨୦ ସିରିଜରେ ୬୫ ରନର ଇନିଂସ ଖେଳିଥିଲେ। ସେ ଗତ ପାଞ୍ଚଟି ମ୍ୟାଚ୍‌ରେ ଚାରିଟି ୱିକେଟ୍ ମଧ୍ୟ ନେଇଛନ୍ତି। ଅକ୍ଷରଙ୍କ ଚମତ୍କାର ପ୍ରଦର୍ଶନ ସହିତ ODI ବିଶ୍ୱକପରେ ତାଙ୍କର ସ୍ଥାନ ନିଶ୍ଚିତ ହୋଇଛି, ଅନ୍ୟପକ୍ଷରେ ରବିନ୍ଦ୍ର ଜାଡେଜାଙ୍କ ସ୍ଥାନ ବିପଦରେ ରହିଛି।
Published by:Soumyashree Mishra
First published: