ଭାରତ-ଦକ୍ଷିଣ ଆଫ୍ରିକା ପ୍ରଥମ ODI ଆରମ୍ଭ ହେବାରେ ୩୦ ମିନିଟ ବିଳମ୍ବ; ବିସିସିଆଇ କହିଲା କାରଣ

News 18 Odia Digital

ନୂଆଦିଲ୍ଲୀ : ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ତିନି ମ୍ୟାଚ୍ ବିଶିଷ୍ଟ ସିରିଜର ପ୍ରଥମ ଦିନିକିଆ ମ୍ୟାଚ୍ ବର୍ଷା ହେତୁ ନିର୍ଦ୍ଧାରିତ ସମୟଠାରୁ ୩୦ ମିନିଟ ବିଳମ୍ବରେ ଆରମ୍ଭ ହୋଇଛି । ବୋର୍ଡ ଅଫ୍ କଣ୍ଟ୍ରୋଲ୍ ଫର୍ କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) ଟ୍ୱିଟ୍ କରି ଏହି ସୂଚନା ଦେଇଛି । ପ୍ରଥମ ODI ମ୍ୟାଚ୍ ଆଜି ଲକ୍ଷ୍ନୌର ଇକାନା ଆନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମରେ ଖେଳାଯାଉଛି ।

ବିସିସିଆଇ ଟୁଇଟ୍ କରି ସୂଚନା ଦେଇଛି ଟସ୍ ୧ ଟା ପରିବର୍ତ୍ତେ ୧:୩୦ ରେ ଅନୁଷ୍ଠିତ ହୋଇଥିବା ବେଳେ ମ୍ୟାଚ୍ ଅପରାହ୍ନ ୨ ଟାରୁ ଆରମ୍ଭ ହେଇଛି । ଏହା ହେଉଛି, ପ୍ରଥମ ODI ଯାହା ନିର୍ଦ୍ଧାରିତ ସମୟରୁ ଅଧ ଘଣ୍ଟା ବିଳମ୍ବ ହୋଇଛି । ଲକ୍ଷ୍ନୌରେ ବର୍ତ୍ତମାନ ପାଗ ମେଘୁଆ ରହିଛି ଓ ସ୍ଥାନୀୟ ପାଣିପାଗ ବିଭାଗ ଦିନସାରା ମଧ୍ୟମ ବର୍ଷା ହେବାର ପୂର୍ବାନୁମାନ କରିଛି ।

ବିସିସିଆଇ ମ୍ୟାଚ୍ ସମୟକୁ ଅଧ ଘଣ୍ଟା ବଢାଇଛି

ବିସିସିଆଇ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରୁ ଟ୍ୱିଟ୍ କରି କହିଛି, ବର୍ଷା ହେତୁ ମ୍ୟାଚ୍ ବିଳମ୍ବ ହୋଇଛି । ମ୍ୟାଚ୍ ପୂର୍ବରୁ ଗ୍ରାଉଣ୍ଡ ଯାଞ୍ଚ କରାଯାଇଥିଲା । ମ୍ୟାଚ୍ ଓ ଟସ୍ ସମୟ ଅଧ ଘଣ୍ଟା ବୃଦ୍ଧି କରାଯାଇଛି । ଟସ୍ ୧.୩୦ ରେ ଅନୁଷ୍ଠିତ ହୋଇଥିବା ବେଳେ ମ୍ୟାଚ୍ ୨ ରୁ ଆରମ୍ଭ ହୋଇଛି ।