Controversy over Virat Kohli: ବିରାଟ କୋହଲିଙ୍କ ୱିକେଟକୁ ନେଇ ଉତ୍ତେଜନା

News 18 Odia Digital

ନୂଆଦିଲ୍ଲୀ: ଦିଲ୍ଲୀରେ ଭାରତ ଓ ଅଷ୍ଟ୍ରେଲିଆ (ind vs aus) ମଧ୍ୟରେ ଚାଲିଥିବା ଦ୍ୱିତୀୟ ଟେଷ୍ଟ ମ୍ୟାଚରେ ଏକ ବଡ଼ ବିବାଦ ଲାଗି ରହିଛି। ଭାରତର ପୂର୍ବତନ ଅଧିନାୟକ ବିରାଟ କୋହଲିଙ୍କୁ(virat kohli) ଯେଉଁ ଭଳି ଭାବରେ ଆଉଟ୍ କରାଯାଇଛି, ତାହା ଉପରେ ପ୍ରଶ୍ନ ଉଠିଛି। କେବଳ ପ୍ରଶଂସକ ନୁହଁନ୍ତି ବିରାଟ କୋହଲି ଓ ଟିମ୍ ଇଣ୍ଡିଆର (team india) ମ୍ୟାନେଜମେଣ୍ଟ ଏହି ୱିକେଟ୍ ପାଇଁ ସମ୍ପୂର୍ଣ୍ଣ ହତାଶ ଦେଖାଯାଉଥିଲା। ଭାରତର ଇନିଂସରେ ୫୦ ତମ ଓଭରରେ ଯେତେବେଳେ ମାଥ୍ୟୁ କୁହ୍ନେନମାନ ବିରାଟ କୋହଲିଙ୍କୁ ବଲ ଫିଙ୍ଗିଥିଲେ, ସେତେବେଳେ ବଲ ପ୍ୟାଡରେ ଲାଗିଥିଲା। ଅମ୍ପାୟାର ଏହାକୁ ଆଉଟ କହିଥିଲେ, କିନ୍ତୁ ପରେ ବିରାଟ କୋହଲି ଏହାର ସମୀକ୍ଷା କରିଥିଲେ। ସମୀକ୍ଷାରେ ମଧ୍ୟ ୱିକେଟ୍‌ରେ କୌଣସି ସ୍ପଷ୍ଟତା ମିଳି ନଥିଲା, କିନ୍ତୁ ଅମ୍ପାୟାରଙ୍କ ଯୋଗୁଁ ବିରାଟ କୋହଲିଙ୍କୁ ଆଉଟ୍ ଦିଆଯାଇଥିଲା।

ଯେତେବେଳେ ତୃତୀୟ ଅମ୍ପାୟର ବିରାଟ କୋହଲିଙ୍କୁ ଆଉଟ୍ ଦେଇଥିଲେ, ସେତେବେଳେ ସେ ରାଗିଯାଇ ପାଭିଲିୟନକୁ ଫେରିଥିଲେ। ଡ୍ରେସିଂ ରୁମରେ ବସିଥିବା ଟିମ୍ ଇଣ୍ଡିଆର ମ୍ୟାନେଜମେଣ୍ଟ ମଧ୍ୟ ଏହି ନିଷ୍ପତ୍ତିରେ ଖୁସି ନଥିଲା, କୋଚ୍ ରାହୁଲ ଦ୍ରାବିଡ ଓ ବ୍ୟାଟିଂ ପ୍ରଶିକ୍ଷକ ବିକ୍ରମ ରାଠୋର ମଧ୍ୟ ତୃତୀୟ ଅମ୍ପାୟାରଙ୍କ ନିଷ୍ପତ୍ତିରେ ଖୁସି ନଥିଲେ।

ଏହି ଖବର ପଢ଼ନ୍ତୁ- http://Assembly session: ନବ ଦାସଙ୍କୁ ନେଇ ତାତିବ ଗୃହ: ଏହି ପ୍ରସଙ୍ଗ ଉଠାଇବ କଂଗ୍ରେସ

ଯେତେବେଳେ ଟିମ୍ ଇଣ୍ଡିଆ ସଙ୍କଟରେ ଥିଲା, ବିରାଟ କୋହଲି ନିଜକୁ ସମ୍ଭାଳି ଇନିଂସ ଖେଳୁଥିଲେ ଓ ରବିନ୍ଦ୍ର ଜାଡେଜାଙ୍କ ସହ ଟିମ୍ ଇଣ୍ଡିଆର ଇନିଂସକୁ ଆଗକୁ ନେଉଥିଲେ। ଏହି ଇନିଂସରେ ବିରାଟ କୋହଲି ୮୪ ବଲରେ ୪୪ ରନ ସ୍କୋର କରିଥିଲେ, ଯେଉଁଥିରେ ସେ ୪ ଟି ଚୌକା ମାରିଥିଲେ।