ଇତିହାସ ରଚିଲେ ଭାରତୀୟ ମହିଳା କ୍ରିକେଟ ଅଧିନାୟକ ହରମନପ୍ରୀତ କୌର; ପଢନ୍ତୁ ପୁରା ଖବର

ଟି -୨୦ ଆନ୍ତର୍ଜାତୀୟ କ୍ରିକେଟ୍ ଇତିହାସରେ ଏହା ଭାରତୀୟ ମହିଳା କ୍ରିକେଟ୍ ଦଳର ପ୍ରଥମ ସୁପର ଓଭର ଥିଲା ଏବଂ ସେ ଏହାକୁ ଜିତାଇ ଇତିହାସ ସୃଷ୍ଟି କରିଛନ୍ତି।

ଇତିହାସ ରଚିଲେ ଭାରତୀୟ ମହିଳା କ୍ରିକେଟ ଅଧିନାୟକ ହରମନପ୍ରୀତ କୌର

ଇତିହାସ ରଚିଲେ ଭାରତୀୟ ମହିଳା କ୍ରିକେଟ ଅଧିନାୟକ ହରମନପ୍ରୀତ କୌର

  • News18 Odia
  • Last Updated :
  • New Delhi, India
  • Share this:
News 18 Odia Digital

ନୂଆଦିଲ୍ଲୀ: ଭାରତୀୟ ମହିଳା କ୍ରିକେଟ୍ ଦଳ ଦ୍ୱିତୀୟ ଟି -୨୦ ମ୍ୟାଚ୍‌ରେ ସୁପର ଓଭରରେ ଅଷ୍ଟ୍ରେଲିଆକୁ ପରାସ୍ତ କରିଛି। ଚଳିତ ବର୍ଷ ଟି-୨୦ରେ ଅଷ୍ଟ୍ରେଲିଆର ଏହା ପ୍ରଥମ ପରାଜୟ। ଟି -୨୦ ଆନ୍ତର୍ଜାତୀୟ କ୍ରିକେଟ୍ ଇତିହାସରେ ଏହା ଭାରତୀୟ ମହିଳା କ୍ରିକେଟ୍ ଦଳର ପ୍ରଥମ ସୁପର ଓଭର ଥିଲା ଏବଂ ସେ ଏହାକୁ ଜିତାଇ ଇତିହାସ ସୃଷ୍ଟି କରିଛନ୍ତି। ଭାରତୀୟ ଦଳ ବ୍ୟତୀତ ଅଧିନାୟକ ହରମନପ୍ରୀତ କୌର ମଧ୍ୟ ଏକ ନୂତନ ଇତିହାସ ସୃଷ୍ଟି କରିଛନ୍ତି।

ଅଷ୍ଟ୍ରେଲିଆ ବିପକ୍ଷରେ ବିଜୟ ସହ ହରମନପ୍ରୀତ କୌର ଜଣେ ଅଧିନାୟକ ଭାବରେ ଏପରି ସଫଳତା ହାସଲ କରିଛନ୍ତି, ଯାହା କି ମହେନ୍ଦ୍ର ସିଂ ଧୋନି, ବିରାଟ କୋହଲି ଏବଂ ରୋହିତ ଶର୍ମା ମଧ୍ୟ ଏପର୍ଯ୍ୟନ୍ତ କରିପାରି ନାହାଁନ୍ତି। ସର୍ବାଧିକ ଟି -୨୦ ମ୍ୟାଚ୍ ଜିତିବାରେ ହରମନପ୍ରୀତ ହେଉଛନ୍ତି ପ୍ରଥମ ଭାରତୀୟ ଅଧିନାୟକ।

ହରମନପ୍ରୀତଙ୍କ ପାଇଁ ରବିବାରର ବିଜୟ ହେଉଛି ଅଧିନାୟକ ଭାବରେ ଭାରତର ୫୦ ତମ ଟି -୨୦ ବିଜୟ। ୨୦୧୬ରେ ଟି ୨୦ ଫର୍ମାଟରେ ହରମନପ୍ରୀତ ଭାରତୀୟ ଦଳର ଅଧିନାୟକ ଥିଲେ। ଧୋନିଙ୍କ ଅଧିନାୟକତ୍ୱରେ ଭାରତ ୪୧ ଟି -୨୦ ମ୍ୟାଚ ଏବଂ ରୋହିତଙ୍କ ଅଧିନାୟକତ୍ୱରେ ୩୯ ଟି -୨୦ ମ୍ୟାଚ ଜିତିଥିବାବେଳେ କୋହଲିଙ୍କ ଅଧିନାୟକତ୍ୱରେ ଭାରତ ୩୦ଟି ଟି -୨୦ ମ୍ୟାଚ ଜିତିଛି।

ଭାରତୀୟ ମହିଳା କ୍ରିକେଟ ଟିମ ଦ୍ୱିତୀୟ ଟି-୨୦ ମ୍ୟାଚରେ ଅଷ୍ଟ୍ରେଲିଆକୁ କଡ଼ା ଟକ୍କର ଦେଇ ସୁପର ଓଭରରେ ହରାଇ ମ୍ୟାଚକୁ ନିଜ ନାଁରେ କରି ନେଇଛି । ଅଷ୍ଟ୍ରେଲିଆ ମହିଳା ଟିମ ପ୍ରଥମେ ବ୍ୟାଟିଂ କରି ଗୋଟିଏ ୱିକେଟ୍ ହରାଇ ୧୮୭ ରନ କରିଥିଲା । ଏହାର ଜବାବରେ ଭାରତୀୟ ଟିମ ୨୦ ଓଭରରେ ୫ ୱିକେଟ ହରାଇ ୧୮୭ ରନ କରିବାରେ ସଫଳ ହୋଇଥିଲା । ଶେଷ ଓଭରରେ ଭାରତୀୟ ଟିମକୁ ବିଜୟ ପାଇଁ ୧୪ ରନର ଆବଶ୍ୟକତା ଥିଲା । ଦେବିକା ବୈଦ୍ୟ ଦୁଇ ଚୌକା ମାରି ୧୩ ରନ କରିଥିଲେ । ଏହାପରେ ସୁପର ଓଭରରେ ଭାରତ ପ୍ରଥମେ ବ୍ୟାଟିଂ କରି ୨୦ ରନ କରିଥିଲା । ଏହାର ଜବାବରେ ଅଷ୍ଟ୍ରେଲିଆ ମହିଳା ଟିମ ମାତ୍ର ୧୬ରେ ସୀମିତ ରହିଥିଲା ।
Published by:Soumyashree Mishra
First published: