ଦୁର୍ଘଟଣା ପରେ ପଡ଼ିଥିବା ପୋଲିସ କର୍ମୀଙ୍କ ଜୀବନ ବଞ୍ଚେଇଲେ ଯୁବ ଇଞ୍ଜିନିଅର ଅଙ୍କିତ

ଓଭରବ୍ରିଜ ତଳେ ରକ୍ତାକ୍ତ ଅବସ୍ଥାରେ ପଡ଼ି ଛଟପଟ ହେଉଥିବା ଗୁଲାମ ଅଲ୍ଲୀଙ୍କୁ ଅଙ୍କିତ ମହାନ୍ତି ନିଜ କାନ୍ଧରେ ଉଠାଇ ସଙ୍ଗେସଙ୍ଗେ ଚିକିତ୍ସା ପାଇଁ ନେଇଯାଇଥିଲେ ହସ୍ପିଟାଲ l

ଦୁର୍ଘଟଣା ପରେ ପଡ଼ିଥିବା ପୋଲିସ କର୍ମୀଙ୍କ ଜୀବନ ବଞ୍ଚେଇଲେ ଯୁବ ଇଞ୍ଜିନିଅର ଅଙ୍କିତ
ହସପିଟାଲରେ ଚିକିତ୍ସିତ ହେଉଥିବା ଗୁଲାମ ଅଲ୍ଲୀଙ୍କ ସହ ଅଙ୍କିତ ମହାନ୍ତି ।
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: ଚାହିଁଥିଲେ ସେ ରକ୍ତ ଜୁଡୁବୁଡୁ ଅବସ୍ଥାରେ ରାସ୍ତାରେ ପଡ଼ିଥିବା ପୋଲିସ କର୍ମଚାରୀଙ୍କୁ ଛାଡି ପଳାଇ ପାରିଥାନ୍ତେ । କିନ୍ତୁ ତାହା କରିବାକୁ ଯୁବ ଇଞ୍ଜିନିୟର ଅଙ୍କିତ ମହାନ୍ତିଙ୍କ ବିବେକ ବାଧା ଦେଇଥିଲା l ତେଣୁ ସେ ସେହି ପୋଲିସ କର୍ମଚାରୀଙ୍କୁ ନିଜ କାନ୍ଧରେ ପକାଇ ହସ୍ପିଟାଲରେ ପହଞ୍ଚିଥିଲେ l ଅଙ୍କିତଙ୍କ ଯୋଗୁଁ ମରଣ ମୁହଁରୁ ବଞ୍ଚିଯାଇଛନ୍ତି ପୋଲିସ କର୍ମଚାରୀ ଗୁଲାମ ଅଲ୍ଲୀ l

ବର୍ଷକୁ ୩୬୫ ଦିନ ଆମ ସେବାରେ ଲାଗିଥିବା ଓ ଆମ ଧନ ସମ୍ପତ୍ତିର ସୁରକ୍ଷାରେ ନିୟୋଜିତ ରହିଥିବା ପୋଲିସ୍‌ କର୍ମୀମାନଙ୍କୁ ଦୁର୍ଘଟଣା ସମୟରେ ସହାୟତା ଓ ସେବା କରିବା ଆମର ଦାୟିତ୍ଵ ବୋଲି ଗୁଲାମ ଅଲ୍ଲୀଙ୍କୁ ବଞ୍ଚାଇ ସମାଜକୁ ଏହି ବାର୍ତ୍ତl ଦେଇଛନ୍ତି ଅଙ୍କିତ ।

ଶନିବାର ସକାଳ ପ୍ରାୟ ସାଢେ ୧୦ଟା ସମୟରେ ଯୁବ ଇଞ୍ଜିନିୟର ଅଙ୍କିତ ମହାନ୍ତି ନିଜର ଜଣେ ବନ୍ଧୁଙ୍କ ସହ ପଳାଶୁଣି ଓଭରବ୍ରିଜ ତଳେ ଠିଆ ହୋଇଥିଲେ l ଏତିକି ବେଳେ ହଠାତ ଏକ ଶବ୍ଦ ହୋଇଥିଲା l ଦୌଡ଼ି ଯାଇ ଦେଖିବା ବେଳକୁ ଓଭରବ୍ରିଜ ତଳେ ରକ୍ତାକ୍ତ ଅବସ୍ଥାରେ ପଡ଼ି ଛଟପଟ ହେଉଥିଲେ ଗୁଲାମ ଅଲ୍ଲୀ l  ଆମ୍ବୁଲାନ୍ସକୁ କିମ୍ଵା ପିସିଆରକୁ  ଅପେକ୍ଷା ନ କରି ଅଙ୍କିତ ସଙ୍ଗେସଙ୍ଗେ ଗୁଲାମଙ୍କୁ ଚିକିତ୍ସା ପାଇଁ ନେଇଯାଇଥିଲେ ହସ୍ପିଟାଲ l ଘରୋଇ ହସ୍ପିଟାଲରେ ଆରମ୍ଭ ହୋଇଥିଲା ତାଙ୍କ ଚିକିତ୍ସା l ଏବେ ସୁସ୍ଥ ଅଛନ୍ତି ଗୁଲାମ l

ଯୁବ ଇଞ୍ଜିନିଅର୍ ଅଙ୍କିତ ମହାନ୍ତି (ମଝି)


‘‘ଅଙ୍କିତ ଠିକ ସମୟରେ ଗୁଲାମଙ୍କୁ ହସ୍ପିଟାଲରେ ଭର୍ତ୍ତି କରାଇଥିବାରୁ ତାଙ୍କ ଜୀବନ ବଞ୍ଚିଯାଇଛି l କରୋନା ମହାମାରୀ ସମୟରେ ଜଣେ ଆଉ ଜଣକୁ ଛୁଇଁବାକୁ ଡରୁଛନ୍ତି l ମଣିଷ ମଣିଷ ଠାରୁ ଦୂରେଇ ରହୁଛି l ଏଭଳି ଅବସ୍ଥାରେ ଅଙ୍କିତଙ୍କ ଏଭଳି ସେବା ଜଣେ ମଣିଷଙ୍କ ଜୀବନ ବଞ୍ଚେଇ ଦେଇଛି,’’ କହିଛନ୍ତି ଗୁଲାମ ଅଲ୍ଲୀଙ୍କୁ ଚିକିତ୍ସା କରୁଥିବା ଜଣେ ଡାକ୍ତର। ଅଙ୍କିତଙ୍କ କାର୍ଯ୍ୟକୁ ସବୁ ମହଲରୁ ପଶଂସା ମିଳୁଛି ।

ଗୁଲାମ ଅଲ୍ଲୀ କଟକରେ ଜିଆରପି ଥାନାରେ ସବଇନ୍ସପେକ୍ଟର ଅଛନ୍ତି l ସେ ରହନ୍ତି କଟକରେ l ଶନିବାର ସେ କଟକରୁ ନିଜ ବାଇକରେ ଭୁବନେଶ୍ୱର ଆସୁଥିଲେ ଡ୍ୟୁଟିରେ l ଏତିକି ବେଳେ ପଳାଶୁଣି ଓଭରବ୍ରିଜ ନିକଟରେ ପଛରୁ ଏକ ଅଜଣା ଗାଡ଼ି ତାଙ୍କୁ ଧକ୍କା ଦେଇଥିଲା l ଫଳରେ ରାସ୍ତା ଉପରେ ଫୋପାଡି ହୋଇ ପଡିଥିଲେ ସେ ।

ବଡ କଥା ହେଲା ଯେ ଗୁଲାମଙ୍କୁ ଧକ୍କା ଦେଇଥିବା ଗାଡ଼ି ଏ ପର୍ଯ୍ୟନ୍ତ ଧରା ପଡ଼ିନି l ଗୁଲାମ କହିଛନ୍ତି ଯେ ଅଙ୍କିତଙ୍କ ପାଇଁ ତାଙ୍କ ଜୀବନ ବଞ୍ଚିଯାଇଛି l କିନ୍ତୁ ଧକ୍କା ଦେଇଥିବା ଗାଡ଼ି କୁଆଡେ ଗଲା ତା’ର ପତ୍ତା ମିଳୁନି l

‘‘ବର୍ତ୍ତମାନ ସମୟରେ ମାନବିକତା ହଜିଯାଇଛି l ଗୁଲାମ ରାସ୍ତାରେ ପଡ଼ି ସାହାଯ୍ୟ ମାଗୁଥିଲେ l କିନ୍ତୁ କେହି ବି ସାହାଯ୍ୟ କରି ନ ଥିଲେ,’’ କହିଛନ୍ତି ଅଙ୍କିତ । ତାଙ୍କର ଏହି କାର୍ଯ୍ୟକୁ ପୋଲିସ ବିଭାଗ ପ୍ରଶଂସା କରିଛି  l

ଦୟାକରି ଦୁଇ ମିନିଟ୍‌ ସମୟ ଦେଇ ଏହି ସର୍ଭେରେ ଭାଗ ନିଅନ୍ତୁ: କରୋନା ଲକଡାଉନ୍‌ ସର୍ଭେ

ଏହା ବି ପଢ଼ନ୍ତୁ: ମାତ୍ର ୪ ଦିନର ପୋଷାକ ସହିତ ଆବୁଧାବିରେ ୨ ମାସ ହେଲା ଅଟକି ରହିଛନ୍ତି ଅଭିନେତ୍ରୀ ମଉନି ରାୟ

ଏହା ବି ପଢ଼ନ୍ତୁ: ଭାରତ ଓ ନେପାଳ ମଧ୍ୟରେ ମାନଚିତ୍ରକୁ ନେଇ ବିବାଦ; ମନୀଷା କୋଇରାଲା ନେପାଳକୁ ସମର୍ଥନ କଲେ

ଏହା ବି ପଢ଼ନ୍ତୁ: ଅର୍ଦ୍ଧ-ଉନ୍ମୁକ୍ତ ବକ୍ଷ; ଏକ ବ୍ଲାକ୍-ଆଣ୍ଡ୍-ହ୍ୱାଇଟ୍ ଫଟୋସୁଟରେ ସୁପର୍ ହଟ୍ କଙ୍ଗନା ରାଣାୱତ୍

ଏହା ବି ପଢ଼ନ୍ତୁ: ସନ୍ନି ଲିଓନଙ୍କ ଡ୍ରିମ୍ କାର୍ ହେଉଛି ଅଟୋମେଟିକ୍ ଗିଅର୍ ଥିବା ଗୋଲାପୀ ରଙ୍ଗର ଆମ୍ବାସାଡର୍

ଏହା ବି ପଢ଼ନ୍ତୁ: 
ଇଏ ମାଲକାନଗିରିର ବିଶାଖା; ତା’ ପତି ସାଇକେଲରେ ଚେନ୍ନାଇରୁ ଘରକୁ ଫେରିବା ବାଟରେ ମରିଗଲା

ଏହା ବି ପଢ଼ନ୍ତୁ: କରୋନା ସଂକ୍ରମିତର ଶବକୁ ଅଧା ଜଳେଇ ଛାଡ଼ିଗଲେ ଲୋକେ; କୁଆ ଓ କୁକୁର ଟାଣି ଖାଇଲେ

ଏହା ବି ପଢ଼ନ୍ତୁ: କରୋନା ଭାଇରସ୍ ସଙ୍କଟ ଉପରେ ୬୧ଟି ଦେଶର ତଦନ୍ତ ପ୍ରୟାସରେ ଭାରତ ଯୋଗ ଦେଲା

ଏହା ବି ପଢ଼ନ୍ତୁ: ୧୫ ଜୁନ୍ ପାଖାପାଖି ସପିଂ ମଲ୍ ଓ ସିନେମା ହଲ୍ ଖୋଲିପାରେ; ଲାଗୁ ହେବ ଏହି ନୂଆ ନିୟମ
First published: May 24, 2020, 8:19 PM IST
corona virus btn
corona virus btn
Loading