ମିଳିଲା ଅନୁମତି: ରାଜ୍ୟରେ ଏଣିକି ରାତିରେ ବି ଅଫିସ ଓ କାରଖାନାରେ କାମ କରିପାରିବେ ମହିଳାମାନେ

ପୁରୁଷ ଓ ନାରୀକୁ ସାମାଜିକ ଓ ଅର୍ଥନୈତିକ ଦୃଷ୍ଟିରୁ ସମାନ ବିବେଚିତ କରାଯାଉଥିବାରୁ ଉଭୟଙ୍କ ଉପରେ ସମାନ ଦାୟିତ୍ୱ ରହିଛି । ତେଣୁ ସେମାନେ ଏକା ପ୍ରକାର କାମ କରିପାରିବେ ବୋଲି ସମାଜସେବୀମାନେ କହିଛନ୍ତି ।

ମିଳିଲା ଅନୁମତି: ରାଜ୍ୟରେ ଏଣିକି ରାତିରେ ବି ଅଫିସ ଓ କାରଖାନାରେ କାମ କରିପାରିବେ ମହିଳାମାନେ
(ପ୍ରତୀକାତ୍ମକ ଛବି)
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: ରାଜ୍ୟରେ ଏଣିକି ମହିଳାମାନେ ବି ରାତିରେ କାମ କରିପାରିବେ । କାରଖାନା ହେଉ କି କମ୍ପାନୀ ବା କର୍ପୋରେଟ ସେକ୍ଟର, ସବୁଠି ରାତିରେ କାମ କରିବାକୁ ମିଳିଛି ଅନୁମତି। କମ୍ପାନୀଗୁଡ଼ିକରେ ପୁଞ୍ଜିନିବେଶ ବଢ଼ୁଥିବାରୁ କାମ ସାଙ୍ଗକୁ ଚାହିଦା ବି ବଢ଼ିବାରେ ଲାଗିଛି । ତେଣୁ ମହିଳାମାନଙ୍କ କାମ କରିବାରେ କୌଣସି ଅସୁବିଧା ନାହିଁ ।

ପୂର୍ବରୁ ଡାକ୍ତର, ନର୍ସ ଓ ପୋଲିସ ଭଳି କିଛି ଜରୁରୀକାଳୀନ ସେବାରେ କେବଳ ମହିଳାମାନଙ୍କୁ ରାତିରେ କାମ କରିବାର ଦେଖିବାକୁ ମିଳୁଥିଲା, ହେଲେ ଏବେ ସବୁ ଛୋଟ ବଡ଼ କମ୍ପାନୀ ଓ କାରଖାନାରେ ସନ୍ଧ୍ୟା ୭ଟାରୁ ସକାଳ ୬ଟା ପର୍ଯ୍ୟନ୍ତ ମହିଳାମାନେ କାମ କରିପାରିବେ ବୋଲି ସରକାର ଅନୁମତି ଦେଇଛନ୍ତି।

ସରକାରଙ୍କ ଏହି ନିଷ୍ପତ୍ତିକୁ ରାଜଧାନୀର କର୍ମଜୀବୀ ମହିଳାମାନେ ସ୍ୱାଗତ କରିଛନ୍ତି । ଆଜିର ସମୟରେ ପୁଅ ଝିଅଙ୍କୁ ସାମାଜିକ ଓ ଅର୍ଥନୈତିକ ଦୃଷ୍ଟିରୁ ସମାନ ବିବେଚିତ କରାଯାଉଥିବାରୁ ଉଭୟଙ୍କ ଉପରେ ସମାନ ଦାୟିତ୍ୱ ରହିଛି । ତେଣୁ ସେମାନେ ଏକା ପ୍ରକାର କାମ କରିପାରିବେ ବୋଲି ସମାଜସେବୀମାନେ କହିଛନ୍ତି ।

ସରକାରଙ୍କ ଏହି ନିଷ୍ପତ୍ତିକୁ ରାଜଧାନୀର କର୍ମଜୀବୀ ମହିଳାମାନେ ସ୍ୱାଗତ କରିଛନ୍ତି ।


ତେବେ ମହିଳାଙ୍କ ସୁରକ୍ଷା, ସ୍ୱାସ୍ଥ୍ୟ ଓ ନିରାପତ୍ତା ଉପରେ ଗୁରୁତ୍ୱ ଦେବା ଆବଶ୍ୟକ ବୋଲି ସମସ୍ତେ ମତ ଦେଇଛନ୍ତି । ଏହି ସବୁ ପ୍ରକାର ସୁବିଧା ଓ ସାହାଯ୍ୟ ମିଳିଲେ ମହିଳାମାନେ ରାତିରେ କାମ କରିବାରେ କିଛି ଅସୁବିଧା ନାହିଁ ବୋଲି କହିଛନ୍ତି ସେମାନେ ।

‘‘ରାଜ୍ୟ ବାହାରେ ଅନେକ ମହିଳା ଆଜି ବି ରାତିରେ କାମ କରୁଛନ୍ତି । କମ୍ପାନିମାନେ କିନ୍ତୁ ରାତିରେ କାମ କରୁଥିବା ମହିଳାଙ୍କ ସମସ୍ତ ଦାୟିତ୍ୱ ନିଅନ୍ତି । ସ୍ୱାସ୍ଥ୍ୟ ସମସ୍ୟା ଠାରୁ ଆରମ୍ଭ କରି ସୁରକ୍ଷା ଓ କ୍ୟାବ ଯୋଗେ ସୁରକ୍ଷାର ସହ ନେବା ଆଣିବା କରିବା ଇତ୍ୟାଦି ସବୁ ବ୍ୟବସ୍ଥା ଥାଏ । ଏ ସବୁ ଆମ ରାଜ୍ୟରେ ମଧ୍ୟ ରହିବା ଦରକାର,’’ କହିଛନ୍ତି ସ୍ବେଚ୍ଛାସେବୀ ସୋନାଲି ପ୍ରିୟଦର୍ଶିନୀ ।

ଜଣେ କର୍ମଜୀବୀ ମହିଳା ଡଲି କହିଛନ୍ତି ଯେ ଆଜିର ସମାଜରେ ପୁଅ ଝିଅ ସମସ୍ତେ ସମାନ ହୋଇଥିବାରୁ ଉଭୟଙ୍କର ଦାୟିତ୍ୱ ସମାନ ରହିବା ଦରକାର । ‘‘କିନ୍ତୁ ଆଜି ବି ରାତିରେ ଝିଅଟିଏ ଏକା ବାହାରେ କାମ କରିବା ସୁରକ୍ଷିତ ନ ଥିବାରୁ ଏହା ଉପରେ ସରକାର ଅଧିକ ଯତ୍ନଶୀଳ ହେବା ଦରକାର,’’ କହିଛନ୍ତି ଡଲି।

କାରଖାନା ଆଇନର କିଛି ବ୍ୟବସ୍ଥାକୁ ସଂଶୋଧନ କରି ନୂଆ ଗାଇଡ଼ଲାଇନ ଜାରି କରିଛନ୍ତି ରାଜ୍ୟ ସରକାର । ସନ୍ଧ୍ୟା ୭ତାରୁ ସକାଳ ୬ଟା, ଅର୍ଥାତ ରାତିରେ, ମହିଳାମାନେ ଛୋଟ ବଡ଼ ସଂସ୍ଥା, କମ୍ପାନୀ, କଳ କାରଖାନା ବା କର୍ପୋରେଟ ହାଉସରେ କାମ କରିପାରିବେ ବୋଲି ଦିଆଯାଇଛି ଅନୁମତି । ସମସ୍ତ ପ୍ରକାର ସୁବିଧା ସାଙ୍ଗକୁ କୌଣସି ଅସୁବିଧା ହେଲେ ସମ୍ପୃକ୍ତ ସଂସ୍ଥା ଏହାର ଉତ୍ତରଦାୟୀ ହେବ ବୋଲି ନିୟମ ରହିଛି । ତେବେ ଏଥିରେ ମହିଳାଙ୍କ ସହମତି ଆବଶ୍ୟକ । କୌଣସି ସଂସ୍ଥା କିମ୍ବା କମ୍ପାନୀ କାହାକୁ ରାତିରେ କାମ କରିବାକୁ ବାଧ୍ୟ କରିପାରିବେ ନାହିଁ ।

ଗୋଟିଏ ପଟେ ମହିଳାଙ୍କୁ ସଶକ୍ତ କରିବା ପାଇଁ ନୂଆ ନୂଆ ନିୟମ ରାଜ୍ୟ ସରକାର ଲାଗୁ କରୁଥିବା ବେଳେ ସୁରକ୍ଷା ଓ ନିରାପତ୍ତାକୁ ଦ୍ବିଗୁଣିତ କଲେ ମହିଳାମାନଙ୍କ ପାଇଁ ଦିନ ରାତି ସବୁ ସମାନ ହେବ ବୋଲି କହିଛନ୍ତି କର୍ମଜୀବୀ ମହିଳାମାନେ।

ଏହା ବି ପଢ଼ନ୍ତୁ:

ହ୍ରିତିକ ରୋଶନଙ୍କ ଭଉଣୀ ବଲିଉଡରେ ଡେବ୍ୟୁ କରୁଛନ୍ତି; ଅଭିନେତା କହିଲେ: ‘ତୁମ ପାଇଁ ଗର୍ବିତ’

ଅଭିନେତ୍ରୀ ପୂଜା ହେଗଡ଼େଙ୍କ ଇନଷ୍ଟାଗ୍ରାମ୍ ଆକାଉଣ୍ଟ ହ୍ୟାକ୍ ହେଲା; ରାତି ଅଧରେ ଟ୍ୱିଟ୍ କଲେ

ଭାରତ ଓ ଚୀନ୍ ମଧ୍ୟରେ ଆମେରିକା ମଧ୍ୟସ୍ଥତା କରିବ ବୋଲି ଟ୍ରମ୍ପ୍ ପ୍ରସ୍ତାବ ଦେଲେ

‘ପାତାଲ୍ ଲୋକ୍’ରେ ‘‘ଲିଙ୍ଗଭେଦ ମନ୍ତବ୍ୟ’’ ପାଇଁ ଅନୁଷ୍କା ଶର୍ମାଙ୍କ ବିରୋଧରେ ଅଭିଯୋଗ

ଇମ୍ରାନ ହାଶମୀଙ୍କୁ ଚୁମା ଦେଉଥିବା ବେଳେ ଏହି ଅଭିନେତ୍ରୀ ନିଜ ମମି ପାପାଙ୍କୁ ମନେ ପକାଉଥିଲେ

ମାତ୍ର ୪ ଦିନର ପୋଷାକ ସହିତ ଆବୁଧାବିରେ ୨ ମାସ ହେଲା ଅଟକି ରହିଛନ୍ତି ଅଭିନେତ୍ରୀ ମଉନି ରାୟ

ଭାରତ ଓ ନେପାଳ ମଧ୍ୟରେ ମାନଚିତ୍ରକୁ ନେଇ ବିବାଦ; ମନୀଷା କୋଇରାଲା ନେପାଳକୁ ସମର୍ଥନ କଲେ

ଅର୍ଦ୍ଧ-ଉନ୍ମୁକ୍ତ ବକ୍ଷ; ଏକ ବ୍ଲାକ୍-ଆଣ୍ଡ୍-ହ୍ୱାଇଟ୍ ଫଟୋସୁଟରେ ସୁପର୍ ହଟ୍ କଙ୍ଗନା ରାଣାୱତ୍

ସନ୍ନି ଲିଓନଙ୍କ ଡ୍ରିମ୍ କାର୍ ହେଉଛି ଅଟୋମେଟିକ୍ ଗିଅର୍ ଥିବା ଗୋଲାପୀ ରଙ୍ଗର ଆମ୍ବାସାଡର୍

ଇଏ ମାଲକାନଗିରିର ବିଶାଖା; ତା’ ପତି ସାଇକେଲରେ ଚେନ୍ନାଇରୁ ଘରକୁ ଫେରିବା ବାଟରେ ମରିଗଲା

କରୋନା ସଂକ୍ରମିତର ଶବକୁ ଅଧା ଜଳେଇ ଛାଡ଼ିଗଲେ ଲୋକେ; କୁଆ ଓ କୁକୁର ଟାଣି ଖାଇଲେ

କରୋନା ଭାଇରସ୍ ସଙ୍କଟ ଉପରେ ୬୧ଟି ଦେଶର ତଦନ୍ତ ପ୍ରୟାସରେ ଭାରତ ଯୋଗ ଦେଲା

୧୫ ଜୁନ୍ ପାଖାପାଖି ସପିଂ ମଲ୍ ଓ ସିନେମା ହଲ୍ ଖୋଲିପାରେ; ଲାଗୁ ହେବ ଏହି ନୂଆ ନିୟମ
First published: May 31, 2020, 5:50 PM IST
corona virus btn
corona virus btn
Loading