ଓଡ଼ିଶା

CHANGE LANGUAGE

ଓଡ଼ିଆ

ENGLISH हिन्दी বাংলা ગુજરાતી ಕನ್ನಡ தமிழ் മലയാളം मराठी తెలుగు ਪੰਜਾਬੀ اردو অসমীয়া

WATCH LIVE TV

Download App

FOLLOW US

ସମ୍ବଲପୁର: ଯାଇଥିଲେ ଗାଁ ମୁଣ୍ଡରେ ଥିବା ଖେତକୁ; ଜଙ୍ଗଲୀ ହାତୀ ଆକ୍ରମଣରେ ପ୍ରାଣ ଗଲା

ହାତୀ ଆକ୍ରମଣରେ ମହିଳାଙ୍କ ମୃତ୍ୟୁ ପରେ ତାଙ୍କ ପରିବାରକୁ କ୍ଷତି ପୂରଣ ଦେବା ଦାବିରେ ଲୋକଙ୍କ ଉତ୍ତେଜନା ଦେଖାଦେଇଥିଲା । ଏଠି ସାତ ଦିନ ଭିତରେ ଜଙ୍ଗଲୀ ହାତୀ ଆକ୍ରମଣରେ ଏହା ଦ୍ୱିତୀୟ ମୃତ୍ୟୁ ।

ଲୋକଙ୍କ ଉତ୍ତେଜନା ଯୋଗୁଁ ପୋଲିସ ଓ ବନ ବିଭାଗ ଅଧିକାରୀ ଆସି ପହଞ୍ଚିଛନ୍ତି ।

News18 Odia
Last Updated: May 29, 2020, 10:55 PM IST

News18 Odia Digital

ସମ୍ବଲପୁର: ସମ୍ବଲପୁର ଜିଲ୍ଲା ରେଢାଖୋଲ ଉପଖଣ୍ଡ ନାକ୍ଟିଦେଉଳ ରେଞ୍ଜର ହିତସରା ଗାଁରେ ହାତୀ ଆକ୍ରମଣରେ ଜଣେ ମହିଳାଙ୍କ ମୃତ୍ୟୁ ହୋଇଛି । ମୃତକ ଜଣକ ହେଲେ ସେହି ଗାଁର ପ୍ରମିଳା ଦେହୁରୀ । ସେ ଆଜି ତାଙ୍କ ଗାଁ ମୁଣ୍ଡରେ ଥିବା ଖେତକୁ ଯାଇଥିବା ବେଳେ ଜଙ୍ଗଲୀ ହାତୀ ତାଙ୍କୁ ଆକ୍ରମଣ କରିଥିଲା ।

ହାତୀ ଆକ୍ରମଣ ଯୋଗୁଁ ଘଟଣା ସ୍ଥଳରେ ପ୍ରମିଳାଙ୍କର ମୃତ୍ୟୁ ହୋଇଥିଲା । ସ୍ଥାନୀୟ ଅଞ୍ଚଳରେ ମୃତକଙ୍କ ପରିବାରକୁ କ୍ଷତି ପୂରଣ ଦେବା ଦାବିରେ କିଛି ସମୟ ପାଇଁ ଉତ୍ତେଜନା ଦେଖାଦେଇଥିଲା । ଘଟଣା ସ୍ଥଳରେ ନାକ୍ଟିଦେଉଳ ଥାନା ଆଇ.ଆଇ.ସି. ଏବଂ ଫରେଷ୍ଟ ରେଞ୍ଜର ପହଞ୍ଚି କ୍ଷତି ପୂରଣ ଦେବାପାଇଁ ପ୍ରତିଶୃତି ଦେଇଥିଲେ । ତା’ପରେ ଉତ୍ତେଜନା ଥମିଥିଲା ।

ସ୍ଥାନୀୟ ଅଞ୍ଚଳରେ ବାରମ୍ବାର ଜଙ୍ଗଲୀ ହାତୀ ଆକ୍ରମଣରେ ଜୀବନ ହାନୀ ହେଉଛି । ସାତ ଦିନ ମଧ୍ୟରେ ଜଙ୍ଗଲୀ ହାତୀ ଆକ୍ରମଣରେ ଏହା ଦ୍ୱିତୀୟ ମୃତ୍ୟୁ ଘଟଣା । ଗତ ୨୩ ତାରିଖ ଦିନ ଭେଟିଆବେନି ଗାଁରେ ହାତୀ ଆକ୍ରମଣରେ ଜଣଙ୍କର ମୃତ୍ୟୁ ହୋଇଥିଲା । ନିକଟସ୍ଥ ଜଙ୍ଗଲରେ ରହୁଛନ୍ତି ବଣୁଆ ହାତୀ ପଲ । ବେଳେ ଗାଁ ଭିତରକୁ ପସି ଆସୁଛନ୍ତି । ହାତୀ ଆକ୍ରମଣ ଯୋଗୁ ମୃତ୍ୟୁ ବରଣ କରୁଛନ୍ତି ଗାଁ ଲୋକ । ଏହାର ସ୍ଥାୟୀ ପ୍ରତିକାର କରିବା ପାଇଁ ହିତସରା ଗ୍ରାମବାସୀ ଦାବି କରିଛନ୍ତି ।