ଭୋଡ଼ାଫୋନର ନୂଆ ୯୯ ଟଙ୍କାର ପ୍ଲାନରେ ମିଳୁଛି ଅନଲିମିଟେଡ କଲିଂ ସହ ୧ଜିବିର ଡାଟା

ଭୋଡ଼ାଫୋନ ତାର ୟୁଜର୍ସମାନଙ୍କ ଲାଗି ନୂଆ ପ୍ଲାନ ଆଣିଛି ଯେଉଁଥିରେ ମାତ୍ର ୯୯ଟଙ୍କାରେ ଅସୀମିତ କଲିଂ ସହ ଡାଟା ମଧ୍ୟ ମିଳୁଛି । ଏହି ପ୍ଲାନ ଲଞ୍ଚ କରି ଭଡ଼ାଫୋନ ପୁଣିଥରେ ମାର୍କେଟରେ ନିଜର ସ୍ଥିତିକୁ ଦୃଢ଼ କରିବାକୁ ଯୋଜନା କରିଛି ।

ଭୋଡ଼ାଫୋନର ନୂଆ ୯୯ ଟଙ୍କାର ପ୍ଲାନରେ ମିଳୁଛି ଅନଲିମିଟେଡ କଲିଂ ସହ ୧ଜିବିର ଡାଟା
ଭୋଡ଼ଫୋନର ଲଗୋ
  • News18 Odia
  • Last Updated: January 15, 2020, 5:17 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ମୁମ୍ବାଇ: ଟେଲିକମ୍ କମ୍ପାନୀମାନେ ଗ୍ରାହକମାନଙ୍କ ପାଖରେ ପହଞ୍ଚିବା ଲାଗି ଲଗାତାର ନୂଆ ନୂଆ ଟାରିଫ ପ୍ଲାନ ଲଞ୍ଚ କରୁଥିବାବେଳେ ଏହି କ୍ରମରେ ଭୋଡ଼ାଫୋନ ଗ୍ରାହକଙ୍କ ପାଇଁ ଦୁଇଟି ନୂଆ ପ୍ଲାନ ଲଞ୍ଚ କରିଛି ଯେଉଁଥିରେ ଏକ ପ୍ଲାନ ୧୦୦ଟଙ୍କାରୁ କମ୍ ରହିଛି । ଏହି ଦୁଇଟି ପ୍ଲାନରେ ଫ୍ରି ଅନଲିମିଟେଡ କଲିଂ ସହ ଗ୍ରାହକଙ୍କୁ ଡାଟା ବେନିଫିଟ୍ ମଧ୍ୟ ମଳିବ ।

ନୂଆ ୯୯ ଟଙ୍କିଆ ପ୍ଲାନରେ ବ୍ୟବହାରକାରୀଙ୍କୁ ୧୮ଦିନର ଭାଲିଡିଟି ମିଳିବ । ଏହି ପ୍ଲାନରେ ସମସ୍ତ ନେଟଓ୍ବାର୍କକୁ ଫ୍ରି କଲିଂ କରାଯାଇ ପାରିବା ସହ ଗ୍ରାହକ ପ୍ରତିଦିନ ୧୦୦ଟି ଏସ୍ଏମ୍ଏସ୍ କରିପାରିବେ । ଏହା ଛନା ପୂରା ପ୍ଲାନ ସମୟରେ ୧ଜିବିର ଡାଟା ମଧ୍ୟ ମିଳିବ । ଏଥିରେ ଭୋଡ଼ାଫୋନ ପ୍ଲେର କମ୍ପ୍ଲିମେଣ୍ଟାରୀ ସବସ୍କ୍ରିପସନ୍ ସହ ୯୯୯ ଟଙ୍କାର ଜି୫ର ସବସ୍କ୍ରିପସନ ମଧ୍ୟ ମିଳିପାରିବ । ଭଡ଼ାଫୋନର ଏହି ନୂଆ ପ୍ଲାନ ବର୍ତ୍ତମାନ କଲିକତା, ଓଡ଼ିଶା, ରାଜସ୍ଥାନ, ତାମିଲନାଡୁ, ପୂର୍ବ ଏବଂ ପଶ୍ଚିମ ଉତ୍ତରପ୍ରଦେଶ ସହ ପଶ୍ଚିମ ବଙ୍ଗରେ ଉପଲବ୍ଧ ହେବ ।

ସେହିପରି ୫୫୫ଟଙ୍କା ପ୍ଲାନରେ ବ୍ୟବହାରକାରୀଙ୍କୁ ୭୦ଦିନର ଭ୍ୟାଲିଡିଟି ମିଳିବା ସହ ସମସ୍ତ ନେଟଓ୍ବାର୍କକୁ ଅନଲିମିଟେଡ କଲିଂ ସୁବିଧା ମିଳିପାରିବ । ଏଥିରେ ୧.୫ ଜିବିର ଡାଟା ସହ ୧୦୦ଟି ଫ୍ରି ଏସ୍ଏମ୍ଏସ୍ ମିଳିବ । ପ୍ଲାନରେ ଏଡିସନାଲ ବେନିଫିଟ୍ ଭାବେ ଭୋଡ଼ାଫୋନ ପ୍ଲେରୁ ଜୀ୫ର ଫ୍ରି ସବସ୍କ୍ରିପସନ୍ ମିଳିପାରିବ । ଭୋଡ଼ାଫୋନର ଏହି ପ୍ଲାନ କେବଳ ମୁମ୍ବାଇରେ ଉପଲବ୍ଧ ହେଉଛି ।

ଟେଲିକମ୍ ଟକର ରିପୋର୍ଟ ମୁତାବକ ୯୯ଟଙ୍କାର ପ୍ଲାନ ଭୋଡ଼ାଫୋନର ୧୪୯ଟଙ୍କିଆ ପ୍ଲାନ ଭଳି । କେବଳ ଏହାର ଭ୍ୟାଲିଡିଟି ପିରିୟଡ଼ କମ୍ କରିଦିଆଯାଇଛି । ସେହିପରି ୧୪୯ଟଙ୍କାର ପ୍ଲାନରେ ୨ ଜିବି ଡାଟା ସହିତ ୨୮ ଦିନର ଭ୍ୟାଲିଡିଟି ମଧ୍ୟ ରହୁଛି । ସେହିପରି ୫୫୫ ଟଙ୍କାର ପ୍ଲାନ ଟି ୫୯୮ଟଙ୍କାର ପ୍ଲାନ ଭଳି । ୫୯୮ଟଙ୍କାର ପ୍ଲାନରେ ୮୪ ଦିନର ଭ୍ୟାଲିଡିଟି ଥିବାବେଳେ ୫୫୫ ଟଙ୍କାର ପ୍ଲାନରେ ୭୦ ଦିନର ଭ୍ୟାଲିଡିଟି ମିଳୁଥିବା ଜଣାପଡ଼ୁଛି ।
First published: January 15, 2020, 5:17 PM IST