୫୨ ଦିନ ବ୍ୟବଧାନରେ ଯାଆଁଳା ଶିଶୁ ଜନ୍ମ; ମାଆ ଓ ଶିଶୁଙ୍କ ଜୀବନ ବଞ୍ଚାଇଲେ କିମ୍ସ ଡାକ୍ତର

ପ୍ରଭାତୀ ପାଇଲେ ନୂଆ ଜୀବନ। ଦୀର୍ଘ ୫୨ ଦିନ ଧରି କିମ୍ସ ଡାକ୍ତର ଅକ୍ଳାନ୍ତ ପରିଶ୍ରମ କରି ମାଆ ଓ ଶିଶୁର ଜୀବନ ବଞ୍ଚାଇବାରେ ସଫଳ ହୋଇଛନ୍ତି ।

୫୨ ଦିନ ବ୍ୟବଧାନରେ ଯାଆଁଳା ଶିଶୁ ଜନ୍ମ; ମାଆ ଓ ଶିଶୁଙ୍କ ଜୀବନ ବଞ୍ଚାଇଲେ କିମ୍ସ ଡାକ୍ତର

୫୨ ଦିନ ବ୍ୟବଧାନରେ ଯାଆଁଳା ଶିଶୁ ଜନ୍ମ; ମାଆ ଓ ଶିଶୁଙ୍କ ଜୀବନ ବଞ୍ଚାଇଲେ କିମ୍ସ ଡାକ୍ତର

  • News18 Odia
  • Last Updated :
  • Bhubaneswar, India
  • Share this:
News 18 Odia Digital

ଭୁବନେଶ୍ୱର; ଗର୍ଭରେ ଯାଆଁଳା ଶିଶୁ ଥିବା ନେଇ ଜଣା ପଡ଼ିବା ପରେ ଗତ ଅକ୍ଟୋବର ମାସରେ ଜଣେ ମହିଳା ପ୍ରଥମ ମୃତ ଶିଶୁକୁ ଜନ୍ମ ଦେଇଥିଲେ। ଅନ୍ୟ ଶିଶୁଟି ଡିସେମ୍ବର ମାସରେ ଜନ୍ମ ଗ୍ରହଣ କଲା। ଦୀର୍ଘ ୫୨ ଦିନ ଧରି କିମ୍ସ ଡାକ୍ତର ଅକ୍ଳାନ୍ତ ପରିଶ୍ରମ କରି ମାଆ ଓ ଶିଶୁର ଜୀବନ ବଞ୍ଚାଇବାରେ ସଫଳ ହୋଇଛନ୍ତି । ମାଆ ମେଦବହୁଳତା, ରକ୍ତଚାପ ଓ ମଧୁମେହ ରୋଗରେ ପୀଡ଼ିତ ଥିଲେ ମଧ୍ୟ କିମସ୍ ଡାକ୍ତରଙ୍କ ଯୋଗୁଁ ନୂଆ ଜୀବନ ପାଇ ଉଭୟ ମାଆ ଓ ଶିଶୁ ଏବେ ସୁସ୍ଥ ଅଛନ୍ତି।ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ମାଆ ଆଇଭିଏଫ୍‍ ପ୍ରକ୍ରିୟାରେ ଗର୍ଭଧାରଣ କରିଥିଲେ। ଓଡ଼ିଶା ସ୍ୱାସ୍ଥ୍ୟସେବା ଇତିହାସରେ ଦୀର୍ଘ ବ୍ୟବଧାନରେ ଯାଆଁଳା ଶିଶୁ ଜନ୍ମ ଗ୍ରହଣ କରିବା ଓ ବିନା ଅସ୍ତ୍ରୋପଚାରରେ ପ୍ରସବ ହେବା ପ୍ରଥମ ଘଟଣା।

କଟକ ଜିଲ୍ଲା କେନ୍ଦୁପାଟଣାର ପ୍ରଭାତି ବେଉରା (୩୧)ଙ୍କ ଗର୍ଭ ଯନ୍ତ୍ରଣା ହେବାରୁ ଗତ ଅକ୍ଟୋବର ୨୮ତାରିଖରେ ସେ କିମ୍ସ ଡାକ୍ତରଙ୍କୁ ସାକ୍ଷାତ କରିଥିଲେ। ପରୀକ୍ଷା ପରେ ପ୍ରଭାତିଙ୍କ ପେଟରେ ଯାଆଁଳା ଶିଶୁ ଥିବା ଜଣାପଡ଼ିଲା ଓ ଅକ୍ଟୋବର ୨୯ତାରିଖରେ ପ୍ରଭାତିଙ୍କ ସାଧାରଣ ପ୍ରସବ ହୋଇ ଏକ ମୃତ ଶିଶୁ କନ୍ୟା ଜନ୍ମ ହୋଇଥିଲା। ଅନ୍ୟ ଶିଶୁଟି ଅପରିପକ୍ୱ ଥିବାରୁ ଓ ସାଧାରଣ ଭାବେ ପ୍ରସବ ନନେବାରୁ ଡାକ୍ତରମାନେ ତାକୁ ପ୍ରଭାତିଙ୍କ ପେଟରେ ଯତ୍ନ ସହକାରେ ଚିକିତ୍ସା ମଧ୍ୟରେ ରଖିବାକୁ ବାଧ୍ୟ ହୋଇଥିଲେ। ମାଆଙ୍କଠାରେ ମେଦବହୁଳତା, ରକ୍ତଚାପ ଓ ମଧୁମେହ ଥିଲା । ଡାକ୍ତରମାନେ ଜୀବନ ରକ୍ଷାକାରୀ ଔଷଧ ଜରିଆରେ ଉଭୟ ମାଆ ଓ ଛୁଆର ଯତ୍ନ ନେଲେ। ଆଇଭିଏଫ୍‍ ପ୍ରକ୍ରିୟାରେ ଗର୍ଭଧାରଣ ହୋଇଥିବାରୁ ଉଭୟ ଶିଶୁଙ୍କ ଗର୍ଭନାଡ଼ ଅଲଗା ହୋଇଯାଇଥିଲା। ଏହାର ସୁଯୋଗ ନେଇଥିଲେ କିମ୍ସ  ଡାକ୍ତର । ଉଭୟ ମାଆ ଓ ଶିଶୁଙ୍କୁ ବଞ୍ଚାଇବାରେ ସଫଳ ହୋଇଥିଲେ । ଡିସେମ୍ବର ୧୯ରେ ଦୀର୍ଘ ୫୨ ଦିନ ବ୍ୟବଧାନରେ ଅନ୍ୟତମ ପୁତ୍ର ସନ୍ତାନ ପ୍ରସବ କରିଥିଲେ। ମୃତ ଶିଶୁ କନ୍ୟା ୫୫୦ ଗ୍ରାମ ଥିବା ବେଳେ ପୁତ୍ର ସନ୍ତାନଟି ୧କେଜି ୩୭୦ ଗ୍ରାମ ରହିଛି। ଏବେ ଶିଶୁଟି ଏନ୍ଆଇସିୟୁରେ ରହିଛି।

ଏଭଳି ଏକ ବିରଳ ଚିକିତ୍ସାକୁ ଚ୍ୟାଲେଞ୍ଜ ଭାବେ ଗ୍ରହଣ କରିଥିଲେ କିମ୍ସ  ସ୍ତ୍ରୀରୋଗ ବିଭାଗୀୟ ମୁଖ୍ୟ ଡା ଜ୍ୟୋତ୍ସ୍ନାମୟୀ ପଣ୍ଡା, ଡା ପ୍ରମିଳା ଜେନା ଓ ତାଙ୍କ ଡାକ୍ତରୀ ଦଳ। କିମ୍ସରରେ ଅଧିକ ବିପଦ ସମ୍ଭାବନା ଥିବା ଗର୍ଭବତୀ ମହିଳାଙ୍କ ଚିକିତ୍ସା ପରିଚାଳନା ପାଇଁ ଏକ ହାଇରିସ୍କ ଅନୁଧ୍ୟାନ କମିଟି ରହିଛି। ଏହି କମିଟିରେ ବିଭିନ୍ନ ବିଭାଗର ବିଶେଷଜ୍ଞମାନେ ରହିଛନ୍ତି। ଏହି କମିଟି କିମ୍ସ ମୌଳିକ ରୋଗୀ ଚିକିତ୍ସା ନୀତି ଆଧାରରେ ଏଭଳି ଗର୍ଭବତୀ ମହିଳାଙ୍କ ଚିକିତ୍ସା ଓ ଯତ୍ନ ନିମନ୍ତେ ଆବଶ୍ୟକ ନିଷ୍ପତ୍ତି ନେଇଥାନ୍ତି । ଉଭୟ ମାଆ ଓ ଶିଶୁ ସୁସ୍ଥ ଥିଲେ ମଧ୍ୟ ଶିଶୁର ଓଜନ ବଢ଼ି ୧କେଜି ୭୫୦ଗ୍ରାମ ହେବା ପର୍ଯ୍ୟନ୍ତ ଆଉ କିଛିଦିନ ଶିଶୁକୁ ନିରୀକ୍ଷଣରେ ରଖାଯିବ ବୋଲି କିମ୍ସ ଶିଶୁରୋଗ ବିଶେଷଜ୍ଞ ଡା ସନ୍ତୋଷ ପଣ୍ଡା ଓ ଡା ମାନସ ନାୟକ ପ୍ରକାଶ କରିଛନ୍ତି। ଏଭଳି ଏକ ବିରଳ ସଫଳ ଚିକିତ୍ସା କରିଥିବାରୁ କିଟ୍‍ ଓ କିସ୍‍ ପ୍ରତିଷ୍ଠାତା ଅଚ୍ୟୁତ ସାମନ୍ତ ସଂପୃକ୍ତ ଡାକ୍ତରୀ ଦଳକୁ ସାଧୁବାଦ ଜଣାଇବା ସହ ଉଭୟ ମାଆ ଓ ଶିଶୁଙ୍କ ଆରୋଗ୍ୟ କାମନା କରିଛନ୍ତି।
Published by:Soubhagya Mishra
First published: