ବୌଦ୍ଧ:୫୦ରୁ ଅଧିକ ବନ କର୍ମଚାରୀ ଯାଉଥିବା ବେଳେ ବିସ୍ଫୋରଣ ହେଲା ଲ୍ୟାଣ୍ଡମାଇନ୍‌

News18 Odia Digital

ବୌଦ୍ଧ: ବୌଦ୍ଧରେ ଆଜି ବଡ଼ ଦୁର୍ଘଟଣାରୁ ବର୍ତ୍ତି ଯାଇଛନ୍ତି ବନ କର୍ମଚାରୀ। ଜିଲ୍ଲାରେ ସାତ ରାଉଣ୍ଡ ଲ୍ୟାଣ୍ଡମାଇନ୍ ବିସ୍ଫୋରଣ ହୋଇଛି, ଯେଉଁଥିରେ ୫୦ରୁ ଅଧିକ ବନକର୍ମଚାରୀ ଅଳ୍ପକେ ବର୍ତ୍ତିଯାଇଛନ୍ତି । ବନବିଭାଗ ଗାଡି ନଷ୍ଟ କରିବା ପାଇଁ ଲ୍ୟାଣ୍ଡମାଇନ ଲଗାଯାଇଥିଲା ବୋଲି ସନ୍ଦେହ କରୁଛି ବିଭାଗ।

ବୌଦ୍ଧ ଜିଲ୍ଲା ଲକଡ଼ପାଜୁ ଜଙ୍ଗଲରେ ଗଞ୍ଜେଇ ଗଛ ନଷ୍ଟ କରିବା ପାଇଁ ବନ କର୍ମଚାରୀ ଯାଇଥିଲେ। ଏହି ସମୟରେ ଲ୍ୟାଣ୍ଡମାଇନ୍ ବିସ୍ଫୋରଣ ହୋଇଥିଲା। କିନ୍ତୁ ସୌଭାଗ୍ୟବଶତଃ ଏଥିରୁ ୫୦ ଜଣ ବନ କର୍ମଚାରୀ ଓ ସୁରକ୍ଷାକର୍ମୀ ଅଳ୍ପକେ ବର୍ତ୍ତି ଯାଇଛନ୍ତି। ଗଞ୍ଜେଇ ଗଛ କାଟି ନପାରି ଜଙ୍ଗଲରୁ ଫେରି ଆସିଛନ୍ତି ବନବିଭାଗ କର୍ମଚାରୀ। ଘଟଣାସ୍ଥଳରୁ ବିସ୍ପୋରକ ସାମଗ୍ରୀ ଓ କିଛି ତାର ଜବତ ହୋଇଛି।