ଜୀବନର ଶେଷ ଖେଳ 'କ୍ରିକେଟ'; ମ୍ୟାଚ ଖେଳି ଫେରିବା ବାଟରେ ୩ ବନ୍ଧୁଙ୍କ ଦେହାନ୍ତ

କ୍ରିକେଟ ଖେଳି ଖୁସି ମନରେ ଘରକୁ ଫେରୁଥିଲେ ୩ସାଙ୍ଗ । କିଏ ଜାଣିଥିଲା ବାଟରେ ଅପେକ୍ଷା କରିଛି ମୃତ୍ୟୁ । ସାରା ରାଜ୍ୟର କ୍ରିକେଟପ୍ରେମୀଙ୍କ ମନରେ ଦୁଃଖ ଆଣିଦେଇଛି ଏହି ଖବର ।

ଜୀବନର ଶେଷ ଖେଳ 'କ୍ରିକେଟ'; ମ୍ୟାଚ ଖେଳି ଫେରିବା ବାଟରେ ୩ ବନ୍ଧୁଙ୍କ ଦେହାନ୍ତ

ଜୀବନର ଶେଷ ଖେଳ 'କ୍ରିକେଟ'; ମ୍ୟାଚ ଖେଳି ଫେରିବା ବାଟରେ ୩ ବନ୍ଧୁଙ୍କ ଦେହାନ୍ତ

  • News18 Odia
  • Last Updated :
  • Kalahandi, India
  • Share this:
News 18 Odia Digital

କଳାହାଣ୍ଡି; କ୍ରିକେଟ ମ୍ୟାଚ ଖେଳିବାକୁ ଯାଇଥିଲେ ୩ଜଣ ବନ୍ଧୁ । ଖେଳ ସରିବା ପରେ ବାଇକ ଚଳାଇ ଘରକୁ ଫେରିବା ସମୟରେ ଘଟିଗଲା ଦୁର୍ଘଟଣା । ଫଳରେ ଘଟଣାସ୍ଥଳରେ ୩ଜଣ ଯୁବକଙ୍କର ଅକାଳରେ ଜୀବନ ଚାଲିଯାଇଛି ।

ସୂଚନା ମୁତାବକ, କଳାହାଣ୍ଡି ଭବାନୀପାଟଣା ରକାବାହାଳି ଗ୍ରାମର ରଘୁ ଗୌଡ, ଅକ୍ଷୟ ଗୌଡ, ଏବଂ ଟୁଟୁ ଗୌଡ ନିକଟସ୍ଥ ଉତକେଲା ଅଞ୍ଚଳକୁ କ୍ରିକେଟ ମ୍ୟାଚ ଖେଳିବାକୁ ଯାଇଥିଲେ । ଖେଳ ସରିବା ପରେ ୨୬ନମ୍ୱର ଏନଏଚରେ ୩ଜଣ ଘରକୁ ଫେରୁଥିଲେ । ଉକ୍ତ ସମୟରେ ପାଷ୍ଟିକୁଡି ପାଖରେ ଗୋଟିଏ ଟ୍ରକ ସହ ଧକ୍କା ହୋଇଥିଲା । ଦୁର୍ଘଟଣା ଏତେ ଭୟଙ୍କର ଥିଲା ଯେ, ଘଟଣାସ୍ଥଳରେ ହିଁ ସମସ୍ତଙ୍କର ପ୍ରାଣବାୟୁ ଉଡିଯାଇଥିଲା ।

ଦୁର୍ଘଟଣା ଘଟାଇବା ପରେ ଘଟଣାସ୍ଥଳରୁ ଟ୍ରକ ଡ୍ରାଇଭର ଫେରାର ହୋଇଯାଇଥିବା ସୂଚନା ମିଳିଛି । ତେବେ ସ୍ଥାନୀୟ ଲୋକେ ମୁଖ୍ୟରାସ୍ତାକୁ ଅବରୋଧ କରିବା ସହ କ୍ଷତିପୂରଣ ଦାବି କରିଛନ୍ତି । କଳାହାଣ୍ଡି ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ ମଧ୍ୟ ସ୍ଥାନୀୟ ଲୋକେ ଉତ୍ତ୍ୟକ୍ତ ଅବସ୍ଥାରେ ଥିବାରୁ ଅବରୋଧରୁ ହଟୁନଥିବା ଜଣାପଡିଛି ।
Published by:Soubhagya Mishra
First published: