ହୋମ୍ » ଓଡ଼ିଶା ନ୍ୟୁଜ୍ » ଓଡ଼ିଶା»ଗଣେଶ ପୂଜା ପାଇଁ ଗାଇଡ଼ ଲାଇନ ଜାରି କଲେ ରାଜ୍ଯ ସରକାର; ନୂଆ ନିୟମକୁ ନେଇ ଚିନ୍ତାରେ ଶ୍ରଦ୍ଧାଳୁ

ଗଣେଶ ପୂଜା ପାଇଁ ଗାଇଡ଼ ଲାଇନ ଜାରି କଲେ ରାଜ୍ଯ ସରକାର; ନୂଆ ନିୟମକୁ ନେଇ ଚିନ୍ତାରେ ଶ୍ରଦ୍ଧାଳୁ

କରୋନା ମହାମାରୀ ସମୟରେ ଗଣେଶ ପୂଜା ପାଳନ କରିବା ଚିନ୍ତାରେ ବିଷୟ ପାଲଟିଛି । ଗଣେଶ ପୂଜା ପାଳନ ନେଇ ବିଏମସିର ମାର୍ଗଦର୍ଶକା ଯେଉଁ ସବୁ ଗଣେଶ ପୂଜା ଅବସରରେ ମଣ୍ଡପରେ ସର୍ବସାଧାରଣଙ୍କୁ ଅନୁମତି ଦିଆଯିବ ନାହିଁ |

ଗଣେଶ ପୂଜା ପାଇଁ ଗାଇଡ଼ ଲାଇନ ଜାରି କଲେ ରାଜ୍ଯ ସରକାର; ନୂଆ ନିୟମକୁ ନେଇ ଚିନ୍ତାରେ ଶ୍ରଦ୍ଧାଳୁ
ଗଣେଶ ପୂଜା ପାଇଁ ଗାଇଡ଼ ଲାଇନ ଜାରି କଲେ ସରକାର (ପ୍ରତୀକାତ୍ମକ ଛବି)
  • News18 Odia
  • Last Updated: September 2, 2021, 7:47 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: ସେପ୍ଟେମ୍ୱର ମାସରେ ପାଳନ ହେବ ଗଣେଶ ପୂଜା । କରୋନା ମହାମାରୀ ସମୟରେ ଗଣେଶ ପୂଜା ପାଳନ କରିବା ଚିନ୍ତାରେ ବିଷୟ ପାଲଟିଛି । ପାର୍ବଣ ଋତୁକୁ ନେଇ ରାଜ୍ଯ ସରକାର କଟକଣା ଲଗାଇଛନ୍ତି । ଏବର୍ଷ ନା ବାଜା ବାଜିବ ନା ଶ୍ରଦ୍ଧାଳୁମାନେ ଦର୍ଶନ କରିପାରିବେ । ଗହଳି କମ କରିବା ପାଇଁ ଓ କରୋନା ସଂକ୍ରମଣ ହ୍ରାସ କରିବା ପାଇଁ ରାଜ୍ଯ ସରକାର କିଛି ନିୟମ ଲାଗୁ କରିଛନ୍ତି ।

ଗଣେଶ ପୂଜା ପାଳନ ନେଇ ବିଏମସିର ମାର୍ଗଦର୍ଶକା ଯେଉଁ ସବୁ ଗଣେଶ ପୂଜା ଅବସରରେ ମଣ୍ଡପରେ ସର୍ବସାଧାରଣଙ୍କୁ ଅନୁମତି ଦିଆଯିବ ନାହିଁ | ପୂଜା କମିଟି ଓ ଆୟୋଜକମାନେ ସାମାଜିକ ଦୂରତା ଭଳି ସମସ୍ତ COVID-19 ପ୍ରୋଟୋକଲ ଗ୍ରହଣ କରି ମଣ୍ଡପ ପେଣ୍ଡାଲରେ ଗଣେଶ ପୂଜା ପରିଚାଳନା କରିପାରିବେ । ସେମାନଙ୍କୁ ଭୁବନେଶ୍ୱର ପୋଲିସ କମିଶନରଙ୍କ ଦ୍ଵାରା ଅନୁମତି ନେବାକୁ ପଡ଼ିବ । ପୂଜା କେବଳ ରୀତିନୀତି ପାଳନ ପାଇଁ କରାଯିବ । ପୁରୋହିତଙ୍କ ଦ୍ୱାରା ରୀତିନୀତି ଅନୁଯାୟୀ ବ୍ୟବହାର ଉଦ୍ଦେଶ୍ୟରେ ମଣ୍ଡପ ଓ ପାଣ୍ଡାଲଙ୍କୁ ତିନି ପାର୍ଶ୍ୱରେ ଆବଦ୍ଧ ଓ ଗୋଟିଏ ପାର୍ଶ୍ୱରେ ଖୋଲିବାକୁ ପଡ଼ିବ । ଏହି ଚତୁର୍ଥ ପାର୍ଶ୍ୱକୁ ମଧ୍ୟ ସଠିକ୍ ଭାବରେ ଆଚ୍ଛାଦିତ କରାଯିବା ଉଚିତ। ମୂର୍ତ୍ତି ଆକାର ଚାରି ଫୁଟରୁ କମ୍ ହେବା ଉଚିତ୍ |ପୂଜା ସମୟରେ ସାତରୁ ଅଧିକ ବ୍ୟକ୍ତି ଅନୁମତି ରହିବେ ନାହିଁ । ଉପସ୍ଥିତ ସମସ୍ତଙ୍କୁ କଡ଼ା COVID-19 ପ୍ରୋଟୋକଲଗୁଡ଼ିକ ଅନୁସରଣ କରିବାକୁ ପଡ଼ିବ।  ଆୟୋଜକମାନେ ନିଶ୍ଚିତ କରିବେ ଯେ ପୂଜାପାଠ ପାଳନ ପାଇଁ କେବଳ ଟିକା ଦିଆଯାଇଥିବା ଲୋକଙ୍କୁ ଅନୁମତି ଦିଆଯିବ । ମୂର୍ତ୍ତି ବିସର୍ଜନ ବେଳେ ବିଏମସି ଦ୍ୱାରା ସୃଷ୍ଟି ହେବାକୁ ଥିବା କୃତ୍ରିମ ପୋଖରୀରେ କରିବାକୁ କୁହାଯାଇଛି । ଶିକ୍ଷାନୁଷ୍ଠାନ ଓ କୋଚିଂ ପ୍ରତିଷ୍ଠାନରେ ଗଣେଶ ପୂଜା ଏହିସବୁ ନିୟମ ପାଳନ କରି କରାଯିବ । ସର୍ବାଧିକ ଅଂଶଗ୍ରହଣକାରୀ ସଂଖ୍ୟା କୋଡ଼ିଏ ମଧ୍ୟରେ ରହିବ ଓ ସମସ୍ତଙ୍କୁ COVID-19 ପ୍ରୋଟୋକଲ୍ ପାଳନ କରିବାକୁ ପଡିବ । ପୂଜା ବେଳେ ଭୋଜି / ପ୍ରସାଦ ସେବନକୁ ଅନୁମତି ନାହିଁ ।

"ପୂର୍ବରୁ କେନ୍ଦ୍ର ସରକାରଙ୍କ ଗାଇଡ଼ଲାଇନ ଥିଲା ପାର୍ବଣ ଋତୁ କୁ ନିରାଡ଼ମ୍ବର ଭାବେ ପାଳନ କରିବା। ରାଜ୍ୟ ସରକାରଙ୍କ ଉପରେ ନ୍ୟସ୍ତ ଥିଲା ଡିସିସନ। ରାଜ୍ୟ ସରକାରଙ୍କ ଅନୁମତି କ୍ରମେ ବି ଏମ ସି ଟ୍ଵିନ ସିଟି ପାଇଁ ଗାଇଡ଼ଲାଇନ ଜାରି କରିଛି। ମୁଖ୍ୟ ଉଦ୍ଦେଶ୍ୟ ହେଉଛି ଗହଳି ବା ଭିଡ଼ ନ କରିବା ଓ କୋଭିଡ଼ରୁ ଦୂରେଇ ରହିବା। ସେଥିପାଇଁ କେବଳ ପୂଜା ହେବ ବିଧି ଅନୁଯାୟୀ ଆଉ ସମସ୍ତ ଜିନିଷ ମନା" କହିଛନ୍ତି ବି ଏମ ସି ଜୋନାଲ ଡେପୁଟି କମିଶନର ଅଂଶୁମାନ ରଥ ।

" ଆମେ ୪ ଫୁଟ ଉଚ୍ଚର ମୂର୍ତ୍ତି ସବୁ ନିର୍ମାଣ କରୁଛୁ। ଅଧିକ ଉଚ୍ଚ ପାଇଁ ଅନୁମତି ନାହିଁ କି ଲୋକଙ୍କ ଡ଼ିମାଣ୍ଡ ବି ନାହିଁ। ଏଣୁ ଆଉ ଭେରାଇଟି ମୂର୍ତ୍ତି ତିଆରି ହେଉନାହିଁ କି ବଡ଼ ସାନ ପ୍ରଶ୍ନ ନାହିଁ। ସେହିଭଳି ମୂର୍ତ୍ତି ଚାହିଦା ବି କମିଛି ଯେହେତୁ ଅନେକ ଜାଗାରେ ପୂଜା ହେଉନି" କହିଛନ୍ତି ମୂର୍ତ୍ତି କାରିଗର ତଥା ବ୍ୟବସାୟୀ ସିଧେଶ୍ୱର ନାୟକ ।
Published by: Soumya Das
First published: September 2, 2021, 7:47 PM IST