କୋଭିଡ଼ କଟକଣା ଭିତରେ ପାଳନ ହେଲା ମା' ସମଲେଶ୍ବରୀଙ୍କ ପୀଠରେ ଗଣପର୍ବ 'ନୂଆଖାଇ'

‘‘ନିର୍ଦ୍ଧାରିତ ଲଗ୍ନରେ ଇଷ୍ଟ ଦେବୀ ମା ସମଲେଶ୍ବରୀଙ୍କ ଠରେ ନବାନ୍ନ ଲାଗି ହୋଇଥିଲା । କୋଭିଡ଼ କଟକଣା ଅନୁଯାୟୀ ସମସ୍ତ ପୂଜକ ମାସ୍କ ପରିଧାନ କରି ସରକାରୀ ନିୟମ ମାନି ରିତିନିତି ସମ୍ପର୍ଣ୍ଣ କରିଥିଲେ''

ମା' ସମଲେଶ୍ବରୀଙ୍କ ପୀଠରେ ନିର୍ଦ୍ଧାରିତ ଲଗ୍ନ ଅନୁସାରେ ନବାନ୍ନ ଅର୍ପଣ କରାଯାଇଥିଲେ ।

ମା' ସମଲେଶ୍ବରୀଙ୍କ ପୀଠରେ ନିର୍ଦ୍ଧାରିତ ଲଗ୍ନ ଅନୁସାରେ ନବାନ୍ନ ଅର୍ପଣ କରାଯାଇଥିଲେ ।

  • Share this:
News18 Odia Digital
ସମ୍ବଲପୁର: ଇଶ୍ବରଙ୍କୁ କୃତଜ୍ଞତା ଜ୍ଞାପନର ପର୍ବ ଭାବେ ନୂଆଖାଇ ପାଳନ କରଯାଏ । ନୂଆଖାଇ ଦିନ ନିଜର ଇଷ୍ଟ ଦେବତାଙ୍କ ଠାରେ ନୂତନ ଉତ୍ପାଦିତ ଶସ୍ୟ ପ୍ରଦାନ କରି ପରେ ନିଜେ ଗ୍ରହଣ କରିବା ଓ ଆଗାମୀ ଦିନ ପାଇଁ ଶୁଭ ମନାସିବା ତଥା ଇଶ୍ବରଙ୍କ ଠାରେ ସମର୍ପଣ ଭାବ ରଖିବାର ପର୍ବ ହେଉଛି ନୂଆଖାଇ । ନୂଆଖାଇ ଦିନ ମା' ସମଲେଶ୍ବରୀଙ୍କୁ ଦର୍ଶନ କଲେ ଅନ୍ନକଷ୍ଟରୁ ମୁକ୍ତି ମିଳିଥାଏ ବୋଲି ବିଶ୍ବାସ ରହିଛି । ପଶ୍ଚିମ ଓଡ଼ିଶାର ଆରାଧ୍ୟ ଦେବୀ ମା ସମଲେଶ୍ବରୀଙ୍କ ପୀଠରେ ନିର୍ଦ୍ଧାରିତ ଲଗ୍ନ ଅନୁସାରେ ନବାନ୍ନ ଅର୍ପଣ କରାଯାଇଥିଲେ ।

ଗତକାଲି ପୂର୍ବାହ୍ନ ୯ .୩୫ ମିନିଟରୁ ୯ .୫୦ ମିନିଟ ମଧ୍ୟରେ ସମଲେଶ୍ବରୀ ମନ୍ଦିରର ପୂଜକଗଣ ନୂତନ ଶସ୍ୟରୁ ପ୍ରସ୍ତୁତ ନୈବେଦ୍ୟ ଓ ଅନ୍ୟ ପୂଜା ସାମଗ୍ରୀ ନେଇ ଦେବୀଙ୍କ ମନ୍ଦିରରେ ନିର୍ଦ୍ଧାରିତ ସମୟରେ ପ୍ରବେଶ କରିବା ପରେ ପୂଜାବିଧି ଆରମ୍ଭ ହୋଇଥିଲା । ମାଁଙ୍କୁ ପ୍ରଥମେ ନୂତନ ବସ୍ତ୍ର ପରିଧାନ କରାଇବା ପରେ ନବାନ୍ନ ଅର୍ପଣ କରାଯାଇଥିଲା । ଏହା ପରେ ମନ୍ଦିରରେ ପୂଜା ପାଉଥିବା ଅନ୍ୟ ପାର୍ଶ୍ବ ଦେବାଦେବୀଙ୍କୁ ନବାନ୍ନ ଲାଗି ହୋଇଥିଲା । ନବାନ୍ନ ଲାଗି ପରେ ମାଁଙ୍କ ଠାରେ ମହାଆଳତୀ କରାଯାଇଥିଲା ।

‘‘ନିର୍ଦ୍ଧାରିତ ଲଗ୍ନରେ ଇଷ୍ଟ ଦେବୀ ମା ସମଲେଶ୍ବରୀଙ୍କ ଠରେ ନବାନ୍ନ ଲାଗି ହୋଇଥିଲା । କୋଭିଡ଼ କଟକଣା ଅନୁଯାୟୀ ସମସ୍ତ ପୂଜକ ମାସ୍କ ପରିଧାନ କରି ସରକାରୀ ନିୟମ ମାନି ରିତିନିତି ସମ୍ପର୍ଣ୍ଣ କରିଥିଲେ,'' କହିଛନ୍ତି ମା ସମଲେଶ୍ବରୀ ମନ୍ଦିରର ମୁଖ୍ୟ ପୂଜକ ଅମ୍ବିକା ପ୍ରସାଦ ରାୟ ।

ମନ୍ଦିରର ମୁଖ୍ୟ ପୂଜକ ଅମ୍ବିକା ପ୍ରସାଦ ରାୟ


ଏଥର କୋଭିଡ଼ କଟକଣା ଯୋଗୁଁ ମନ୍ଦିର ସର୍ବ ସାଧାରଣଙ୍କ ଦର୍ଶନ ପାଇଁ ବନ୍ଦ ରହିଥିବା ବେଳେ ମନ୍ଦିର ବାହାରୁ ମନ୍ଦିରର ଧ୍ବଜାକୁ ଦର୍ଶନ କରି କିଛି ଭକ୍ତ ଯାଉଥିବାର ଦେଖା ଯାଇଥିଲା । ଏ ବର୍ଷ ନୂଆଖାଇ କୋରୋନା ପାଇଁ ଫିକା ପଡ଼ିଥିଲା ବୋଲି କହିଛନ୍ତି ସ୍ଥାନୀୟ ଲୋକେ । ତେବେ କେବଳ ପରିବାର ମଧ୍ୟରେ ନୂଆ ଖାଇବା ସହ ଗୁରୁଜନ ମାନଙ୍କଠାରୁ ଆର୍ଶିବାଦ ନେଇ ପାଳନ ହୋଇଥିଲା ଜୁହାର ଭେଟ ।

‘‘ଆମେ ବର୍ଷ ସାରା ଅପେକ୍ଷା କରିଥାଉ ସବୁଠାରୁ ବଡ଼ ପର୍ବ ନୂଆଖାଇକୁ । ହେଲେ ଏ ବର୍ଷ କରୋନା ମହାମରୀ ନୂଆଖାଇକୁ ଫିକା କରିଦେଲା । କେବଳ ଘର ଭିତରେ ହିଁ ପରିବାର ଲୋକଙ୍କ ସହିତ ନୂଆଖାଇ ପାଳନ କଲୁ । ସାଙ୍ଗସାଥିଙ୍କ ସହିତ ହୋଇ ପାରିଲାନି ଭେଟ ଘାଟ ଓ ଆୟୋଜିତ ହେଲା ନାହିଁ ସାସ୍କୃତିକ କାର୍ଯ୍ୟକ୍ରମ,'' କହିଛନ୍ତି ସମ୍ବଲପୁର ବାସିନ୍ଦା କିରନ ରାୟ ।

‘‘ସରକାରଙ୍କ ନିୟମ ଅନୁଯାଇ କୋଭିଡ଼ କଟକଣା ଯୋଗୁ ସମଲେଶ୍ବରୀ ମନ୍ଦିରରେ ଭକ୍ତଙ୍କ ପାଇଁ ଦର୍ଶନ ବନ୍ଦ ରହିଥିବାରୁ ସମଲେଶ୍ବରୀ ମନ୍ଦିର ଟ୍ରଷ୍ଟ ବୋର୍ଡ ପକ୍ଷରୁ ଭକ୍ତମାନଙ୍କର ଦର୍ଶନ ପାଇଁ ମାଙ୍କର ସମସ୍ତ ରିତିନତର ଡିଜିଟାଲ ପ୍ଲାଟଫର୍ମ ଓ ସୋସିଆଲ ମିଡିଆରେ ନୂଆଖାଇର ସିଧା ପ୍ରସାରଣ କରାଯାଇଥିଲା,'' କହିଛନ୍ତି ସମଲେଶ୍ବରୀ ଟ୍ରଷ୍ଟବୋର୍ଡର ସଭାପତି ସଞ୍ଜୟ ବାବୁ ।

କୋଭିଡ଼ କଟକଣା ଯୋଗୁ ଏହି ବର୍ଷ କେବଳ ନିଜ ପରିବାରର ବଡ଼ମାନଙ୍କୁ ଜୁହାର କରି ସାନମାନେ ଆର୍ଶିବାଦ ନେଇଥିବା ପାଳନ କରାଯାଇଥିବା ବେଳେ କୌଣସି ସ୍ଥାନରେ ମଧ୍ୟ ଭେଟ ଘାଟ କାର୍ଯ୍ୟକ୍ରମ ହୋଇ ନାହିଁ ।
Published by:Jagdish Barik
First published: