ବେଳାଭୂମି ଉଠାଦୋକାନୀଙ୍କ ଥଇଥାନ ପ୍ରସଙ୍ଗ; ରାସ୍ତା ରୋକ ପାଇଁ ଚେତାବନୀ ଦେଲେ ଦୋକାନୀ

ଉଠା ଦୋକାନୀମାନଙ୍କୁ ବେଳାଭୂମିରୁ ଉଚ୍ଛେଦ କରିବାକୁ ୧୦ ଦିନ ପୁରୁଣୁ ପୁନଃ ଥଇଥାନ ଦାବିରେ ଆରମ୍ଭ ହୋଇଛି ଆନ୍ଦୋଳନ। ଉଠାଦୋକାନୀଙ୍କ ଉଛେଦକୁ ନେଇ ଶୋଭାଯାତ୍ରା ସହ ଜିଲ୍ଲାପାଳଙ୍କ ଅଫିସ ଘେରାଉ ସହ ଥଇଥାନ ପାଇଁ ଦିଆଯାଇଛି ଦାବିପତ୍ର ।

ଉଠାଦୋକାନୀଙ୍କ ପୁନଃ ଥଇଥାନ ଦାବିରେ ଆରମ୍ଭ ହୋଇଛି ଆନ୍ଦୋଳନ (ପ୍ରତୀକାତ୍ମକ ଛବି)

ଉଠାଦୋକାନୀଙ୍କ ପୁନଃ ଥଇଥାନ ଦାବିରେ ଆରମ୍ଭ ହୋଇଛି ଆନ୍ଦୋଳନ (ପ୍ରତୀକାତ୍ମକ ଛବି)

  • Share this:
News18 Odia Digital

ପୁରୀ: ମହୋଦଧିକୁ ଅବରୋଧ କରୁଥିବା ଉଠା ଦୋକାନୀମାନଙ୍କୁ ବେଳାଭୂମିରୁ ଉଚ୍ଛେଦ କରିବାକୁ ୧୦ ଦିନ ପୁରୁଣୁ ପୁନଃ ଥଇଥାନ ଦାବିରେ ଆରମ୍ଭ ହୋଇଛି ଆନ୍ଦୋଳନ। ଉଠାଦୋକାନୀଙ୍କ ଉଛେଦକୁ ନେଇ ଶୋଭାଯାତ୍ରା ସହ ଜିଲ୍ଲାପାଳଙ୍କ ଅଫିସ ଘେରାଉ ସହ ଥଇଥାନ ପାଇଁ ଦିଆଯାଇଛି ଦାବିପତ୍ର । ସେପଟେ  ପୌରସଂସ୍ଥା ଆଇନ ଅନୁଯାୟୀ ଉଛେଦ କରାଯାଇଛି । ଅନ୍ୟତ୍ର ଥଇଥାନ କରିବା ପାଇଁ  ପଦକ୍ଷେପ ନିଆଯାଉଛି।

"ନିଜ ପେଟପାଟଣା ଓ ପରିବାର ପ୍ରତିପୋଷଣ ପାଇଁ ବେଳାଭୂମିରେ ପୁଣି ଉଠା ଦୋକାନ ପକାଇବା ଦାବି ନେଇ ଆନ୍ଦୋଳନକୁ ଓହ୍ଲାଇଛି ବେଳାଭୂମିର ଉଠା ଦୋକାନୀମାନେ। ତେଣୁ ଏହାକୁ ନେଇ ସେମାନଙ୍କୁ ପୌରସଂସ୍ଥା ପକ୍ଷରୁ ଉଛେଦ କରାଯାଇଛି ବୋଲି କୁହାଯାଇଛି   । ଆମ ପରିବାର ଚଳିବା ପାଇଁ ଦୋକାନ ଖୋଲିବା ଦରକାର," କହିଛନ୍ତି ଆନ୍ଦୋଳନକାରୀ ବେଳାଭୂମି ଉଠାଦୋକାନୀ ୬୫ ବର୍ଷୀୟ  ତିଲୋତ୍ତମା।

ଆଗକୁ ପର୍ଯ୍ୟଟନ ୠତୁ ଓ ବେଳାଭୂମିରେ ଗହଳି ବୃଦ୍ଧି ପାଇବାକୁ ଥିବାରୁ ତା ପୂର୍ବରୁ ଥଇଥାନ କରିବାକୁ ଦାବୀ କରିଛନ୍ତି ଉଠା ଦୋକାନୀ । ସେପଟେ ପୁଣି ଥଇଥାନ  ପ୍ରତିବାଦକୁ ଦୋହରାଇଛନ୍ତି ଉଠାଦୋକାନୀମାନେ।

ସରକାରଙ୍କୁ ଅନୁରୋଧ ତୁରନ୍ତ ସମସ୍ୟା ସମାଧାନ କରୁ ନ ହେଲେ ଡିସେମ୍ବର ୨୫ରୁ ନୂଆବର୍ଷ ପର୍ଯ୍ୟନ୍ତ ସମୁଦ୍ରକୁଳ ରାସ୍ତା ଅବରୋଧ କରି ଧାରଣା ଦିଆଯିବ," କହିଛନ୍ତି ବେଳାଭୂମି ଉଠାଦୋକାନୀ ସଙ୍ଘର ଆବାହକ ତଥା ଆଇନଜିବୀ ପ୍ରିୟଦର୍ଶନ ପଟ୍ଟନାୟକ ।

"ଦିଗବାରିଣୀ ଛକଠାରୁ ସ୍ୱର୍ଗଦ୍ୱାର ଯାଏ ଯେଉଁ ଉଠା ଦୋକାନୀ ମାନେ ନିଜର ବ୍ୟବସାୟର ପସରା ମେଲାଇ ପରିବାର ପ୍ରତିପୋଷଣ କରୁଛନ୍ତି ସେମାନଙ୍କୁ ପ୍ରଥମେ ଥଇଥାନ କରାଯାଉ ବୋଲି ଦାବିକୁ ଗୁରୁତର ସହ ନେଇଛି ପ୍ରଶାସନ। ଏ ନେଇ ସେମାନଙ୍କ ସହ ଆଲୋଚନା କରାଯିବ। ତେବେ ଦିଗବାରିଣୀ ଛକରୁ ସ୍ୱର୍ଗଦ୍ୱାର ଯାଏ ଉଠା ଦୋକାନି ମାନେ  ରାସ୍ତାକୁ ଅବରୋଧ କରିବା ଦ୍ୱାରା ରମଣୀୟ ସମୁଦ୍ର ବେଳାଭୂର ସୌନ୍ଦର୍ଯ୍ୟ  ଓ   ଟ୍ରାଫିକ ସମାସ୍ୟା ପରି ଅନେକ ସମାସ୍ୟା ଉପୁଜୁଛି। ଯାହା ଫଳରେ ଏହି ଉଠା ଦୋକାନୀମାନଙ୍କୁ ଏହି ଠାରୁ ଉଚ୍ଛେଦ କରାଯାଇ ଅନ୍ୟପଟେ ଥଇଥାନ ପାଇଁ କୁହାଯାଉଥିଲେ ସୁଦ୍ଧା ସେମାନେ ଏ ନେଇ ପ୍ରଶାସନକୁ ସହଯୋଗ କରୁନାହାନ୍ତି,"କହିଛନ୍ତି ପୁରୀ ପୌରସଂସ୍ଥା କାର୍ଯ୍ୟନିର୍ବାହୀ ଅଧିକାରୀ ସରୋଜ ସ୍ୱାଇଁ ।

"ପୁରୀ ବେଳାଭୂମିର ହେବ ବିକାଶ । ତେଣୁ ଦିଗବାରେଣୀଠାରୁ ସ୍ୱର୍ଗଦ୍ୱାର ବେଳାଭୂମିରେ ଉଠା ଦୋକାନୀମାନେ ବେଳାଭୂମିକୁ ଅବରୋଧ କରୁଥିବା ବେଳେ ତାର ସୌନ୍ଦର୍ଯ୍ୟ ଉପଭୋଗରୁ ବଞ୍ଚିତ ହେଉଥିଲେ ପର୍ଯ୍ୟଟକ । ତେଣୁ ସେମାନଙ୍କୁ ଉଠାଯାଇଛି ସେଠାରେ ଆଉ କୌଣସି ଦୋକାନ ପକାଯିବ ନାହିଁ । ସେମାନଙ୍କ ପାଇଁ ଏକ ଅଞ୍ଚଳ ଚିହ୍ନଟ କରାଯାଇଛି । ସେହିଠାରେ ହିଁ ଥଇଥାନ କରାଯିବା ପାଇଁ ଆଲୋଚନା କରାଯାଇଛି," କହିଛନ୍ତି ଜିଲ୍ଲାପାଳ ସମର୍ଥ ବର୍ମା ।
Published by:Soumya Das
First published: