ମାତାଲ ହୋଇ ଶ୍ରେଣୀଗୃହରେ ଶୋଇଥିଲେ ଶିକ୍ଷକ; ଅଭିଯୋଗ ପରେ କାର୍ଯ୍ୟାନୁଷ୍ଠାନ ପାଇଁ ସୁପାରିଶ କଲେ ସିଆରସିସି

ସ୍କୁଲ ଗୃହରେ ମାତାଲ୍ ହୋଇ ଶୋଇଥିଲେ ଶିକ୍ଷକ । ପ୍ରତିଦିନ ସ୍କୁଲକୁ ମଦ ପିଇ ଆସୁଥିବା ବେଳେ ପିଲାଙ୍କୁ ପାଠ ପଢ଼ାନ୍ତି ନାହିଁ ବରଂ ଗାଳିଗୁଲଜ କରନ୍ତି ।

ମାତାଲ ହୋଇ ଶ୍ରେଣୀଗୃହରେ ଶୋଇଥିଲେ ଶିକ୍ଷକ; ଅଭିଯୋଗ ପରେ କାର୍ଯ୍ୟାନୁଷ୍ଠାନ ପାଇଁ ସୁପାରିଶ କଲେ ସିଆରସିସି

ମାତାଲ ହୋଇ ଶ୍ରେଣୀଗୃହରେ ଶୋଇଥିଲେ ଶିକ୍ଷକ; ଅଭିଯୋଗ ପରେ କାର୍ଯ୍ୟାନୁଷ୍ଠାନ ପାଇଁ ସୁପାରିଶ କଲେ ସିଆରସିସି

  • News18 Odia
  • Last Updated :
  • Sundargarh, India
  • Share this:
News 18 Odia Digital

ସୁନ୍ଦରଗଡ଼ : ଶିକ୍ଷାକେନ୍ଦ୍ରକୁ ଆମେ ମନ୍ଦିର ବୋଲି ମାନିଥାଉ । ଯେଉଁଠି ପିଲାମାନଙ୍କ ଭବିଷ୍ୟତ ଗଢା ହୁଏ । ଏଠୁ ହିଁ ଆମେ ଠିକ୍ ଭୁଲର ଶିକ୍ଷା ପାଇଥାଉ । ଆଉ ଏହି ମନ୍ଦିରରେ ଦେବତାର ଆସନରେ ଆମେ ଶିକ୍ଷକଙ୍କୁ ବସାଇଥାଉ । ସେ ଯାହା ଶିକ୍ଷା ଦିଅନ୍ତୁ ତାହା ଆମ ପାଇଁ ଅମୃତ । କିନ୍ତୁ ଶିକ୍ଷକଙ୍କର ଏପରି କାରନାମା ପରେ ଛାତ୍ରଛାତ୍ରୀ କଣ ଶିଖିବେ। କୁନି କୁନି ପିଲାଙ୍କ ଗହଣରେ ଏମିତି ମାତାଲ୍ ହୋଇ ପଡିବା ଓ ଗାଳି ଗୁଲଜ କରିବା ଏସବୁ ଦେଖି କୋମଲମତି ଶିଶୁ କଣ ଶିକ୍ଷା ପାଇବେ ।

ଇଏ ହେଉଛି ସୁନ୍ଦରଗଡ ଜିଲ୍ଲା ଲେଫ୍ରିପଡା ବ୍ଲକ କୁଲାବିରା ଗାଁ କିସାନ ପଡା ପ୍ରାଥମିକ ସ୍କୁଲର ଚିତ୍ର । ଏହି ଶିକ୍ଷକ ଜଣକ ହେଉଛନ୍ତି ସ୍କୁଲର ଶିକ୍ଷକ ପ୍ରଦୀପ କୁମାର ପଟେଲ । ଅଭିଯୋଗ ହୋଇଛି କି, ପ୍ରଦୀପ ସ୍କୁଲକୁ ମଦ ପିଇ ଆସନ୍ତି ଓ କ୍ଲାସ ରୁମରେ ଶୋଇପଡନ୍ତି କିମ୍ବା ପିଲାମାନଙ୍କୁ ପିଟିବା ଆରମ୍ଭ କରନ୍ତି । ଏପରିକି ଶିକ୍ଷୟତ୍ରୀଙ୍କୁ ମଧ୍ୟ ଅସଭ୍ୟ ଭାଷାରେ ଗାଳିଗୁଲଜ କରିନ୍ତି ।

ସ୍କୁଲର ପ୍ରଧାନ ଶିକ୍ଷୟିତ୍ରୀ ମଧ୍ୟ ଏହି ମାତାଲ୍ ଶିକ୍ଷକଙ୍କ ନାଁରେ ସାଂଘାତିକ ଅଭିଯୋଗ ଆଣିଛନ୍ତି । ସେ କହିଛନ୍ତି, ସହକାରୀ ଶିକ୍ଷକ ମଦ ପିଇ ତାଙ୍କୁ ଅସଭ୍ୟ ଭାଷାରେ ଗାଳିଗୁଲଜ କରୁଛନ୍ତି । ଛାତ୍ରଛାତ୍ରୀଙ୍କ ଜୀବନ ବିପଦରେ ଅଛନ୍ତି । ସେପଟେ ଅଭିଯୋଗ ପରେ ସ୍ଥାନୀୟ ସିଆରସିସି କହିଛନ୍ତି, ଆଜି ସେ ସ୍ତୁଲ ଗସ୍ତ କରି ସବୁ ଦେଖିଛନ୍ତି ଆଉ କାର୍ଯ୍ୟାନୁଷ୍ଠାନ ପାଇଁ ସୁପାରିଶ କରିଛନ୍ତି ।
Published by:Soubhagya Mishra
First published: