ହୋମ୍ » ଓଡ଼ିଶା ନ୍ୟୁଜ୍ » ଓଡ଼ିଶା»ରାଜ୍ୟରେ ଗାଁକୁ ଯିବେ ଶିକ୍ଷକତା ଛାତ୍ରଛାତ୍ରୀ, ଅନଲାଇନ୍ ପାଠପଢ଼ାରୁ ବଞ୍ଚିତ ପିଲାମାନଙ୍କୁ ପାଠ ପଢ଼ାଇବେ

ରାଜ୍ୟରେ ଗାଁକୁ ଯିବେ ଶିକ୍ଷକତା ଛାତ୍ରଛାତ୍ରୀ, ଅନଲାଇନ୍ ପାଠପଢ଼ାରୁ ବଞ୍ଚିତ ପିଲାମାନଙ୍କୁ ପାଠ ପଢ଼ାଇବେ

୧୦ ହଜାର ଶିକ୍ଷକତା ଛାତ୍ରଛାତ୍ରୀ ୧୦ ହଜାର ଗାଁକୁ ଯାଇ ସେଠି ପ୍ରତି ଛାତ୍ର ୧୦ ଜଣ ପିଲାଙ୍କୁ ପଢ଼ାଇବେ ବୋଲି ଯୋଜନା ହୋଇଛି । ଗ୍ରାମାଞ୍ଚଳରେ ଅନଲାଇନ୍ କ୍ଳାସ୍ ଓ ୟୁଟ୍ୟୁବ୍ କ୍ଳାସରୁ ବଞ୍ଚିତ ପିଲାଙ୍କ ପାଇଁ ଏହି ବ୍ୟବସ୍ଥା କରାଯାଇଛି ।

ରାଜ୍ୟରେ ଗାଁକୁ ଯିବେ ଶିକ୍ଷକତା ଛାତ୍ରଛାତ୍ରୀ, ଅନଲାଇନ୍ ପାଠପଢ଼ାରୁ ବଞ୍ଚିତ ପିଲାମାନଙ୍କୁ ପାଠ ପଢ଼ାଇବେ
ଚଳିତ ବର୍ଷ ବି ସ୍କୁଲ୍ ଖୋଲିବା ନେଇ ଅନିଶ୍ଚିତତା ଲାଗି ରହିଛି ବୋଲି କହିଛନ୍ତି ମନ୍ତ୍ରୀ ସମୀର ରଞ୍ଜନ ଦାସ ।
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: ଏଣିକି ରାଜ୍ୟରେ ଶିକ୍ଷକତା ଅଧ୍ୟୟନ କରୁଥିବା ୧୦ ହଜାର ଛାତ୍ରଛାତ୍ରୀ ଇଣ୍ଟର୍ଣ୍ଣସିପ୍‌ ପ୍ରୋଗ୍ରାମ୍‌ ମାଧ୍ୟମରେ ଉପାନ୍ତ ଅଞ୍ଚଳରେ ଘରକୁ ଘର ବୁଲି ପିଲାଙ୍କୁ ପାଠ ପଢ଼ାଇବେ । ଅନଲାଇନ୍‌ ଶିକ୍ଷାରୁ ବଞ୍ଚିତ ଛାତ୍ରଛାତ୍ରୀମାନଙ୍କ ପାଇଁ ଗଣ ଶିକ୍ଷା ବିଭାଗ ଏମିତି ଏକ ନୂଆ ଯୋଜନା କରିଛି । ଏଜୁକେଟରମାନେ ଶିକ୍ଷକତା ଅଧ୍ୟୟନ କରୁଥିବା ଛାତ୍ରଛାତ୍ରୀମାନଙ୍କୁ କରିବେ ଗାଇଡ୍‌ କରିବେ ।

ରାଜ୍ୟରେ ଏଲିମେଣ୍ଟାରୀ ଏଜୁକେସନର ଦୁଇ ବର୍ଷିଆ କୋର୍ସରେ ୧୦ ହଜାର ଛାତ୍ରଛାତ୍ରୀ ପାଠ ପଢୁଛନ୍ତି । ପୂର୍ବରୁ ପ୍ରାକ୍ଟିକାଲ୍‌ କ୍ଳାସ ପାଇଁ ବିଭିନ୍ନ ସ୍କୁଲରେ ଇଣ୍ଟରନସିପ୍‌ କରୁଥିଲେ ସେମାନେ । ହେଲେ ବର୍ତ୍ତମାନ ସ୍କୁଲ୍‌ ବନ୍ଦ ଥିବାରୁ ସେମାନେ ଗାଁ ଗାଁ ଯାଇ ଘରେ ଘରେ ପାଠ ପଢ଼ାଇବେ ବୋଲି ନିଷ୍ପତ୍ତି ନେଇଛି ଗଣ ଶିକ୍ଷା ବିଭାଗ । ଏସ.ସି.ଇ.ଆର୍‌.ଟି. ପକ୍ଷରୁ ଏ ନେଇ ବିଧିବଦ୍ଧ ଚିଠି ମଧ୍ୟ ହୋଇଛି ।

ଏହା ବି ପଢ଼ନ୍ତୁ | Ladakh LAC Tension: ଲଦ୍ଦାଖ ସୀମାରେ ଚୀନ୍ ୫୦,୦୦୦ ସୈନିକ ଆଣି ରଖିଲା; ଭାରତ ବି ପ୍ରସ୍ତୁତ

୧୦ ହଜାର ଶିକ୍ଷକତା ଛାତ୍ରଛାତ୍ରୀ ୧୦ ହଜାର ଗାଁକୁ ଯାଇ ସେଠି ପ୍ରତି ଛାତ୍ର ୧୦ ଜଣ ପିଲାଙ୍କୁ ପଢ଼ାଇବେ ବୋଲି ଯୋଜନା ହୋଇଛି । ଅର୍ଥାତ୍‌ ଏହି ପ୍ରକ୍ରିୟାରେ ଏକ ଲକ୍ଷ ପିଲାଙ୍କ ପାଠ ପଢ଼ା ସୁନିଶ୍ଚିତ କରିହେବ । ଟିଚର୍‌ ଏଜୁକେଟରମାନେ ଏହାକୁ କୋରଡ଼ିନେଟ୍‌ କରିବା ସହ ଏହାର ତଦାରଖ ମଧ୍ୟ କରିବେ । ବିଶେଷ କରି ଗ୍ରାମାଞ୍ଚଳରେ ଯେଉଁ ପିଲାମାନେ ଅନଲାଇନ୍‌ କ୍ଳାସ୍‌ ଓ ୟୁଟ୍ୟୁବ୍‌ କ୍ଳାସରୁ ବଞ୍ଚିତ ରହିଛନ୍ତି ସେମାନଙ୍କ ପାଇଁ ଏ ବ୍ୟବସ୍ଥା କରାଯାଇଛି ବୋଲି ବୁଧବାର ଦିନ କହିଛନ୍ତି ଗଣ ଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ।

ଏହା ବି ପଢ଼ନ୍ତୁ | Gold Price: ସୁନାର ଦାମ୍ ଟିକିଏ କମିବା ପରେ ପୁଣି ବଢ଼ିଲା; ରୂପା ଦର ବି ବଢ଼ିଲା; ଜାଣନ୍ତୁ ନୂଆ ଦର

‘‘ଯେଉଁ ଛାତ୍ରଛାତ୍ରୀମାନେ ଶିକ୍ଷକ ହେବା ପାଇଁ ପଢୁଛନ୍ତି, ଏହା ତାଙ୍କ ପ୍ରାକ୍ଟିକାଲର ଏକ ଅଂଶ । ଯେହେତୁ ଏବେ ସ୍କୁଲ୍‌ ଖୋଲୁନି, ତାଙ୍କୁ ଗାଁ ଓ ଉପାନ୍ତ ଅଞ୍ଚଳକୁ ଯାଇ ପିଲାଙ୍କୁ ପାଠ ପଢ଼ାଇବାକୁ ପଡି଼ବ । ପ୍ରତି ଛାତ୍ରଛାତ୍ରୀ ୧୦ ଜଣ ଗ୍ରାମ ପିଲାଙ୍କୁ ପଢ଼ାଇବେ। ୧୦ ହଜାର ପିଲା ପ୍ରାୟ ୧୦ ଲକ୍ଷ ସ୍କୁଲ ପିଲାଙ୍କୁ ପାଠ ପଢ଼ାଇବାକୁ ଲକ୍ଷ୍ୟ ରଖାଯାଇଛି । ଯେଉଁମାନଙ୍କ ପାଖରେ ଏହି ଛାତ୍ରଛାତ୍ରୀମାନେ ପହଞ୍ଚିପାରିବେନି ସେମାନଙ୍କ ପାଇଁ ମଧ୍ୟ ଓସେପା ବିକଳ୍ପ ବ୍ୟବସ୍ଥା କରୁଛି,’’ କହିଛନ୍ତି ଦାଶ ।

ଏହା ବି ପଢ଼ନ୍ତୁ | କରୋନାର Delta ଭ୍ୟାରିଆଣ୍ଟ୍ ଉପରେ ଗୁଣା କମ୍ ପ୍ରଭାବଶାଳୀ ବର୍ତ୍ତମାନର ସବୁ ଟିକା: ରିସର୍ଚ୍ଚ

୨୦୨୦-୨୧ ଶିକ୍ଷା ବର୍ଷରେ ବିଦ୍ୟାଳୟ ସମ୍ପୂର୍ଣ୍ଣ ବନ୍ଦ ରହିଥିବା ବେଳେ ଚଳିତ ବର୍ଷ ମଧ୍ୟ ସ୍କୁଲ୍‌ ଖୋଲିବା ନେଇ ଅନିଶ୍ଚିତତା ଲାଗି ରହିଛି । ଗତ ବର୍ଷ ଅନଲାଇନ୍‌ ଯୋଗେ ତଥା ଟିଭି ଓ ରେଡ଼ିଓ ସମେତ ଦୀକ୍ଷା ଓ ମଧୁ ଆପ୍‌ ଯୋଗେ ପାଠ ପଢ଼ାଯିବା ସତ୍ତ୍ୱେ ମାତ୍ର ରାଜ୍ୟର ୩୦% ପିଲା ଏଥିରେ ଯୋଡି଼ହୋଇ ପାରିଥିଲେ । ତେବେ ଏହି ନୂଆ ଯୋଜନାରେ ବାସ୍ତବରେ ଶିକ୍ଷକତା ଛାତ୍ରଛାତ୍ରୀମାନେ ଗାଁ ଗହଳି ଓ ଉପାନ୍ତ ଇଲାକାକୁ ଯାଇ ପାଠ ପଢ଼ାଇବା କେତେ ସମ୍ଭବ ହେବ ତାହା ଆଗାମୀ ଦିନରେ ଜଣାପଡି଼ବ ।

ଏହା ବି ପଢ଼ନ୍ତୁ | ଛାଡ଼ପତ୍ର ଦେଇଥିବା ଆମିର୍ ଖାନ କିରଣ ରାଓ ଦୁହେଁ କୋଟି କୋଟି ଟଙ୍କା ସମ୍ପତ୍ତିର ମାଲିକ

ଶିକ୍ଷାବିତମାନେ କହିଛନ୍ତି ଯେ ମହାମାରୀ ପରିସ୍ଥିତିକୁ ଦୃଷ୍ଟିରେ ରଖି ସରକାର ଏହାର ସ୍ଥାୟୀ ସମାଧାନ ବା କାର୍ଯ୍ୟକ୍ଷମ ବିକଳ୍ପ ବ୍ୟବସ୍ଥା କରିବା ଉଚିତ । ଗ୍ରାମଞ୍ଚଳ ଓ ଉପାନ୍ତ ଇଲାକାରେ ଇଣ୍ଟରନେଟର ବ୍ୟବସ୍ଥା କରିବା ଓ ସ୍କୁଲ୍‌ ଭିତ୍ତିଭୂମି ସୁଦୃଢ଼ କରିବା ସହ ପିଲାଙ୍କ ପାଖରେ ଅନ୍ତତଃ ଷ୍ଟଡି ମାଟେରିଆଲ୍‌ ପହଞ୍ଚାଇବା ଭଳି ବ୍ୟବସ୍ଥା କରିବା ଦରକାର । ନଚେତ ଅନେକ ପିଲା କରୋନା ମହାମାରୀ ଯୋଗୁଁ ପାଠପଢ଼ାରୁ ବାଦ୍‌ ପଡି଼ଯିବେ ବୋଲି ସେମାନେ ଚେତାଇଦେଇଛନ୍ତି ।

ଏହା ବି ପଢ଼ନ୍ତୁ | କରୋନା ସଂକ୍ରମଣ କେବେ ବି ସମାପ୍ତ ହେବନି? ଶୂନ୍ୟ ମାମଲା ଉପରେ ବିଶେଷଜ୍ଞଙ୍କ ମତ ଜାଣନ୍ତୁ

‘‘ମୁଁ ଭାବୁଛି ରାଜ୍ୟ ସରକାର ଏଭଳି ନିଷ୍ପତ୍ତି ନେବା ଅପେକ୍ଷା ସ୍ଥାୟୀ ବିକଳ୍ପ ବ୍ୟବସ୍ଥା କରିବା ଦରକାର । ବର୍ତ୍ତମାନ ସ୍ଥିତିରେ କେଉଁ ଛାତ୍ରଛାତ୍ରୀ ଉପାନ୍ତ ଅଞ୍ଚଳକୁ ଯାଇ ଘର ଘର ବୁଲି ପାଠ ପଢ଼ାଇବ? କେବେ ବି ଏହା ସଫଳ ହେବ ନାହିଁ । ତେଣୁ ସରକାର ଆଗ ଭିତ୍ତିଭୂମି ଦୃଢ଼ କରନ୍ତୁ । ପିଲାଙ୍କ ପାଖରେ ଇଣ୍ଟରନେଟ୍‌ ଓ ପଢ଼ା ମାଟେରିଆଲ୍‌ ଯୋଗାଇବା ବ୍ୟବସ୍ଥା କରନ୍ତୁ,’’ କହିଛନ୍ତି ଶିକ୍ଷାବିତ୍‌ କମଳ ପ୍ରସାଦ ମହାପାତ୍ର ।



ରାଜ୍ୟରେ ଖାଲି ପଡି଼ଥିବା ହିନ୍ଦୀ ଓ ସଂସ୍କୃତ ଶିକ୍ଷକ ପଦ ଖୁବ୍‌ ଶୀଘ୍ର ପୂରଣ ହେବାକୁ ଯାଉଛି । ୪,୫୫୮ ପଦବୀ ପୂରଣ ପାଇଁ ପ୍ରକ୍ରିୟା ବି ଆରମ୍ଭ ହୋଇଛି ।
Published by: Anand ST Das
First published: July 8, 2021, 12:01 AM IST