ହୋମ୍ » ଓଡ଼ିଶା ନ୍ୟୁଜ୍ » ଓଡ଼ିଶା»ଭୁବନେଶ୍ୱରରେ ବଢ଼ୁଥିବା ଷ୍ଟ୍ରିଟ୍ କ୍ରାଇମ୍ ରୋକିବା ନୂଆ DCP ଉମାଶଙ୍କରଙ୍କ ପାଇଁ ଚ୍ୟାଲେଞ୍ଜ ହେବ

ଭୁବନେଶ୍ୱରରେ ବଢ଼ୁଥିବା ଷ୍ଟ୍ରିଟ୍ କ୍ରାଇମ୍ ରୋକିବା ନୂଆ DCP ଉମାଶଙ୍କରଙ୍କ ପାଇଁ ଚ୍ୟାଲେଞ୍ଜ ହେବ

ରାଜଧାନୀ ଭୁବନେଶ୍ୱରର ଏକ ରାସ୍ତାରେ ଘଟିଥିବା ଏକ ଦୁଃସାହସିକ ଚେନ୍ ସ୍ନାଚିଂ ଘଟଣା ଓ ନିକଟରେ ଘଟିଥିବା ଏହି ପ୍ରକାରର ଅପରାଧ ସୂଚାଇ ଦେଇଛି ଯେ ଉମାଶଙ୍କର ଦାଶଙ୍କ ପାଇଁ ଏହି ନୂଆ କାର୍ଯ୍ୟକାଳ ଚ୍ୟାଲେଞ୍ଜରେ ଭରା ରହିବ ।

ଭୁବନେଶ୍ୱରରେ ବଢ଼ୁଥିବା ଷ୍ଟ୍ରିଟ୍ କ୍ରାଇମ୍ ରୋକିବା ନୂଆ DCP ଉମାଶଙ୍କରଙ୍କ ପାଇଁ ଚ୍ୟାଲେଞ୍ଜ ହେବ
ନୂଆ ଡିସିପି ଭାବେ ଡଃ ଉମାଶଙ୍କର ଦାଶ; (ଡାହାଣ) ତମାଣ୍ଡୋ ଚେନ୍ ସ୍ନାଚିଂ ଘଟଣାର ଦୃଶ୍ୟ
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: ରାଜଧାନୀ ଭୁବନେଶ୍ୱରର ନୂଆ ଡିସିପି ଭାବେ ଡଃ ଉମାଶଙ୍କର ଦାଶ ଆଜି ଯୋଗ ଦେଲେ । ତିନି ଦିନ ପୂର୍ବରୁ ରାଜଧାନୀର ଏକ ରାସ୍ତାରେ ଘଟିଥିବା ଏକ ଦୁଃସାହସିକ ଚେନ୍‌ ସ୍ନାଚିଂ ଘଟଣା ଓ ଏହା ପୂର୍ବରୁ ଘଟିଥିବା ଏହି ପ୍ରକାର ଘଟଣା ସୂଚାଇ ଦେଇଛି ଯେ ତାଙ୍କ ପାଇଁ ଏହି କାର୍ଯ୍ୟକାଳ ଚ୍ୟାଲେଞ୍ଜରେ ଭରା ରହିବ ।

ଜୁଲାଇ ୧୭ ତାରିଖରେ ତମାଣ୍ଡୋ ଅଞ୍ଚଳରେ ଘଟିଥିବା ଚେନ୍‌ ସ୍ନାଚିଂ ଘଟଣା ସିସିଟିଭି କ୍ୟାମେରାରେ କୈଦ୍‌ ହୋଇଛି । ସ୍କୁଟି ଚଳାଇ ଯାଉଥିବା ନର୍ସିଂ ଛାତ୍ରୀ ପଲ୍ଲବୀ ପ୍ରିୟଦର୍ଶନୀ ନାୟକଙ୍କ ଗଳାରୁ ଦୁଇ ଜଣ ଲୁଟେରା ଏକ ପଲସର୍‌ ମୋଟର ସାଇକେଲରେ ପଛରୁ ଆସି ୭୫ ହଜାର ଟଙ୍କାର ସୁନା ଚେନ ଝାମ୍ପି ନେଇଥିଲେ । ପଲ୍ଲବୀ ସ୍କୁଟି ସହ ତଳେ ପଡ଼ିଯାଇଥିଲେ ଓ ଭାଗ୍ୟକୁ ଗୁରୁତର ଆହତ ହୋଇ ନ ଥିଲେ । ଲୁଟେରାମାନେ ଏ ପର୍ଯ୍ୟନ୍ତ ଧରା ପଡ଼ିନାହାଁନ୍ତି ।

’’ସନ୍ଧ୍ୟା ପାଖାପାଖି ୫ଟା ବେଳେ ମୁଁ ସ୍କୁଟି ଚଳାଇ ଯାଉଥିବା ବେଳେ ପଛରୁ ଆସି ସେମାନେ ମୋତେ ଆକ୍ରମଣ କଲେ । ମୁଁ ସ୍କୁଟିରୁ ତଳକୁ ଖସିପଡ଼ିଲି । ମୋ’ ବେକରେ ଥିବା ପ୍ରାୟ ଦେଢ଼ ଭରି ସୁନାର ଚେନ୍‌ ସେମାନେ ଝାମ୍ପି ନେଇ ଚାଲିଗଲେ,’’ କହିଛନ୍ତି ଏକ ଘରୋଇ କଲେଜରେ ନର୍ସିଂ ତୃତୀୟ ବର୍ଷର ଛାତ୍ରୀ ପଲ୍ଲବୀ ।

ଦେଖନ୍ତୁ ସେହି ଚେନ୍‌ ସ୍ନାଚିଂର ସିସିଟିଭି କ୍ୟାମେରା ଭିଡିଓ:



‘‘ଆଜି ଡଃ ଉମାଶଙ୍କର ଦାଶ ନୂଆ ଡିସିପି ଭାବେ ଯୋଗ ଦେଇଛନ୍ତି । ମୁଁ ଆଶା କରୁଛି ଭୁବନେଶ୍ୱରରେ ଏମିତି ଘଟଣା ଘଟିବା ଏବେ ବନ୍ଦ୍‌ ହେବ ଓ ସେହି ଲୁଟେରାମାନେ ଧରାପଡ଼ିବେ । ମୋତେ ମୋ’ ସୁନା ଚେନ୍‌ ବି ଫେରିମିଳିବ,’’ ସେ କହିଛନ୍ତି ।

ଚଳନ୍ତା ସ୍କୁଟିରୁ ତଳକୁ ପଡ଼ିଯିବାରୁ ତାଙ୍କ ଅଣ୍ଟାରେ ଗମ୍ଭୀର ଆଘାତ ଲାଗିଛି । ପଲ୍ଲବୀଙ୍କ ବାପା ପ୍ରଶାନ୍ତ କୁମାର ନାୟକ କହିଛନ୍ତି ଯେ ଲଗାତର ଏମିତି ଘଟଣା ସହରରେ ଘଟୁଥିବାରୁ ଅସୁରକ୍ଷାର ପରିବେଶ ସୃଷ୍ଟି ହୋଇଛି ।

ନୂଆ ଡିସିପି ଭାବେ ଦାୟିତ୍ୱ ଗ୍ରହଣ କରିବା ପରେ ଉମାଶଙ୍କର ଦାଶ


ଲକଡାଉନ ଓ ସଟଡାଉନ ଉଠିଯିବା ପରେ ଜୁନ୍‌ ଓ ଜୁଲାଇ ମାସ ୧୭ ତାରିଖ ମଧ୍ୟରେ ଭିତରେ ରାଜଧାନୀରେ ପ୍ରାୟ ପ୍ରତି ଦିନ ଲୁଟପାଟ ଘଟଣାର ସୂଚନା ମିଳିଛି, ହେଲେ ଲୁଟେରାମାନେ ଧରା ପଡ଼ିନାହାଁନ୍ତି ।

ଜୁନ ୩୦ ତାରିଖରେ ଠିକ୍‌ ଏମିତି ଢଙ୍ଗରେ ନୟାପଲ୍ଲୀ ଅଞ୍ଚଳର ବ୍ୟାଙ୍କର ଜଣେ ମହିଳା ଅଧିକାରୀଙ୍କ ଠାରୁ ସୁନା ଚେନ ଲୁଟ୍‌ ହୋଇଥିଲା l ପୀଡ଼ିତା ଇଲିନା ପାଟ୍ଟଯୋଶୀ ସକାଳେ ବ୍ୟାଙ୍କକୁ ଯାଉଥିବା ବେଳେ ଦୁଇ ଜଣ ଲୁଟେରା ଏକ ବାଇକରେ ଆସି ତାଙ୍କ ଗଳାରୁ ସୁନା ଚେନ୍‌ ଝାମ୍ଫି ନେଇଥିଲେ  l ସେହି ଲୁଟର ପୂରା ଦୃଶ୍ୟ ବି ରେକର୍ଡ଼ ହୋଇଥିଲା ସିସିଟିଭି କ୍ୟାମେରାରେ l ଏ ସମ୍ପର୍କରେ ସେ ନୟାପଲ୍ଲୀ ଥାନାରେ ଲିଖିତ ଅଭିଯୋଗ କରିଥିଲେ l  ହେଲେ ଲୁଟେରାମାନଙ୍କୁ ଏ ପର୍ଯ୍ୟନ୍ତ ଧରିପାରି ନାହିଁ ପୋଲିସ ।

ଏହା ବି ପଢ଼ନ୍ତୁ: ବିକାଶ ଦୁବେର ପୋଷ୍ଟ ମର୍ଟମ ରିପୋର୍ଟ: ତାକୁ ୬ ଥର ଗୁଳି କରାଯାଇଥିଲା; ୩ଟି ଗୁଳି ଦେହରେ ପଶିଥିଲା

ଦେଖନ୍ତୁ ଫଟୋ: ହାର୍ଦ୍ଦିକ ପାଣ୍ଡ୍ୟାଙ୍କ ପ୍ରେମିକା ନତାଶା ଗର୍ଭବତୀ ହେଲେ; ଫଟୋ ସେୟାର କରି ସେ ଏହି କଥା ଲେଖିଲେ

କରୋନା ସଙ୍କଟ ସମୟରେ ଏଭଳି ଲୁଟପାଟ୍‌, ଛିନତାଇ ଓ ରାହାଜାନୀ ଘଟଣା ରୋକିବା ନୂଆ ଡିସିପି ଉମାଶଙ୍କର ଦାଶଙ୍କ ପାଇଁ ହେବ ଏକ ବଡ଼ ଚ୍ୟାଲେଞ୍ଜ l ସଟଡାଉନ ଓ ଲକଡାଉନ ଯୋଗୁଁ ବେକାରୀ ସମସ୍ୟା ବଢୁଥିବାରୁ ନୂଆ ନୂଆ ଅପରାଧୀ ରାଜଧାନୀ ଓ ଆଖପାଖ ଅଞ୍ଚଳରେ ସୃଷ୍ଟି ହେଉଥିବା ସୂଚନା ମିଳୁଛି । ଏମିତି ସମୟରେ ଅପରାଧ ନିୟନ୍ତ୍ରଣ କରିବା ଓ ନୂଆ ତିଆରି ହେଉଥିବା ଗ୍ୟାଙ୍ଗ ଉପରେ ରୋକ ଲଗାଇବା ନୂଆ ଡିସିପି ଉମାଶଙ୍କରଙ୍କ ପାଇଁ ଏକ ବଡ଼ ଚ୍ୟାଲେଞ୍ଜ ହେବ ବୋଲି ମତ ପ୍ରକାଶ ପାଇଛି l
Published by: Anand Shankar Thankur Das
First published: July 20, 2020, 8:54 PM IST