ଗୋଟିଏ ବର୍ଷରେ ୨୨କୋଟି ଟଙ୍କାର ବ୍ରାଉନସୁଗର ଜବତ କରିଛି ଏସଟିଏଫ

୨୦୨୨ ମସିହାର ଏସଟିଏଫ୍ ୭୫ ଟି କେସ ରୁଜୁ କରିଥିବା ବେଳେ ୧୩୩ ଜଣ ଅଭିଯୁକ୍ତକୁ ଗିରଫ କରି ଜେଲ ପଠାଇଛି  । ଚଳିତ ବର୍ଷ ୨୨ କେଜି ବ୍ରାଉନ ସୁଗାର, ୨୫୨୪ କେଜି ଗଂଜେଇ, ୨୦୨ ଗ୍ରାମ କୋକେନ, ୫୧୭ ଗ୍ରାମ ଅଫିମ, ୬୫ ଲକ୍ଷ ଟଙ୍କା ହୋଇଛି ଜବତ ।

ଗୋଟିଏ ବର୍ଷରେ ୨୨କୋଟି ଟଙ୍କାର ବ୍ରାଉନସୁଗର ଜବତ କରିଛି ଏସଟିଏଫ

ଗୋଟିଏ ବର୍ଷରେ ୨୨କୋଟି ଟଙ୍କାର ବ୍ରାଉନସୁଗର ଜବତ କରିଛି ଏସଟିଏଫ

  • News18 Odia
  • Last Updated :
  • Bhubaneswar, India
  • Share this:
News 18 Odia Digital

ଭୁବନେଶ୍ୱର; କ୍ରାଇମବ୍ରାଞ୍ଚ ଏସ.ଟି.ଏଫ୍ ପକ୍ଷରୁ ବାର୍ଷିକ ରିପୋର୍ଟ ଜାରି କରାଯାଇଛି ।  ୨୦୨୨ ମସିହାରେ ଏସଟିଏଫ୍ ୭୫ଟି କେସ ରୁଜୁ କରିଥିବା ବେଳେ ୧୩୩ ଜଣ ଅଭିଯୁକ୍ତକୁ ଗିରଫ କରି ଜେଲ ପଠାଇଛି  । ଯେଉଁଥିରେ ରାଜସ୍ଥାନର ଦୁଇ ଜଣ , ଦିଲ୍ଲୀର ଦୁଇ ଜଣ , ପଶ୍ଚିମବଙ୍ଗର ଦୁଇ ଜଣ , ମଧ୍ୟପ୍ରଦେଶର ଦୁଇ ଜଣ , ମହାରାଷ୍ଟ୍ର ଓ ବିହାରରୁ ଦୁଇ ଜଣ ଲେଖାଏଁ ଗିରଫ ହୋଇଥିଲେ ।

ଚଳିତ ବର୍ଷ ଏସଟିଏଫ ଫୋକସରେ ଥିଲା ନିଶା କାରବାର, ବନ୍ୟପ୍ରାଣୀ ସ୍ମଗଲିଂ ସହ ଜାଲନୋଟ କାରବାର । ଚଳିତ ବର୍ଷ ୨୨ କେଜି ବ୍ରାଉନ ସୁଗାର, ୨୫୨୪ କେଜି ଗଂଜେଇ, ୨୦୨ ଗ୍ରାମ କୋକେନ, ୫୧୭ ଗ୍ରାମ ଅଫିମ, ୬୫ ଲକ୍ଷ ଟଙ୍କା ହୋଇଛି ଜବତ । ସେହିଭଳି  ନିଶା ମାଫିଆଙ୍କର ୧୨ କୋଟି ୮୫ ଲକ୍ଷ ଟଙ୍କାର ସମ୍ପତି ଜବତ ବାଜ୍ୟାପ୍ତି କରିବା ପାଇଁ କୋର୍ଟଙ୍କ ଦ୍ୱାରସ୍ଥ ହୋଇଛି ଏସଟିଏଫ । ଏଥିସହ ୨୨କେଜି ବ୍ରାଉନସୁଗାର, ୩୮ କୁଇଣ୍ଟାଲ ଗଂଜେଇ ନଷ୍ଟ କରିଛି ଏସଟିଏଫ । ବନ୍ୟପ୍ରାଣୀ ସ୍ମଗଲିଂ ବିରୁଦ୍ଧରେ ମଧ୍ୟ ଅପରେସନ ଜୋରଦାର କରିଥିଲା ତଦନ୍ତକାରୀ ଟିମ ।  ଚଳିତ ବର୍ଷ ସର୍ବାଧିକ ୧୪ କଳରାପତରିଆ ବାଘ ଛାଲ ଜବତ କରିଛି ଏସଟିଏଫ । ସେହିଭଳି ଗୋଟିଏ ମହାବଳ ବାଘ ଛାଲ, ୯ଟି ଜୀବନ୍ତ ବଜ୍ରକାପ୍ତା, ୨୨କେଜି ବଜ୍ରକାପ୍ତା କାତି, ୧୪ ତି ହାତୀ ଦାନ୍ତ, ୨ଟି ବାଘ ଦାନ୍ତ, ୨୯ ବାଘ ନଖ ସହ ୪୬ ଜଙ୍ଗଲୀ ଶୁଆ ମାଫିଆଙ୍କଠାରୁ ଜବତ ହୋଇଛି ।

ସେହିପରି ରାଜ୍ୟରେ ଚୋରା ବନ୍ଧୁକ କାରବାର ବେଳେ ୧୪ ବନ୍ଧୁକ, ୬୦ ଟି ଜୀବନ୍ତ ଗୁଳି ସହ ୮ ମାଗାଜିନ ଜବତ ହୋଇଛି ।  ୪୭ ଲକ୍ଷ ୪୩ ହଜାର ଟଙ୍କାର ନକଲି ନୋଟ ଜବତ କରିବାରେ ସକ୍ଷମ ହୋଇଛି ଏସଟିଏଫ । ସେହିପରି ବହୁ ଦାମୀ କୋଇଲା ରାକେଟ ଉପରୁ ମଧ୍ୟ ପରଦା ହଟାଇଛି  ତଦନ୍ତକାରୀ ଟିମ ।  ୩୩୮ ଟନ୍ ଶକ୍ତ କୋଇଲା , ୬୨ ଟନ୍ ସାଧାରଣ କୋଇଲା , ୩୧ ଟନ୍ ଅଷ୍ଟ୍ରିଲା କୋଇଲା ଜବତ୍ କରାଯାଇଛି । ଏହା ସହିତ ଦୁଇଟି କେସ ଆଧାରରେ ୧୯୨୦ ବୋତଲ କଫ ଶିରପ ଜବତ ହୋଇଛି ବୋଲି ଏସଟିଏଫ୍ ପକ୍ଷରୁ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଏସଟିଏଫ୍ ଏସପି କିଶୋର କୁମାର ପାଣିଗ୍ରାହୀ ।
Published by:Soubhagya Mishra
First published: