ଡିଏମ୍‌ଡି ରୋଗୀଙ୍କୁ ମିଳିବ ୧୦ ଲକ୍ଷ ଟଙ୍କାର ସହାୟତ; ରାଜ୍ୟ ସରକାରଙ୍କ ବଡ଼ ଘୋଷଣା

State Government on DMD Patient: ସାମ୍ନାକୁ ଆସିଲା ବଡ଼ ଖୁସି ଖବର। ଏଣିକି ଡିଏମ୍‌ଡି ଆକ୍ରାନ୍ତଙ୍କୁ ୧୦ ଲକ୍ଷ ଟଙ୍କାର ଆର୍ଥିକ ସହାୟତା ମିଳିବ। ମୁଖ୍ୟମନ୍ତ୍ରୀଙ୍କ ରିଲିଫ୍‌ ପାଣ୍ଠିରୁ ଏହି ଖର୍ଚ୍ଚ ବହନ କରାଯିବ।

ଡିଏମ୍‌ଡି ରୋଗୀଙ୍କୁ ମିଳିବ ୧୦ ଲକ୍ଷ ଟଙ୍କାର ସହାୟତ

ଡିଏମ୍‌ଡି ରୋଗୀଙ୍କୁ ମିଳିବ ୧୦ ଲକ୍ଷ ଟଙ୍କାର ସହାୟତ

  • News18 Odia
  • Last Updated :
  • Odisha (Orissa), India
  • Share this:
News18 Odia Digital

ଭୁବନେଶ୍ବର: ରାଜ୍ୟ ସରକାରଙ୍କ (State Government) ବଡ଼ ଘୋଷଣା। ଏଥର ଆଉ ଆର୍ଥିକ ସମସ୍ୟା (Financial Assistance) ଦେଇ ଗତି କରିବେନି ଜକ୍‌ନେ ମସ୍କ୍ୟୁଲାର ଡେଷ୍ଟ୍ରୋଫି (DMD) ରୋଗୀ। ଏଣିକି ଡିଏମ୍‌ଡି ଆକ୍ରାନ୍ତଙ୍କୁ ୧୦ ଲକ୍ଷ ଟଙ୍କାର ଆର୍ଥିକ ସହାୟତା ମିଳିବ।

ମୁଖ୍ୟମନ୍ତ୍ରୀଙ୍କ ରିଲିଫ୍‌ ପାଣ୍ଠିରୁ ଏହି ଖର୍ଚ୍ଚ ବହନ କରାଯିବ। ଏହି ଅର୍ଥକୁ ରୋଗୀମାନେ ନିଜ ପାଇଁ ବିଦ୍ୟୁତ ଚାଳିତ ହ୍ୱିଲ୍‌ ଚେୟାର କିଣିବା, ଉପଯୁକ୍ତ ଫିଜିଓଥେରାପି, ଜେନେଟିକ୍‌ ଟେଷ୍ଟ ଏବଂ ସୁପରସ୍ପେଶାଲିଟି ଅନୁଷ୍ଠାନରେ ଚିକିତ୍ସା ବାବଦରେ ଖର୍ଚ୍ଚ କରିପାରିବେ।

ଏହି ସହାୟତା ଅର୍ଥ ପାଇବା ପାଇଁ ଆଜି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ମାର୍ଗଦର୍ଶିକା ଜାରି କରାଯାଇଛି।

ଜିଲ୍ଲାପାଳଙ୍କ ଜରିଆରେ ହିତାଧିକାରୀଙ୍କୁ ପ୍ରୋତ୍ସାହନ ରାଶି ପ୍ରଦାନ କରାଯିବ। ରୋଗୀଙ୍କ ପରିବାର ଲୋକେ ଏଥିପାଇଁ ଜିଲ୍ଲାପାଳଙ୍କ ନିକଟରେ ଆବେଦନ କରିବେ। ଏହି ଆବେଦନକୁ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଅବା ଜନସ୍ୱାସ୍ଥ୍ୟ ଅଧିକାରୀ ଯାଞ୍ଚ କରିବେ।

ଯଦି ଆବେଦନପତ୍ର ବୈଧ ଥାଏ ତା ହେଲେ ସହାୟତା ଦେବା ପାଇଁ ସେମାନେ ଜିଲ୍ଲାପାଳଙ୍କୁ ସୁପାରିସ କରିବେ। ଏହା ପରେ ଜିଲ୍ଲାପାଳ ସମ୍ପୃକ୍ତ ହିତାଧିକାରୀ ଅବା ପରିବାର ସମ୍ପର୍କିୟଙ୍କ ବ୍ୟାଙ୍କ ଆକାଉଣ୍ଟରେ ୧୦ ଲକ୍ଷ ଟଙ୍କା ପ୍ରଦାନ କରିବେ।



ଏଥିସହ ସମ୍ପୃକ୍ତ ସିଡିଏମ୍‌‌ଓ/ପିଏଚ୍‌‌ଓ ହିତାଧିକାରୀଙ୍କର ତାଲିକା ରାଜ୍ୟ ସରକାରଙ୍କ ନିକଟକୁ ପଠାଇବେ। ସୂଚନାଯୋଗ୍ୟ ଯେ ଡିଏମ୍‌‌ଡି ହେଉଛି ଏକ ଜିନ୍‌‌ଗତ ରୋଗ। ମାନବ ଶରୀରରେ ମାଂଶପେଶୀକୁ କାର୍ଯ୍ୟକ୍ଷମ ରଖୁଥିବା ଡେଷ୍ଟ୍ରୋଫିନ୍‌‌ ନାମକ ପ୍ରୋଟିନ୍‌‌ରେ ଅସନ୍ତୁଳ ହେଲେ ଡିଏନ୍‌‌ଡି ଆକ୍ରାନ୍ତ ହୋଇଥାନ୍ତି।

ଏଥିରେ ମାଂଶପେଶୀ ଅକାମୀ ହୋଇଯିବାରୁ ରୋଗୀ ଛିଡ଼ା ହେବା ଅବା ଚଲାବୁଲା କରିବାରେ ଅସମର୍ଥ ହୋଇଥାନ୍ତି। ଏହାର ଚିକିତ୍ସା ମଧ୍ୟ ବ୍ୟୟବହୁଳ।
Published by:Lipina Das
First published: