ଶାହାଙ୍କ ଟାସ୍କକୁ ନେଇ ରାଜ୍ୟ ବିଜେପି ଉତ୍ସାହିତ; କିନ୍ତୁ ସଫଳ କାର୍ଯ୍ୟକାରୀ ନେଇ ନେତାଙ୍କ ଚିନ୍ତା

ଘରେ ଘରେ ପଦ୍ମ ଫୁଲ ଅଙ୍କିବା ପାଇଁ ଟାକ୍ସ ଦେବା ସହିତ କଠିନ ପରିଶ୍ରମ କରି ଜୋରଦାର ଢଙ୍ଗରେ ଲଢେଇ ଆରମ୍ଭ କଲେ ହି ରାଜ୍ୟରେ ଡବଲ ଇଂଜିନ୍ ସରକାର  ଆସିବ ବୋଲି ଦୃଢୋକ୍ତି ପ୍ରକାଶ କରିଥିଲେ ଅମିତ ଶାହା ।

ଶାହାଙ୍କ ଟାସ୍କକୁ ନେଇ ରାଜ୍ୟ ବିଜେପି ଉତ୍ସାହିତ; କିନ୍ତୁ ସଫଳ କାର୍ଯ୍ୟକାରୀ ନେଇ ନେତାଙ୍କ ଚିନ୍ତା

ଶାହାଙ୍କ ଟାସ୍କକୁ ନେଇ ରାଜ୍ୟ ବିଜେପି ଉତ୍ସାହିତ; କିନ୍ତୁ ସଫଳ କାର୍ଯ୍ୟକାରୀ ନେଇ ନେତାଙ୍କ ଚିନ୍ତା

  • Share this:
News 18 Odia Digital

ଭୁବନେଶ୍ୱର; ବରିଷ୍ଠ ବିଜେପି ନେତା ତଥା ଦେଶର ଗୃହମନ୍ତ୍ରୀ ଅମିତ ଶାହାଙ୍କ ଦୁଇଦିନିଆ ଓଡ଼ିଶା ଗସ୍ତ ସରିଛି । ହେଲେ ରାଜ୍ୟ ବିଜେପି ନେତା ଓ ଅଧିକାରୀଙ୍କ ଟେନସନ ସରୁନାହିଁ । ଶାହା ଦେଇଥିବା ଟାସ୍କକୁ କିଭଳି କାର୍ଯ୍ୟକାରୀ କରାଯିବ ତାକୁ ନେଇ ଏବେ ଦଳୀୟ ନେତା ମାନେ ଚିନ୍ତାରେ ପଡିଯାଇଛନ୍ତି ।

ନିକଟରେ ବିଜେପି ରାଜ୍ୟ ମୁଖ୍ୟାଳୟରେ ଦଳର ବରିଷ୍ଠ ଅଧିକାରୀ ତଥା ନେତାଙ୍କୁ ନେଇ ଆୟୋଜିତ  ରୁଦ୍ଧ ଦ୍ୱାର ବୈଠକରେ ଉପସ୍ଥିତ ଥିଲେ ଅମିତ ଶାହ । ବ୍ୟକ୍ତିଗତ ଭାବେ ଦଳୀୟ କାର୍ଯ୍ୟକ୍ରମ ଓ କାର୍ଯ୍ୟ କରିବାର ଶୈଳୀକୁ ନେଇ ସେ ଅସନ୍ତୋଷ ବ୍ୟକ୍ତ କରିବା ସହିତ ଦଳୀୟ ନେତାଙ୍କୁ ଅନେକ ପ୍ରଶ୍ନ ମଧ୍ୟ କରିଥିଲେ । ଏହି ସମୟରେ ଦଳର ବିଭିନ୍ନ ନେତା ଓ କର୍ମକର୍ତ୍ତାଙ୍କୁ ଭେଟିଥିଲେ । ଏଥି ସହିତ ସଙ୍ଗଠନକୁ ସୁଦୃଢ କରିବା ନେଇ ପୁଣିଥରେ ଦେଇଥିଲେ କିଛି ଟାସ୍କ, ଯାହାକୁ କାର୍ଯ୍ୟକାରୀ କରିବାକୁ ଟେନସନରେ ଅଛନ୍ତି ଦଳର ସଂଖ୍ୟାଧିକ ନେତା । ବିଭିନ୍ନ ସାଙ୍ଗଠନିକ କାର୍ଯ୍ୟକ୍ରମ ବାବଦରେ ଦିଆ ଯାଇଥିବା ଟାକ୍ସକୁ ସଠିକ ଭାବେ ଏବଂ ଶୀଘ୍ର କାର୍ଯ୍ୟ କରାଯାଉନଥିବାରୁ ସେ କ୍ଷୋଭ ପ୍ରକାଶ କରିଥିଲେ । ଏହା ସହିତ ଗାଁ , ୱାର୍ଡ ଓ ବୁଥ ସ୍ତରରେ ଅର୍ଥାତ ତୃଣମୂଳ ସ୍ତରରେ ଦଳର ସଂଗଠନକୁ ମଜଭୁତ କରିବା, ବିଭିନ୍ନ ପ୍ରସଙ୍ଗରେ ରାଜ୍ୟ ସରକାରଙ୍କ ବିଫଳତା ଏବଂ ମୋଦି ସରକାରଙ୍କ ସଫଳ ଯୋଜନାକୁ ଲୋକଙ୍କ ପାଖରେ ପହଞ୍ଚାଇବା ଉପରେ ଗୁରୁତ୍ୱ ଦେବାକୁ ନିର୍ଦ୍ଦେଶ ମଧ୍ୟ ଦେଇଥିଲେ ।

ଘରେ ଘରେ ପଦ୍ମ ଫୁଲ ଅଙ୍କିବା ପାଇଁ ଟାକ୍ସ ଦେବା ସହିତ କଠିନ ପରିଶ୍ରମ କରି ଜୋରଦାର ଢଙ୍ଗରେ ଲଢେଇ ଆରମ୍ଭ କଲେ ହିଁ ରାଜ୍ୟରେ ଡବଲ ଇଂଜିନ୍ ସରକାର ଆସିବ ବୋଲି ଦୃଢୋକ୍ତି ପ୍ରକାଶ କରିଥିଲେ । ପୂର୍ବତନ ବିଧାୟକ ତଥା ବରିଷ୍ଠ ବିଜେପି ନେତା ରବି ନାୟକ କହିଛନ୍ତି, ଏହା ସମ୍ପୂର୍ଣ୍ଣ ଭାବେ ଦଳୀୟ ବିଚାର ବିମର୍ଷ ପ୍ରକ୍ରିୟା । ଦଳୀୟ ନେତା ଓ ଅଧିକାରୀଙ୍କ ମନୋବଳ ବୃଦ୍ଧି କରିବା ଏହି ଆଲୋଚନାର ମୁଖ୍ୟ ଲକ୍ଷ୍ୟ ଥିଲା। ତେବେ ଦଳୀୟ ସଙ୍ଗଠନ ବାବଦରେ ଦେଇଥିବା ଟାସ୍କ ସହଜ ନଥିଲେ ବି ତାକୁ ଆମେ ପୁରା କରିବୁ ।

ସେହିପରି ଦଳର ଅନ୍ୟତମ ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ମନମୋହନ ସାମଲ କହିଛନ୍ତି ଯେ, ଏହା ଏକ ଦଳୀୟ ପ୍ରକ୍ରିୟା । କିନ୍ତୁ ଏହାପରେ ଦଳୀୟ ସଂଗଠନକୁ ମଜଭୁତ କରିବା ଉପରେ ଆମର ଫୋକସ ରହିବ । ତେବେ ରାଜନୀତି ସମୀକ୍ଷକ ଅକ୍ଷୟ ସାହୁଙ୍କ ମତରେ ୨୦୧୯ ସାଧାରଣ ନିର୍ବାଚନ ପୂର୍ବରୁ ଓଡ଼ିଶା ଗସ୍ତ ସମୟରେ ଶାହା ଏଭଳି ଟାସ୍କ ଦେଇଥିଲେ । କିନ୍ତୁ ତାହା କେତେଦୂର ସଫଳ ହେଲା ତାହା ସେହି ସାଧାରଣ ନିର୍ବାଚନରେ ପ୍ରତିଫଳିତ ହେଲା । ତେବେ ଏଥର ଶାହା ଦେଇଥିବା  ଟାସ୍କକୁ କାର୍ଯ୍ୟକାରୀ କରିବା ପାଇଁ ଦଳୀୟ ନେତା ତଥା ଅଧିକାରୀମାନେ ଚିନ୍ତାରେ ରହିବା ସ୍ୱାଭାବିକ । ଏହାଦ୍ୱାରା ଦଳ ଅଧିକ ଫୋକସରେ ରହିବ ।
Published by:Soubhagya Mishra
First published: