ଲାଲଗଡ଼ରେ ବଢୁଛି ଲାଲ୍‌ ବାହିନୀର ଅତ୍ୟାଚାର, ନକ୍ସାଲ୍‌ଙ୍କ ଡରରେ ଗାଁ ଛାଡ଼ିଛନ୍ତି ୬ ଆଦିବାସୀ ପରିବାର

ପେଟ ପାଇଁ ମୁଲ ଲାଗିବାକୁ ଗଲେ ବି ଛାଡୁନାହାନ୍ତି ମାଓବାଦୀ । ବଜାରକୁ ଯାଇ ପୁଲିସକୁ ତଥ୍ୟ ଦେଉଥିବା କହି ଗ୍ରାମବାସୀଙ୍କୁ ମାଡ଼ ମାରୁଛନ୍ତି ମାଓବାଦୀ

ପେଟ ପାଇଁ ମୁଲ ଲାଗିବାକୁ ଗଲେ ବି ଛାଡୁନାହାନ୍ତି ମାଓବାଦୀ । ବଜାରକୁ ଯାଇ ପୁଲିସକୁ ତଥ୍ୟ ଦେଉଥିବା କହି ଗ୍ରାମବାସୀଙ୍କୁ ମାଡ଼ ମାରୁଛନ୍ତି ମାଓବାଦୀ

ପେଟ ପାଇଁ ମୁଲ ଲାଗିବାକୁ ଗଲେ ବି ଛାଡୁନାହାନ୍ତି ମାଓବାଦୀ । ବଜାରକୁ ଯାଇ ପୁଲିସକୁ ତଥ୍ୟ ଦେଉଥିବା କହି ଗ୍ରାମବାସୀଙ୍କୁ ମାଡ଼ ମାରୁଛନ୍ତି ମାଓବାଦୀ

  • Share this:
ମାଲକାନଗିରି: ନିତି ଦିନ ଆଦିବାସୀଙ୍କ ପାଇଁ କାମ କରୁଛୁ ବୋଲି କହିହେଉଥିବା ମାଓବାଦୀଙ୍କ ଅସଲ ଚେହେରା ଏବେ ସାମ୍ନାକୁ ଆସିଛି । ସରକାରଙ୍କ ବିରୋଧରେ ସ୍ୱର ଉତ୍ତଳନ କରି ସାଧାରଣ ଲୋକଙ୍କ ସହ ଛିଡା ହେଉଥିବା ମାଓବାଦୀ ଏବେ ସେହି ସାଧାରଣ ଆଦିବାସୀଙ୍କ ଉପରେ ଅତ୍ୟାଚ଼ାର କରୁଛନ୍ତି ବୋଲି ଏକ ସାଙ୍ଘାତିକ ଅଭିଯୋଗ ଆସିଛି ମାଲକାନଗିରି ଜିଲ୍ଲା ମାଥିଲି ବ୍ଲକରୁ । ଭିଟାମାଟି ଛାଡି ଏବେ ଅନ୍ୟତ୍ର ବାସ କରୁଛନ୍ତି ଦୁଇଟି ଗାଁର ଛଅଟି ପରିବାର।

ଲାଲଗଡରେ ବଢୁଛି ଲାଲବାହିନୀର ଅତ୍ୟାଚାର । ସମାନ୍ତରାଳ ଶାସନ ଭିତରେ ବଳି ପଡୁ଼ଛନ୍ତି ନିରୀହ ଲୋକେ । ମାଓବାଦୀଙ୍କ ନାଲି ଆଖିରେ ଅସହ୍ୟ ସେମାନଙ୍କ ଜୀବନ । ଅତିଷ୍ଠ ହୋଇପଡିଛନ୍ତି ଆଦିବାସୀ । ନକ୍ସାଲମାନଙ୍କ କବଳରୁ ଜୀବନ ବଞ୍ଚାଇବା ଆଶାରେ ଭିଟାମାଟି ଛାଡି ଦେଇଛନ୍ତି ମାଓ ଇଲାକାର ଛଅ ଆଦିବାସୀ ପରିବାର ।

ପିଲାଛୁଆଙ୍କୁ ଧରି ଅନ୍ୟତ୍ର ରହିବାକୁ ନିଷ୍ପତ୍ତି ନେଇଛନ୍ତି ମାଲକାନଗିରି ଜିଲ୍ଲା ମାଥିଲି ଥାନା ଅନ୍ତର୍ଗତ ତୁଳସୀ ଏବଂ କେରମେଟି ଗାଁର ଛଅଟି ଆଦିବାସୀ ପରିବାର ।

ମୋବାଇଲ୍‌ ଫୋନ୍‌ ଧରିଲେ ମାଡ଼ । ବଜାର ଆସିଲେ ପୋଲିସ୍‌ ଇନଫର୍ମର୍‌ ଭାବେ ସନ୍ଦେହ କରି ମାଡ଼ । ପେଟ ପାଇଁ ମୁଲ ଲାଗିବାକୁ ଗଲେ ବି ଛାଡୁନାହାନ୍ତି ମାଓବାଦୀ । ବଜାରକୁ ଯାଇ ପୁଲିସକୁ ତଥ୍ୟ ଦେଉଥିବା କହି ଗ୍ରାମବାସୀଙ୍କୁ ମାଡ଼ ମାରୁଛନ୍ତି ମାଓବାଦୀ ।

ସବୁ ଦିନ ମରି ମରି ବଞ୍ଚିବା ଅପେକ୍ଷା ସବୁ ଦିନ ପାଇଁ ନିଜ ଭିଟାମାଟି ଛାଡି ଦେଇଛନ୍ତି ଛଅଟି ପରିବାର । ମାଓ ଇଲାକାରେ ଜୀବନ ଜିଇଁବାକୁ ହେଲେ କେତେ ଯେ କଷ୍ଟ ସହିବାକୁ ହୁଏ ତାହା ଏହି ଛଅଟି ଆଦିବାସୀ ପରିବାରଠାରୁ କିଏ ବା ଅଧିକ ଜାଣିବ?

"ଗାଁରେ ରହୁଥିଲୁ । ହେଲେ କୁଲି କରି ପିଲାଙ୍କ ପାଇଁ ଆଣୁଥିବା ଦାନାରୁ ଅଧା ନେଇଯାଆନ୍ତି ମାଓବାଦୀ । ଆମ ପରିବାର ପଛେ ଉପାସ ରୁହନ୍ତୁ, କିନ୍ତୁ ଚା଼ଉଳ ଓ ପନିପରିବା ନେବେ ନକ୍ସଲ । ନ ଦେଲେ ବଢି଼ବ ମାଓବାଦୀଙ୍କ ଅତ୍ୟାଚାର । ବର୍ଷ ବର୍ଷ ଧରି ଏମିତି ଜୀବନ ଜିଇଁବା କଷ୍ଟକର ହେବାରୁ ଗାଁ ଛାଡି଼ ପଳାଇ ଆସିଛୁ ଆମେ," କହିଛନ୍ତି ତୁଳସୀ ଏବଂ କେରମେଟି ଗାଁର ଆଦିବାସୀ ଯୁବକମାନେ ।

ଗାଁ ଛାଡି ପିଲା ଛୁଆଙ୍କୁ ଧରି ମାଥିଲି ସଦର ନିକଟ ଗାଙ୍ଗରାଜଗୁମ୍ମା ଜଙ୍ଗଲ ପାଖ ଚାଷ ଜମିରେ କୁଡି଼ଆ କରି ଆଶ୍ରୟ ନେଇଛନ୍ତି ଏମାନେ । କିନ୍ତୁ ନା ଖାଇବା ପାଇଁ ଅର୍ଥ ଅଛି, ନା ଚାଷ କରିବାକୁ ଚାଷ ଜମି । ମାଓଗଡ଼ ଛାଡି଼ବା ପରେ ଏଭଳି ଦୁର୍ଦିନରେ ଜୀବନ କାଟୁଛନ୍ତି ଏଇ ଛଅଟି ଆଦିବାସୀ ପରିବାର ।

ମାଥିଲି ବିଡିଓ ଆଶିଷ କୁମାର ଭୋଇ କହିଛନ୍ତି ଏଇ ବିସ୍ଥାପିତ ପରିବାରଗୁଡ଼ିକ ପାଇଁ ସମସ୍ତ ପ୍ରକାରର ସୁବିଧା ସୁଯୋଗ ପ୍ରଶାସନ ତରଫରୁ ଖୁବ୍‌ ଶୀଘ୍ର ଦିଆଯିବ।
First published: