ଖରାପ ଭାବିଲେ ଭାବନ୍ତୁ କିନ୍ତୁ ମୁଁ ସତ କହିବି; କଂଗ୍ରେସ ବିଧାୟକ ସୁର ରାଉତରାୟ

News 18 Odia Digital

ଭୁବନେଶ୍ୱର; ଆମ ଦଳ ଲୋକ ଖଟୁନାହାନ୍ତି । ଖାଇ ପିଇ ବୁଲିକି ଚାଲି ଆସିଲେ । ଖରାପ ଭାବିଲେ ବି ଭାବନ୍ତୁ କିନ୍ତୁ ମୁଁ ସତ କହିବି । ଆମ ଦଳର ଲୋକେ ହିଁ ଦାୟୀ ନିର୍ବାଚନରେ ଖରାପ ପଦର୍ଶନ ପାଇଁ । ଆଜି ପଦ୍ମପୁର ଉପନିର୍ବାଚନ ଫଳାଫଳ ଗଣତି ସମୟରେ ଏପରି କିଛି କହିଛନ୍ତି କଂଗ୍ରେସ ବିଧାୟକ ସୁର ରାଉତରାୟ ।

ଏହାସହ ସୁର ଏକଥା ମଧ୍ୟ କହିଛନ୍ତି ଯେ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଲିଡରସିପକୁ ମାନିବାକୁ ବି ପଡିବ । ଦଳର ନେତା ମନ୍ତ୍ରୀମାନଙ୍କୁ ମଇଦାନଙ୍କୁ ଛାଡିଲେ । ନିଜେ ବି ପ୍ରଚାର କରିବାକୁ ଗଲେ । ସଠିକ ଅଙ୍କ କଷି ଫଳ ଉପାର୍ଜନ କଲେ । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ମଧ୍ୟ ଧନ୍ୟବାଦ । ସେ ଖୁବ୍ ଖଟିଛନ୍ତି । ବିଜେପି ଦଳକୁ ସେକେଣ୍ଡ୍ ପୋଜିସନକୁ ଆଣିପାରିଛନ୍ତି । ଟଙ୍କା ଖର୍ଚ୍ଚ କରିଛନ୍ତି ଉଭୟ ବିଜେଡି ଓ ବିଜେପି । ସେଥିପାଇଁ ସେମାନଙ୍କର ପ୍ରଦର୍ଶନ ଭଲ ହେଲା ।