- ହୋମ୍ »
- ଓଡ଼ିଶା ନ୍ୟୁଜ୍ »
- ଓଡ଼ିଶା »
- ସମ୍ବଲପୁର ବିଶ୍ବବିଦ୍ୟାଳୟରେ ସମ୍ବଲପୁରୀ ଷ୍ଟଡିଜ୍ର ଡିପ୍ଲୋମା ପାଠ୍ୟକ୍ରମ ବନ୍ଦ ହୋଇଗଲା
ସମ୍ବଲପୁର ବିଶ୍ବବିଦ୍ୟାଳୟରେ ସମ୍ବଲପୁରୀ ଷ୍ଟଡିଜ୍ର ଡିପ୍ଲୋମା ପାଠ୍ୟକ୍ରମ ବନ୍ଦ ହୋଇଗଲା
ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ଛାତ୍ରଛାତ୍ରୀମାନଙ୍କ ଆଗ୍ରହର ଅଭାବକୁ ଦାୟୀ କରିଥିବା ବେଳେ ଛାତ୍ରଛାତ୍ରୀମାନେ ଏହି ପାଠ୍ୟକ୍ରମକୁ ଜନପ୍ରିୟ କରିବା ପାଇଁ ବିଶ୍ୱବିଦ୍ୟାଳୟର ଚ଼େଷ୍ଟାର ଅଭାବକୁ ଦୋଷ ଦେଇଛନ୍ତି । ଅନେକ ପୂର୍ବତନ ଛାତ୍ରଛାତ୍ରୀ କହିଛନ୍ତି ଯେ ବିଶ୍ୱବିଦ୍ୟାଳୟରେ ଏମିତି ଗୋଟେ କୋର୍ସ ଥିଲା ବୋଲି ବହୁତ ଲୋକ ଜାଣି ହିଁ ନ ଥିଲେ ।
ସମ୍ବଲପୁର ବିଶ୍ବବିଦ୍ୟାଳୟ
News18 Odia Digital
ସମ୍ବଲପୁର: ପଶ୍ଚିମ ଓଡ଼ିଶାର ଶିକ୍ଷିତ ଯୁବା ପିଢ଼ିର ଆଗ୍ରହର ଅଭାବରୁ ସମ୍ବଲପୁର ବିଶ୍ବବିଦ୍ୟାଳୟରେ ଆରମ୍ଭ ହୋଇଥିବା ସମ୍ବଲପୁରୀ ଷ୍ଟଡିଜ୍ରେ ଡ଼ିପ୍ଲୋମା ପାଠ୍ୟକ୍ରମ ଶେଷରେ ବନ୍ଦ ହୋଇଗଲା । ବ୍ୟାଚ୍ ପରେ ବ୍ୟାଚ୍ କ୍ରମାଗତ ଭାବେ ଏହି ପାଠ୍ୟକ୍ରମ ପାଇଁ ଛାତ୍ରଛାତ୍ରୀଙ୍କୁ ଆକୃଷ୍ଟ କରିବାରେ ବିଫଳ ହେବା ପରେ ବିଶ୍ବବିଦ୍ୟାଳୟ କର୍ତ୍ତୃପକ୍ଷ ଏହି ପାଠ୍ୟକ୍ରମକୁ ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି ।
ଗଲା ତିନି ବର୍ଷରେ ଏହି ପାଠ୍ୟକ୍ରମ ପାଇଁ ଜଣେ କେହି ବି ଆବେଦନ କରି ନ ଥିଲେ । ସମ୍ବଲପୁରୀ ଭାଷା, କଳା ଓ ପରମ୍ପରାକୁ ସଂରକ୍ଷିତ କରି ରଖିବା ଓ ଆହୁରି ସମୃଦ୍ଧ କରିବା ଲକ୍ଷରେ ସମ୍ବଲପୁର ବିଶ୍ବବିଦ୍ୟାଳୟ ୧୯୯୭ରେ ଏହି ପାଠ୍ୟକ୍ରମ ଆରମ୍ଭ କରିଥିଲା ଓ ଏହି କରିବାରେ ପ୍ରଥମ ଥିଲା । ଏହି କୋର୍ସ୍ ବିଶ୍ବବିଦ୍ୟାଳୟ ଅନୁଦାନ ଆୟୋଗ (ୟୁଜିସି, UGC) ଦ୍ବାରା ଅନୁମୋଦିତ ହୋଇ ନ ଥିବାରୁ ଓଡ଼ିଆ ବିଭାଗ ଅଧୀନରେ ରହିଥିଲା ।
ସମ୍ବଲପୁରୀ ସଂସ୍କୃତିବ ବାଶାଳ ବିଭବକୁ ଜାଣିବା ଓ ତା’ ଉପରେ ଗବେଷଣା କରିବା ପାଇଁ ଏହି ପାଠ୍ୟକ୍ରମ ଏକ ଉତ୍କୃଷ୍ଟ ମାଧ୍ୟମ ପ୍ରମାଣିତ ହେବ ବୋଲି ପଶ୍ଚିମ ଓଡ଼ିଶା ସମେତ ସାରା ରାଜ୍ୟର ବୁଦ୍ଧିଜୀବୀମାନେ ଆଶା କରିଥିଲେ । ହେଲେ ବାସ୍ତବତା ଖୁବ୍ ଭିନ୍ନ ହେଲା ।
‘‘ଏହି କୋର୍ସ୍ ପାଇଁ ଛାତ୍ରଛାତ୍ରୀଙ୍କ ତରଫରୁ ଆବେଦନ ନ ଆସିବାରୁ ଆମେ ବାଧ୍ୟ ହୋଇ ଏହାକୁ ବନ୍ଦ କଲୁ । ଆବେଦନକାରୀମାନେ ଯଦି ଆଗ୍ରହ ଦେଖାନ୍ତି ତାହେଲେ ଭବିଷ୍ୟତରେ ଆମେ ପୁଣି ଏହି କୋର୍ସ୍ ଆରମ୍ଭ କରିପାରୁ,’’ କହିଛନ୍ତି ସମ୍ବଲପୁର ବିଶ୍ବବିଦ୍ୟାଳୟର ରେଜିଷ୍ଟ୍ରାର୍ ସଞ୍ଜତ କୁମାର ସାହୁ ।
ପାଠ୍ୟକ୍ରମଟି ପାଇଁ ୧୫ଟି ସିଟ୍ ଥିଲା । ଓଡ଼ିଆ ଓ ଇତିହାସ ବିଭାଗର ଶିକ୍ଷକମାନଙ୍କ ବ୍ୟତୀତ ସମ୍ବଲପୁରୀ ଭାଷାର ବିଶେଷଜ୍ଞମାନେ ଗେଷ୍ଟ ଲେକ୍ଚରର ଭାବେ ଆସି କ୍ଲାସ୍ ନେଉଥିଲେ । ପାଠ୍ୟକ୍ରମରେ ପଶ୍ଚିମ ଓଡ଼ିଶାର ଇତିହାସ, ଭୌଗୋଳିକ ସ୍ଥିତି, ଜନସାଂଖ୍ୟିାକି, ସମ୍ବଲପୁରୀ ସସ୍କୃତି, କଳା, ପରମ୍ପରା, ପର୍ବ ପର୍ବାଣୀ, ପ୍ରମୁଖ ବ୍ୟକ୍ତି ଓ ସ୍ବାଧୀନତା ସଂଗ୍ରାମୀଙ୍କ ଜୀବନୀ ଓ ସମ୍ବଲପୁରୀ ଭାଷାରେ ଲେଖାଯାଇଥିବା କେତେକ ପୁସ୍ତକ ସାମିଲ ଥିଲା ।
ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ଛାତ୍ରଛାତ୍ରୀମାନଙ୍କ ଆଗ୍ରହର ଅଭାବକୁ ଦାୟୀ କରିଥିବା ବେଳେ ଛାତ୍ରଛାତ୍ରୀମାନେ ଏହି ପାଠ୍ୟକ୍ରମକୁ ଜନପ୍ରିୟ କରିବା ପାଇଁ ବିଶ୍ୱବିଦ୍ୟାଳୟର ଚ଼େଷ୍ଟାର ଅଭାବକୁ ଦୋଷ ଦେଇଛନ୍ତି । ଅନେକ ପୂର୍ବତନ ଛାତ୍ରଛାତ୍ରୀ କହିଛନ୍ତି ଯେ ବିଶ୍ୱବିଦ୍ୟାଳୟରେ ଏମିତି ଗୋଟେ କୋର୍ସ ଥିଲା ବୋଲି ବହୁତ ଲୋକ ଜାଣି ହିଁ ନ ଥିଲେ ।
‘‘ସମ୍ବଲପୁରୀ ଭାଷା ଓ ସସ୍କୃତି ଉପରେ ରିସର୍ଚ୍ଚ କରିବାକୁ ଚାହୁଁଥିବା ଛାତ୍ରଛାତ୍ରୀଙ୍କ ପାଇଁ ଗୋଟେ ସୁବର୍ଣ୍ଣ ସୁଯୋଗ ବିଶ୍ୱବିଦ୍ୟାଳୟର ଅବହେଳା ଯୋଗୁଁ ଚ଼ାଲିଗଲା,’’ କହିଛନ୍ତି ଏହି କୋର୍ସର ଜଣେ ପୂର୍ବତନ ଛାତ୍ରୀ ।
ସମ୍ବଲପୁର: ପଶ୍ଚିମ ଓଡ଼ିଶାର ଶିକ୍ଷିତ ଯୁବା ପିଢ଼ିର ଆଗ୍ରହର ଅଭାବରୁ ସମ୍ବଲପୁର ବିଶ୍ବବିଦ୍ୟାଳୟରେ ଆରମ୍ଭ ହୋଇଥିବା ସମ୍ବଲପୁରୀ ଷ୍ଟଡିଜ୍ରେ ଡ଼ିପ୍ଲୋମା ପାଠ୍ୟକ୍ରମ ଶେଷରେ ବନ୍ଦ ହୋଇଗଲା । ବ୍ୟାଚ୍ ପରେ ବ୍ୟାଚ୍ କ୍ରମାଗତ ଭାବେ ଏହି ପାଠ୍ୟକ୍ରମ ପାଇଁ ଛାତ୍ରଛାତ୍ରୀଙ୍କୁ ଆକୃଷ୍ଟ କରିବାରେ ବିଫଳ ହେବା ପରେ ବିଶ୍ବବିଦ୍ୟାଳୟ କର୍ତ୍ତୃପକ୍ଷ ଏହି ପାଠ୍ୟକ୍ରମକୁ ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି ।
ଗଲା ତିନି ବର୍ଷରେ ଏହି ପାଠ୍ୟକ୍ରମ ପାଇଁ ଜଣେ କେହି ବି ଆବେଦନ କରି ନ ଥିଲେ । ସମ୍ବଲପୁରୀ ଭାଷା, କଳା ଓ ପରମ୍ପରାକୁ ସଂରକ୍ଷିତ କରି ରଖିବା ଓ ଆହୁରି ସମୃଦ୍ଧ କରିବା ଲକ୍ଷରେ ସମ୍ବଲପୁର ବିଶ୍ବବିଦ୍ୟାଳୟ ୧୯୯୭ରେ ଏହି ପାଠ୍ୟକ୍ରମ ଆରମ୍ଭ କରିଥିଲା ଓ ଏହି କରିବାରେ ପ୍ରଥମ ଥିଲା । ଏହି କୋର୍ସ୍ ବିଶ୍ବବିଦ୍ୟାଳୟ ଅନୁଦାନ ଆୟୋଗ (ୟୁଜିସି, UGC) ଦ୍ବାରା ଅନୁମୋଦିତ ହୋଇ ନ ଥିବାରୁ ଓଡ଼ିଆ ବିଭାଗ ଅଧୀନରେ ରହିଥିଲା ।
ସମ୍ବଲପୁରୀ ସଂସ୍କୃତିବ ବାଶାଳ ବିଭବକୁ ଜାଣିବା ଓ ତା’ ଉପରେ ଗବେଷଣା କରିବା ପାଇଁ ଏହି ପାଠ୍ୟକ୍ରମ ଏକ ଉତ୍କୃଷ୍ଟ ମାଧ୍ୟମ ପ୍ରମାଣିତ ହେବ ବୋଲି ପଶ୍ଚିମ ଓଡ଼ିଶା ସମେତ ସାରା ରାଜ୍ୟର ବୁଦ୍ଧିଜୀବୀମାନେ ଆଶା କରିଥିଲେ । ହେଲେ ବାସ୍ତବତା ଖୁବ୍ ଭିନ୍ନ ହେଲା ।
‘‘ଏହି କୋର୍ସ୍ ପାଇଁ ଛାତ୍ରଛାତ୍ରୀଙ୍କ ତରଫରୁ ଆବେଦନ ନ ଆସିବାରୁ ଆମେ ବାଧ୍ୟ ହୋଇ ଏହାକୁ ବନ୍ଦ କଲୁ । ଆବେଦନକାରୀମାନେ ଯଦି ଆଗ୍ରହ ଦେଖାନ୍ତି ତାହେଲେ ଭବିଷ୍ୟତରେ ଆମେ ପୁଣି ଏହି କୋର୍ସ୍ ଆରମ୍ଭ କରିପାରୁ,’’ କହିଛନ୍ତି ସମ୍ବଲପୁର ବିଶ୍ବବିଦ୍ୟାଳୟର ରେଜିଷ୍ଟ୍ରାର୍ ସଞ୍ଜତ କୁମାର ସାହୁ ।
ପାଠ୍ୟକ୍ରମଟି ପାଇଁ ୧୫ଟି ସିଟ୍ ଥିଲା । ଓଡ଼ିଆ ଓ ଇତିହାସ ବିଭାଗର ଶିକ୍ଷକମାନଙ୍କ ବ୍ୟତୀତ ସମ୍ବଲପୁରୀ ଭାଷାର ବିଶେଷଜ୍ଞମାନେ ଗେଷ୍ଟ ଲେକ୍ଚରର ଭାବେ ଆସି କ୍ଲାସ୍ ନେଉଥିଲେ । ପାଠ୍ୟକ୍ରମରେ ପଶ୍ଚିମ ଓଡ଼ିଶାର ଇତିହାସ, ଭୌଗୋଳିକ ସ୍ଥିତି, ଜନସାଂଖ୍ୟିାକି, ସମ୍ବଲପୁରୀ ସସ୍କୃତି, କଳା, ପରମ୍ପରା, ପର୍ବ ପର୍ବାଣୀ, ପ୍ରମୁଖ ବ୍ୟକ୍ତି ଓ ସ୍ବାଧୀନତା ସଂଗ୍ରାମୀଙ୍କ ଜୀବନୀ ଓ ସମ୍ବଲପୁରୀ ଭାଷାରେ ଲେଖାଯାଇଥିବା କେତେକ ପୁସ୍ତକ ସାମିଲ ଥିଲା ।
ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ଛାତ୍ରଛାତ୍ରୀମାନଙ୍କ ଆଗ୍ରହର ଅଭାବକୁ ଦାୟୀ କରିଥିବା ବେଳେ ଛାତ୍ରଛାତ୍ରୀମାନେ ଏହି ପାଠ୍ୟକ୍ରମକୁ ଜନପ୍ରିୟ କରିବା ପାଇଁ ବିଶ୍ୱବିଦ୍ୟାଳୟର ଚ଼େଷ୍ଟାର ଅଭାବକୁ ଦୋଷ ଦେଇଛନ୍ତି । ଅନେକ ପୂର୍ବତନ ଛାତ୍ରଛାତ୍ରୀ କହିଛନ୍ତି ଯେ ବିଶ୍ୱବିଦ୍ୟାଳୟରେ ଏମିତି ଗୋଟେ କୋର୍ସ ଥିଲା ବୋଲି ବହୁତ ଲୋକ ଜାଣି ହିଁ ନ ଥିଲେ ।
‘‘ସମ୍ବଲପୁରୀ ଭାଷା ଓ ସସ୍କୃତି ଉପରେ ରିସର୍ଚ୍ଚ କରିବାକୁ ଚାହୁଁଥିବା ଛାତ୍ରଛାତ୍ରୀଙ୍କ ପାଇଁ ଗୋଟେ ସୁବର୍ଣ୍ଣ ସୁଯୋଗ ବିଶ୍ୱବିଦ୍ୟାଳୟର ଅବହେଳା ଯୋଗୁଁ ଚ଼ାଲିଗଲା,’’ କହିଛନ୍ତି ଏହି କୋର୍ସର ଜଣେ ପୂର୍ବତନ ଛାତ୍ରୀ ।
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
