ସମ୍ବଲପୁର: ଗରିବ ଲୋକଙ୍କ ପାଇଁ ଜଣେ ଡାକ୍ତର ଖୋଲିଲେ 'ଏକ ଟଙ୍କିଆ' କ୍ଲିନିକ୍'

News18 Odia Digital
ସମ୍ବଲପୁର: ଗରିବ ଓ ବଞ୍ଚିତ ଲୋକଙ୍କୁ ଚିକିତ୍ସା ଯୋଗାଇବା ପାଇଁ  ସମ୍ବଲପୁର ଜିଲ୍ଲାର ଜଣେ ଡାକ୍ତର 'ଏକ ଟଙ୍କିଆ' କ୍ଲିନିକ ଖୋଲିଛନ୍ତି । 'ବୀର ସୁରେନ୍ଦ୍ର ସାଇ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ ଆଣ୍ଡ ରିସର୍ଚ୍ଚ'ର (VIMSAR) ଚିକିତ୍ସା ବିଭାଗର ସହକାରୀ ପ୍ରଫେସର ଶଙ୍କର ରାମଚନ୍ଦାନୀ ବୁର୍ଲା ସହରରେ ଏହି କ୍ଲିନିକ୍ ଖୋଲିଛନ୍ତି ।ଯେଉଁଠାରେ ରୋଗୀଙ୍କୁ ଚିକିତ୍ସା ପାଇଁ ମାତ୍ର ଏକ ଟଙ୍କା ଦେବାକୁ ପଡିବ ।

ରାମଚନ୍ଦାନୀ (୩୮) କହିଛନ୍ତି ଯେ ସେ ଗରିବ ଓ ବଞ୍ଚିତ ଲୋକଙ୍କୁ ମାଗଣା ଚିକିତ୍ସା ଯୋଗାଇଦେବାକୁ ବହୁ ଦିନରୁ ଇଚ୍ଛା କରୁଥିଲେ ଓ ଏହି ଇଚ୍ଛା ପୂରଣ ପାଇଁ ଏହି ଚିକିତ୍ସାଳୟ ଏକ ପଦକ୍ଷେପ । ଡାକ୍ତର କହିଛନ୍ତି, 'ମୁଁ ଭିମସାରରେ ସିନିୟର ରେଜିଡେଣ୍ଟ ଭାବରେ କାମ କରିବା ଆରମ୍ଭ କରିଥିଲି ଓ ସିନିୟର ରେଜିଡେଣ୍ଟଙ୍କୁ ଘରୋଇ କ୍ଲିନିକରେ ଚିକିତ୍ସା କରିବାକୁ ଅନୁମତି ନଥିଲା, ତେଣୁ ମୁଁ ସେତେବେଳେ' ଏକ ଟଙ୍କିଆ' କ୍ଲିନିକ୍ ଆରମ୍ଭ କରିପାରି ନ ଥିଲି । ସମ୍ପ୍ରତି ମୋତେ ସହକାରୀ ପ୍ରଫେସର ପଦବୀକୁ ଉନ୍ନୀତ କରାଯାଇଥିଲା ଓ ସହକାରୀ ପ୍ରଫେସର ଭାବରେ ମୋତେ କାର୍ଯ୍ୟ ସମୟ ପରେ ଘରୋଇ କ୍ଲିନିକରେ କାମ କରିବାକୁ ଅନୁମତି ଦିଆଗଲା । ତେଣୁ ମୁଁ ବର୍ତ୍ତମାନ ଏକ ଭଡା ଘରେ ମୋର କ୍ଲିନିକ୍ ଆରମ୍ଭ କରିଛି । '

ସେ କାହିଁକି ଗୋଟିଏ ଟଙ୍କା ନେଉଛନ୍ତି ବୋଲି ପଚରାଯିବାରୁ ରାମଚାନ୍ଦନୀ କହିଛନ୍ତି, 'ମୁଁ ଗରିବ ଓ ବଞ୍ଚିତ ଲୋକଙ୍କଠାରୁ ଗୋଟିଏ ଟଙ୍କା ନେଉଛି, କାରଣ ମୁଁ ଚାହେଁ ନାହିଁ ଯେ ସେମାନେ ଅନୁଭବ କରନ୍ତୁ ଯେ ମାଗଣାରେ ସେବା ନେଉଛନ୍ତି । ସେମାନେ ଅନୁଭବ କରିବା ଉଚିତ୍ ଯେ ସେମାନେ ସେମାନଙ୍କର ଚିକିତ୍ସା ପାଇଁ କିଛି ପରିମାଣ ଦେଇଛନ୍ତି ।:" ବୁର୍ଲାର କଚ୍ଚା ବଜାର ଅଞ୍ଚଳରେ ଏହି କ୍ଲିନିକ୍ ସକାଳ ୭ ଟାରୁ ୮ ଟା ପର୍ଯ୍ୟନ୍ତ ଓ ସନ୍ଧ୍ୟା ୬ ଟାରୁ ସନ୍ଧ୍ୟା ୭ଟା ପର୍ଯ୍ୟନ୍ତ ଖୋଲା ରହିବ ।

ରାମଚନ୍ଦାନୀ କହିଛନ୍ତି, ''ତାଙ୍କ ପତ୍ନୀ ଶିଖା ରାମଚନ୍ଦାନୀ ଜଣେ ଦନ୍ତ ଚିକିତ୍ସକ ଓ ସେ ମଧ୍ୟ ତାଙ୍କୁ ସାହାଯ୍ୟ କରୁଛନ୍ତି । ଶୁକ୍ରବାର ଦିନ ଏହି କ୍ଲିନିକର ଉଦଘାଟନ କରାଯାଇଥିଲା ଓ ପ୍ରଥମ ଦିନରେ ୩୩ ଜଣ ରୋଗୀ ସେମାନଙ୍କ କ୍ଲିନିକୁ ଚିକିତ୍ସା ପାଇଁ ଆସିଥିଲେ ।'

କୁଷ୍ଠରୋଗୀ ରୋଗୀଙ୍କୁ ନିଜ କୋଳରେ ଉଠାଇ ତାଙ୍କ ଘରକୁ ନେଇଯିବା ପାଇଁ ୨୦୧୯ ରେ ଲାଇମଲାଇଟକୁ ଆସିଥିବା ରାମଚନ୍ଦାନୀ କହିଛନ୍ତି, 'ମୋର ସ୍ୱର୍ଗତ ପିତା ବ୍ରାହ୍ମଣାନନ୍ଦ ରାମଚାନ୍ଦାନୀ ମୋତେ ଏକ ନର୍ସିଂହୋମ ଖୋଲିବାକୁ କହିଥିଲେ, କିନ୍ତୁ ଏଥିରେ ବିପୁଳ ପୁଞ୍ଜି ବିନିଯୋଗ ଯୋଗୁଁ ଗରିବଙ୍କୁ 'ଏକ ଟଙ୍କାରେ' ଚିକିତ୍ସା ଯୋଗାଇବା ସମ୍ଭବ ନୁହେଁ । ତେଣୁ ମୁଁ ଏକ 'ଟଙ୍କା' କ୍ଲିନିକ୍ ଖୋଲିଛି ।'