ପୁରୀ ରେଳଷ୍ଟେସନରୁ ନବଜାତ ଶିଶୁକୁ ଉଦ୍ଧାର କଲେ ଆରପିଏଫ୍ କନେଷ୍ଟବଳ

News 18 Odia Digital

ପୁରୀ: ଆଜି ସକାଳେ ପୁରୀରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଜନ୍ମ କଲା ନବଜାତ ଶିଶୁକୁ ଟ୍ରେନ ସିଟ୍ ତଳେ ପକାଇ ଦେଇ ଯାଇଥିବାର ଦୃଶ୍ୟ ଦେଖିବାକୁ ମିଳିଥିଲା ା

ଆଜି ସକାଳ ପ୍ରାୟ ୮.୩୦ ସମୟରେ ୪ ନମ୍ବର ପ୍ଲାଟଫର୍ମରେ ଲାଗିଥିବା ତପସ୍ୱିନୀ ଏକ୍ସପ୍ରେସ (ଟ୍ରେନ ନଂ ୧୮୪୫୧) ଯାଞ୍ଚ ବେଳେ ଜେନେରାଲ ବଗିର ୮୬ ରୁ ୮୯ ନଂ ସିଟ ତଳେ ଏକ ନବଜାତ ଶିଶୁ ପଡିଥିବା ଦେଖିବାକୁ ପାଇଥିଲେ ପ୍ରଥମେ ଆରପିଏଫ୍ କନେଷ୍ଟବଳ ଅଭିନଭ କୁମାର ନାୟକ । ତୁରନ୍ତ ସେ ମହିଳା କନେଷ୍ଟବଳଙ୍କୁ ଡାକିଥିଲେ ଓ ମହିଳା କନେଷ୍ଟବଳଙ୍କ ସହାୟତାରେ ନବଜାତ ଶିଶୁକୁ ଉଦ୍ଧାର କରି କରିଥିଲେ ।ପରେ ସାଙ୍ଗେ ସାଙ୍ଗେ ଆମ୍ବୁଲାନ୍ସ ଡକାଇ ଥିଲେ ଓ ଆମ୍ବୁଲାନ୍ସ ଯୋଗେ ପୁରୀ ମେଡ଼ିକାଲକୁ ପଠାଇଥିଲେ ।ଆଉ ଏବେ ଏସେନସିୟୁରେ ନବଜାତ ଶିଶୁକୁ ରଖି ଚିକିତ୍ସା କରାଯାଉଛି ।